जोंनि सोदोमस्रि लांगोनानि सेर-सेरजों
आजै-आजौनि गोजाम न'ब्थि बिथायाव
खुगा ब्लां-ब्लां खोमसि-दरसिनि आन्दोवाव
सेर फाखाय फाखाय खायदा बोराय-बुरैजों
हारायबांखो आरो बुहुत-बिराफोरा
लामा आन्दायहोदों रासि उन्दैफोरखौ
आदुवा आरो राहा गैजायैफोरखौ,
लोंदों थै-बिथै, सावसुबदों हारा-मुरा।
बे खैफोदनिफ्राय बारग'नो नाजायाब्ला
जोबस्रांलांगोन जों गासै सानसे-बेलासे
बर'हारि, जायाब्ला जों बयबो खौसे
थाबावगोन बबाव जोंनि सिनायथि अब्ला?
जानांगोनसो जों बिसोरनि खाजा अराय
मन'गोन जोंखौ, उदै फेदेरनो थाखाय!