Hello Poetry
Submit your work and get some sparkles! Create free account
sonnePoems
es het en ziit geh, wos lebe unmöglich gshiine het. prägt vo trauma und selbsthass. vo nie glernt wie mer lebt und nie glernt wie was es bedütet en wert z ha. min gsichtsudruck stets leer, mini gedanke wie es karusell und min körper es shlachtfeld für die ganzi hoffnigslosigkeit. ich han nie glernt ufem surfbrett stah z blibe wenn en grossi welle chunnt. so bin ich immer und immer wieder abegheit. es het en ziit geh, wos lebe unmöglich gshiine het. und so han ich mich ned nur eimal imene spital bett wiedergfunde wo mer ghulfe wird z überlebe, wo ich doch alles aber nur ned das ha welle. ich han therapeute und klinikpersonal öfters gseh als manchi vo mine fründe. kei heimat aber d psychiatrie hets mer geh, so trurig wies tönt aber so real ish es gsi. es het en ziit geh, wos lebe unmöglich gshiine het. "sie sind chronish lebensmüed, ich chan ihne ned helfe" oder "bi ihrne diagnose müend sie eifach akzeptiere, dass es nümm besser wird". reduziert, abgwertet, ufgeh und heigshickt worde. während anderi studiered, studier ich mini mentali gsundheit. mini spotify playlists hend die trüürigshte näme. ich bin es opfer aber sött keis blibe, will wer es opfer bliibt, de blibt trurig. es het en ziit geh, wos lebe unmöglich gshiine het. es het en ziit geh. was? so unmöglich es gshiine het, ish es nümm. ich han stück für stück mini lebensfreud zruggfunde und ned z letsht mich selber gfunde. ich bin keis opfer und ich bin ned die psychisch chranki ich bin en pflegendi, en fründin, es himmlishes chind und wertvoll. ich lebe. mein gott ich lebe. min gsichtsusdruck ish wach und lebendig. ich chan ufem surfbrett stahblibe, au wenn en grossi welle chunnt. ich gseh mini fründe öfters als mini therapeutin und wie het sho wieder die pflegerin gheisse? wie glücklich ich doch bin, das nümm z wüsse. mini spotify playlists strahlend mit glückliche näme und so rückend doch die truriige immer wiiter abe. min körper einst es shlachtfeld, hüt nurna es zügnis vo de vergangeheit. es het en ziit geh, wos lebe unmöglich gshiine het und denn hett sies nümm geh. aua. ich han chopfweh. egal ich trinke meh wasser und denn wird das wieder guet. ich han chopfweh. "nehmed sie die nahrigsergänzige und denn wird da wieder guet" ich han chopfweh. "sie hend migräne ohni aura, da hend sie es triptan und en physio verordnig" ich han chopfweh. "mir möched es mri und da hend sie en dry needling verordnig" ich han chopfweh. "mir versueched es anders triptan" ich han chopfweh. "d kosteguetsprach für botox ish abglehnt worde" ich han chopfweh. "krankekasse zahlt d antikörper, es wird ihne besser gah demit" ich han chopfweh. "sie wäred die ershti patientin bi dere d antikörper d symptom vershlimmered" ich find mich im spitalbett wieder. status migränosus, das ish mini diagnose. ich möcht ned respektlos sii drum ziehn ich d sunnebrülle ab, wenn d ärztin inne chunnt, obwohl ich ned untersheide chan eb ich grad es messer ih mine auge stecke han oder ebs doch eifach nur d sunne ish. ich find mich im spitalbett wieder und gib mer müeh vor angst ned z fesht z brüelle und z zittere will d ärztin grad mitere nadle ih mim wirbelkanal dinne ish. ich han chopfweh. "wüsse sie, wenn mer chronish chrank ish, muss mer akzeptiere, dass die eigete plän ned immr ufgönd" ich find mich imene zug wieder wo 104 km vo mim dihei weg fahrt obwohl ich doch eigentlich nur ih mis bett ha welle, doch will min chopf z platze droht het s gleis 3 eigentlich s gleis 2 selle sii. ich han chopfweh. "mir zahled en ambulanti reha aber s chopfwehprogramm das gits nur stationär statt" ich han chopfweh. de begriff chopfweh ish 52 mal uf whatsapp z finde, grindweh 24 mal und migräne 122 mal. ich han chopfweh. das wüsseds mittlerwiili alli und ich wünshti es wär anderst. ich han chopfweh. wie oft chani na für heilig bete bis s kontingent ufbrucht ish? ich find mich imene spital bett wieder. und wieder luutet diagnose status migränosus. "mir hend imene monet für sie en termin". keis problem, alles guet, mis nastuech tröchnet mini träne. was für en wendi woni doch endlich glehrt ha wie mer lebt und glücklich ish. wo mis innere nümm shwarz ish sondern farbig und ich mini fründe uf es kaffi und nümm ide klinik triffe. es het en ziit geh, wos lebe unmöglich gshiine het. die ziit hets geh und denn ish sie weg gsi. aber anshiinend ned gnueg wiit weg, will sie wieder da ish.
