आंनि खुन्थलाय जोमै गोसोया
अख्रां बिखाव बिरबाय बिरबाय
गोजोन रादाब बिलायनायखौ
नों खोनायाखै नामा रजे..?
मिथिगौना.....
आं नोंनि थाखाय
आंनि गोर्बो थिलायाव
सनानि गंसे देरा लुखाबाय
अननायनि फागाखौबो मेराय-मेराय
नोंनि मुं लाना साखाबाय।
नोंखौ आं अराय
अननायनि फागाजों
खाजाबना लासिगोन सना
आंनि गोर्बो थिलानि देरायाव
राजखुंग्रि साजायसिगोन सना
नों खोनायाखै नामा रजे..?
नोंनि रानस्राव गोर्बो हादाबाव
आं अखा जाना फिसिगोन सना
गोदान जोलै बेगर फोगोन
बिथ'राय गोर्लै मद' खिलिखांगोन,
जों सानैबो नांगौबादि
हासार दै होगोन
इयुन फिथाइ जोंनि
बेसे मोजां जागोन।
नों खोनायाखै नामा रजे..?