सुबुङा साननाय
बेयो मोनसे राज्यो
जेराव दं गोजोन
जेराव दं अनलायनाय
आरो जेराव गैया आंखाल
जेराव गैया दुखु दाहा।
बैबादि राज्यो
जोंनिफ्राय बेसेबांबा बेसेबांबा
मोनहास'यै गोजानाव।
नों फोथाइ, आंबो फोथाइयो
बेयो जेब्लाबो सैथो-
मोजां हाबा मावोब्ला
इसोरजों अनजायोब्ला
थैनायनि उनाव
नों सोर्गोखौ मोनगोन
नों गोजोनखौ मोनगोन।
नंगौ............,
आंबो फोथाइयो, नोंबो फोथाइ
मोजां हाबा मावोब्ला
नों गाज्रिनिफ्राय थैगोन
नों गोदान जोनोम मोनगोन
नो मोजां मानसि जागोन
आरो गोजोनखौ मोनगोन
बयजोंबो अनजागोन
सोर्गोखौ नों मोनगोन
मानोना इसोरानो गासैबो
गासैबो एबा बयबोआनो इसोर।
अब्ला सोर्गोआ बबेयाव?