बर'नि थैजोंनो
नै बर' बिग्रायारिफोर
दा गेलेसै थैनि फाखुआ।
बे मुगाया
जों खौसे जानायनिसो
बे हाया जोंनिनो
बड'लेण्डखौ लाना बर' फिसानो
सुथुरनि गसोलाखौ दा गानहो।
बर'फोर देरहासार
जै बर' हारिनि...जै,
बे हाया जोंनिखा
बे हायावनो आबै आबौमोननि
रोदा बेगें रायजो खुंबोनायनि नेरसोन दं।
गोसोआव दा गेलेहोबावसै
साव नङा फोथायखेबसनि
बिर दैमालुनि खुगानि रावआ,
दावखाया फुरआखै दावखायालाय सोमाखै
बेयो साव नङा,साव नंथारा
खौसे जानायनिसो बोसोनथि राव।
फैदो फै गनसि गंसेनि बोलोजों सिफाय हाया
आसामनिफ्राय 50/50
जों खौसे जांनांगोन
जाबथुफा गनसिनि बोलोखौ जोंनो नांगोन।
नों दा नागार दा नागार
गावनि मासिखौ ओरैनो
गोसोनि थुलुंगाखौ हर बर' बिमानो
दा थाबाय थासै थगाय जाना
बड'लेण्डनि हेथा दा बुंसै।