Je suis homme né pour mourir,
Je suis bien seur que du trespas
Je ne me sçaurois secourir
Que poudre je n'aille là-bas.

Je cognois bien les ans que j'ay,
Mais ceux qui me doivent venir,
Bons ou mauvais, je ne les sçay,
Ni quand mon âge doit finir.

Pour ce fuyés-vous-en, esmoy,
Qui rongez mon coeur à tous coups,
Fuyés-vous-en bien **** de moy,
Je n'ay que faire avecque vous.

Au moins avant que trespasser,
Que je puis à mon aise un jour
Jouer, sauter, rire et danser,
Avecque Bacchus, et Amour.