Every day
I'd see them headin aff
in that clapped oot old banger.
He'd nivver get it looked at -
thocht it'd run
on positive energy and a kind word.
If that were true
my fower year apprenticeship
and six year in the garage
wouldny be worth ocht, would it?
But would he come tae me?
He would not.
There they'd go -
the exhaust gruntin lik a vexed rhinoceros
an the fan-belt scraichin lik a banshee.
Ah couldae sorted that in unner an hour.
Ah seen him workin on it wance, mind -
thocht he wis fin'ly gonny change thae bald tyres
But naw,
he wis paintin' ****** flooers on the bonnet!
Ah kin see them yet.
Headin up the hill,
weans in the back,
cloods ae black smoke pechin oot the pipe.
Ah couldae fixed it.
Ah couldae telt them.
But ah didnae.
An they nivver made it hame.