ආදරයේ නිම් වළලු සොයාගෙන
මා දුරු කතරක පියමැන්නා
සීතල පිණි බිදු කොපුල් තෙමන විට
සීතල සද ඔච්චම් කෙරුවා

අහසේ තරුකැට එක එක ගනිමින්
ඔබ සැගවී කොහෙදැයි සෙව්වා
අනන්ත සයුරේ රළ පෙළ අතරේ
ඔබ සැගවී කොහිදැයි සෙවුවා

හීතල හුළගක් ගත දවටාගෙන
හදවත පිස ඈතට ඇදුණා
කලුවර සෙවණැලි අතරේ සැගවෙන
ඔබගේ රුව නොපෙනී පෙනුනා

හදවත දෙදරා ඉකිබිදිනා විට
ඔබ මා ලග නැති බව දැනුණා
පාලුව තනිකම මා වෙළනා විට
අදුරු වළාවන් මට අත වැනුවා