Kaya hindi umuunlad ang bansa, dahil maraming nag-aasawa nang walang plano para sa kinabukasan.

Nagpauto sa salitang "mahal kita," kaya ito ang naging kapalaran nating dalawa.

Umaasa na kayang itawid ang gutom at uhaw sa salitang "bahala na si Batman."

Tila ba naging sapat na para sa atin ang pagkain ng pagpag, nagmimistulang "isang kahig, isang tuka."

Itulog na lang ang gutom at uhaw na nararamdaman, sapagkat kinabukasan ay panibagong umaga na naman ang haharapin natin.

Hindi matatawid ng gutom o uhaw ang salitang "mahal kita."

Kahit kailan, hindi masama o makasarili na isaalang-alang din natin ang ating kapakanan, upang maiwasan na makita ang mga batang hindi naman hiniling na mabuhay sa mundong ito na nagdurusa.