Tyd Kapsule (Time Capsule)
by SeanAchilleos
Di's Saterdag middag 1981 en tannie Rika werk by Mcnamee's furnishers
Di's amper tyd om huistoe te gaan, so sy steek nog 'n Chesterfield op
Tokkie het haar 'n pakkie gegee voordat hy haar afgelaai het by die werk vanoggend
Gepraat van Tokkie, sy beplan om vir hom 'n nuwe plaat te koop
Sy vra gou haar baas of sy kan oor stap CNA toe
Sy't vandag haar maroon hoë hakke aan
Die peeptoes wat rosies van voor het
Lekker op haar tyd stap sy oor terwyl sy so effe vooruit haar staar, maar nie te ver nie
Sy stap in, "hi, het julle die nuwe langspeel plaat van die Kavalier?"
"Ja", antwoord die verkoops dame. "Di''s sewe rand en nege en sewintig sent sonder tax"
"OK, di's reg... ek sal dit vat"
Terug by die winkel, is dit tyd om huistoe te gaan
Buite stop 'n mostert kleur Ford Cortina voor die deur
"Skattebol het jy 'n tien rand aan jou?", vra Tokkie
"Ek wil net gou by Solly's stop om 'n doppie te koop"
"Braai ons vanaand by Rita-hulle?" vra sy
"Ja. ons gaan nou-nou daar 'n draai maak voor Kallie huis toe kom"
"OK, maak sommer die tank vol met petrol, hier's twaalf rand"
Kom laat ons waai!
Geskryf deur: Sean Achilleos
'Tyd kapsule' (Time capsule) was written about the late 70s early 80s era in South Africa. It was a very simplistic era, and herein the poem or writing captures the "simple life" of that time. It deals with a lady (Rika) who works as a saleslady at a local furnisher store. It was completely legal to smoke cigarettes at your work desk (she lights up a Chesterfield). She decides to take a walk across the road to buy a new LP (record) for her husband (Tokkie). He later fetches her from work and borrows money from his wife in order to buy a bottle of brandy. They discuss the evenings' events and decide to have a "braai" (South African term for barbecue).