दाबुंहाय आंखौ सना-रुपा
हालाव थाङा मैयाव थाङा आलादिङा
नोंबादि सेंग्राखौ नांग्रांबाया,
सोबनाय-लोंनाय गारि साखोनाय
समाइना सिख्ला नुब्ला फाग्ला जानाय
सान्स लायै-लायै प्रप'ज होनाय
मा जादनि आखु बेलाय...?
.
बुंसोगारो माखासे दानि सेंग्राफ्रा
गानसोगारोनो खान्दा-खुन्दा बर' सिख्लाफ्रा
फेन्दा नुजानाय बिखा नुजानाय माबा-माबि होनना
जेन'बा गावसोरनाव एसेबो दायानो गैथारा
नंमारगौ रावबो गाव-गावनि बिखुंखौ नुमारा
उन्थिंजाय आइना लाना नायाब्ला।
.
दानाय-लुनाय मोसानाय-मुसुरनाय
बावलांजोब्बायनो बर' सिख्लाफ्रालाय
गावसोरलाय रोंथारसै हेबनाय-मावनाय
नङाब्ला धुनियानि आदुवा गामायनाय
जोंखौ दुसिनाया बिब्दिनो जाबाय?
बुंनोबा बुंनो सानै-हयै बुंहाय
आथिखालाव जुगानो सोलायखाबाय
सोलायखासिगोन बयनिबो सोदोमस्रिफ्राबोलाय...!!

08/11/2016