ਅੱਜ ਅਚਾਨਕ ਕਿਸੇ ਦਾ ਫੋਨ ਆਇਆ ,
ਫੋਨ ਤੇ ਸੁਣਾਈ ਦਿੱਤਾ,
ਵਿਸਾਖੀ ਦੀ ਬਹੁਤ ਬਹੁਤ ਵਧਾਈ ।
ਮਨ ਵਿੱਚ ਖਿਆਲ ਆਇਆ,
ਮੈਂ ਕਿਵੇਂ ਵਿਸਾਖੀ ਨੂੰ ਭੁੱਲ ਗਿਆ ?
ਆਪਣੇ ਕੰਮ ਕਾਰਾਂ ਵਿੱਚ ਰੁੱਝਿਆ ਰਿਹਾ।
ਪਿੰਡ ਵਿੱਚ ਰਹਿੰਦਾ ਸੀ,
ਤਾਂ ਵਿਸਾਖੀ ਦੇ ਮੇਲੇ ਦਾ ਰਹਿੰਦਾ ਸੀ ਇੰਤਜ਼ਾਰ।
ਹੁਣ ਸ਼ਹਿਰ ਦੀ ਨਠ ਭੱਜ ਵਿੱਚ
ਵਿਸਰ ਜਾਂਦਾ ,
ਤੀਜ  ਤਿਉਹਾਰ ।

ਅੱਜ ਪਿੰਡ ਦੇ ਨੇੜੇ
ਸਾਧ ਦੀ ਖੱਡ ਵਿੱਚ
ਮਨਾਇਆ ਗਿਆ ਹੋਵੇਗਾ  
ਵਿਸਾਖੀ ਦਾ ਤਿਉਹਾਰ।
ਉੱਥੇ ਮੇਲਾ ਵੀ ਲੱਗਿਆ ਹੋਵੇਗਾ।
ਮੈਂ ਝਮੇਲਿਆਂ ਵਿੱਚ ਫਸਿਆ ਰਿਹਾ ,
ਨਹਾਉਣ ਤੋਂ ਵੀ ਵਾਂਝਾ ਰਿਹਾ।
ਲੋਕ ਇਸ ਦਿਨ
ਕਰਦੇ ਹਨ  
ਨਦੀਆਂ , ਤਲਾਬਾਂ , ਸਰੋਵਰਾਂ ਵਿੱਚ ਇਸ਼ਨਾਨ।
    
ਅੱਜ ਅਚਾਨਕ ਕਿਸੇ ਦਾ ਫੋਨ ਆਇਆ,
ਫੋਨ ਤੇ ਸੁਣਾਈ ਦਿੱਤਾ ,
ਵਿਸਾਖੀ ਦੀ ਬਹੁਤ ਬਹੁਤ ਵਧਾਈ।
ਫਿਰ ਮੈਂ ਆਪਣੇ ਮਿੱਤਰ ਪਿਆਰੇ ਨਾਲ
ਇਧਰ ਉਧਰ ਦੀਆਂ ਗੱਲਾਂ ਕੀਤੀਆਂ।
ਇਸ ਮੌਕੇ
ਮੈਨੂੰ ਆਪਣੇ ਉੱਤੇ ਸ਼ਰਮ  ਵੀ ਆਈ।
ਕਿਉਂ ਮੈਂ ਵਿਸਰ ਬੈਠਿਆ
ਵਿਸਾਖੀ ਦਾ ਤਿਉਹਾਰ ?
.....
ਅਤੇ ਇਸ ਦੇ ਨਾਲ ਹੀ
ਆਪਣੇ ਵਿਰਾਸਤੀ ਖੇਤ ਖਲਿਆਣ ,
ਜਿੱਥੇ ਖੇਤਾਂ ਵਿੱਚ ਕੰਮ ਕਰਦੇ ਹਨ ਕਿਸਾਨ।
ਕਿਵੇਂ ਹੋਵੇਗਾ ਉਨ੍ਹਾਂ ਦਾ ਕਲਿਆਣ ?

13/04/2025.