0
May 27
May 27, 2026 at 12:57 PM UTC
ich han chopfweh
es het en ziit geh, wos lebe unmöglich gshiine het. prägt vo trauma und selbsthass. vo nie glernt wie mer lebt und nie glernt wie was es bedütet en wert z ha. min gsichtsudruck stets leer, mini gedanke wie es karusell und min körper es shlachtfeld für die ganzi hoffnigslosigkeit. ich han nie glernt ufem surfbrett stah z blibe wenn en grossi welle chunnt. so bin ich immer und immer wieder abegheit. es het en ziit geh, wos lebe unmöglich gshiine het. und so han ich mich ned nur eimal imene spital bett wiedergfunde wo mer ghulfe wird z überlebe, wo ich doch alles aber nur ned das ha welle. ich han therapeute und klinikpersonal öfters gseh als manchi vo mine fründe. kei heimat aber d psychiatrie hets mer geh, so trurig wies tönt aber so real ish es gsi. es het en ziit geh, wos lebe unmöglich gshiine het. "sie sind chronish lebensmüed, ich chan ihne ned helfe" oder "bi ihrne diagnose müend sie eifach akzeptiere, dass es nümm besser wird". reduziert, abgwertet, ufgeh und heigshickt worde. während anderi studiered, studier ich mini mentali gsundheit. mini spotify playlists hend die trüürigshte näme. ich bin es opfer aber sött keis blibe, will wer es opfer bliibt, de blibt trurig. es het en ziit geh, wos lebe unmöglich gshiine het. es het en ziit geh. was? so unmöglich es gshiine het, ish es nümm. ich han stück für stück mini lebensfreud zruggfunde und ned z letsht mich selber gfunde. ich bin keis opfer und ich bin ned die psychisch chranki ich bin en pflegendi, en fründin, es himmlishes chind und wertvoll. ich lebe. mein gott ich lebe. min gsichtsusdruck ish wach und lebendig. ich chan ufem surfbrett stahblibe, au wenn en grossi welle chunnt. ich gseh mini fründe öfters als mini therapeutin und wie het sho wieder die pflegerin gheisse? wie glücklich ich doch bin, das nümm z wüsse. mini spotify playlists strahlend mit glückliche näme und so rückend doch die truriige immer wiiter abe. min körper einst es shlachtfeld, hüt nurna es zügnis vo de vergangeheit. es het en ziit geh, wos lebe unmöglich gshiine het und denn hett sies nümm geh. aua. ich han chopfweh. egal ich trinke meh wasser und denn wird das wieder guet. ich han chopfweh. "nehmed sie die nahrigsergänzige und denn wird da wieder guet" ich han chopfweh. "sie hend migräne ohni aura, da hend sie es triptan und en physio verordnig" ich han chopfweh. "mir möched es mri und da hend sie en dry needling verordnig" ich han chopfweh. "mir versueched es anders triptan" ich han chopfweh. "d kosteguetsprach für botox ish abglehnt worde" ich han chopfweh. "krankekasse zahlt d antikörper, es wird ihne besser gah demit" ich han chopfweh. "sie wäred die ershti patientin bi dere d antikörper d symptom vershlimmered" ich find mich im spitalbett wieder. status migränosus, das ish mini diagnose. ich möcht ned respektlos sii drum ziehn ich d sunnebrülle ab, wenn d ärztin inne chunnt, obwohl ich ned untersheide chan eb ich grad es messer ih mine auge stecke han oder ebs doch eifach nur d sunne ish. ich find mich im spitalbett wieder und gib mer müeh vor angst ned z fesht z brüelle und z zittere will d ärztin grad mitere nadle ih mim wirbelkanal dinne ish. ich han chopfweh. "wüsse sie, wenn mer chronish chrank ish, muss mer akzeptiere, dass die eigete plän ned immr ufgönd" ich find mich imene zug wieder wo 104 km vo mim dihei weg fahrt obwohl ich doch eigentlich nur ih mis bett ha welle, doch will min chopf z platze droht het s gleis 3 eigentlich s gleis 2 selle sii. ich han chopfweh. "mir zahled en ambulanti reha aber s chopfwehprogramm das gits nur stationär statt" ich han chopfweh. de begriff chopfweh ish 52 mal uf whatsapp z finde, grindweh 24 mal und migräne 122 mal. ich han chopfweh. das wüsseds mittlerwiili alli und ich wünshti es wär anderst. ich han chopfweh. wie oft chani na für heilig bete bis s kontingent ufbrucht ish? ich find mich imene spital bett wieder. und wieder luutet diagnose status migränosus. "mir hend imene monet für sie en termin". keis problem, alles guet, mis nastuech tröchnet mini träne. was für en wendi woni doch endlich glehrt ha wie mer lebt und glücklich ish. wo mis innere nümm shwarz ish sondern farbig und ich mini fründe uf es kaffi und nümm ide klinik triffe. es het en ziit geh, wos lebe unmöglich gshiine het. die ziit hets geh und denn ish sie weg gsi. aber anshiinend ned gnueg wiit weg, will sie wieder da ish.
Written by
sonne
May 27
May 27, 2026 at 12:57 PM UTC
Request permission to use this poem