समाइना नों सिखिरि सिखोला
आंनि गोसोखौ रंजानायजों आबुं खालामो
नोंनि गोर्बोनि गोथार अननाइखौ
आं सैथो-सैथोयै मोन्दाङो
नोंनि गोजों मेगन थाइनैयाव।

गोजों साननि सानरोदाबादि
नों आंनो रंजानाय होफैयो
जेब्लायबो आरो सानफ्रोम्बो।

समाइना अननाइजों आबुं
नों आंनि जिवमानि लैथोआव
सोर्गोनिफ्राय इसोरा हरनाय बान्था,
आं नोंखौ जेब्लाबो बोजबना लागोन।

जेब्ला आं नोंनि मोखाङाव नायो
नोंनि मिनिस्लुनाया आंनि गोसोखौ दुंलोबहोयो
जेन' नों गेलेनायखौ आं नायगासिनो
आंनि नोजोरनिफ्राय जानगारोङै!