Siguro'y dapat ko ngang sisihin ang aking pagkabatang isip
Dahil ito ay sanhi ng aking pagkahangal
Mapapansin din ang aking pagkakulit at inip
Na masilayan at makasama ka aking mahal

Nung simula, sa tingin ko'y walang saysay
Na sayo ay maghintay
Ngunit dulot nito'y higit pa sa aking akalain
Sapagkat lumawak ang aking pagiging maunawain

Ngunit noong aking pinagisipan, aking ding naunawaan
Na ako lamang naman ang umiibig
At sa tuwing ito'y naalala, halong saya't lungkot ang naramdaman
Halong pagiging bilanggo't pagiging malaya, na para bang ako'y walang panig