जिउनि जागायजेन्नाया
सुखु आरो दुखुजों,
जिउनि जागायजेन्नाया
सान आरो हरजों।
सिमां-मोक्थां जुजिबायो
सुखु आरो दुखुजों
थांखिखौ जाफुंसारनो नारा-नाथा नाजाबायो;
खनफ्रोम्बो बोनाय हाङाव
सिमां-मोक्थां जुजिबायो
सुखुयै थांना थानो जिउनि लामायाव।
मोदोम्फ्रुनाय रैरुब बिबारनि थांखि
खनफ्रोम्बो बोनाय हाङाव
जाफुंसारनो नाजायो अराय सुखि।
लरहायोब्ला सायख'नाय
मोदोम्फ्रुनाय रैरुब बिबारनि थांखि
दुखुनि लोगोरि जागोन अराय;
जिउनि जागायजेन्नाया
लरहायोब्ला सायख'नाय
जिउनि जागाजेन्नाया।

**
खनफ्रोम्बो बोनाय हां= थांना थानाय सम।