Kung ang kapayapaa’y nasa hilaga
at ang sigalot ay nasa timog,
ngunit ikaw ay nasa silangan
at ako nama’y nasa kanluran,
pipiliin kong tumúngo sa hilaga.
Ngunit kung ang puso ko’y nasa karagatan,
at ang iyong kamay ay nasusunog naman,
kung ang aking mga liham ay maging abo
at ang aking mga tula’y itapon sa súpot,
upang mahawakan ang iyong kamay,
handa akong magliyab at masunog.