नोंनि जारौ, देलोंलों महर समाइसारनाय
बावनो हाया आं गोर्बो बुंजासे अन्नाय होनाय
बोजबना लागोन आं अनजालि रजे
थैस'-थास' बे जिउ मोनसे।
जाइख्लं सिमां सोरजिनो मोक्थाङाव
साजायनो थाखाय आबिर जिवाव
नाजागोन अराय नोंजों लोगोसे
थैस'-थांस' बे जिउ मोनसे।
दुखु-दाहा बावगारनानै
बिखायाव अराय नोंखौ बोजबनानै
जालांगोन संसार सानैजों आंगोसे
थैस'-थांस' बे जिउ मोनसे।
नोंनि जारौ, देलोंलों महर समाइसारनाय
बावनो हाया आं गोर्बो बुंजासे अन्नाय होनाय।

17/09/2016