सोलेरा लंथं सुबुंस्रि गैयै
मिजिंफोरा गोथै सेवग्लेबनाय
मेगना जाखर गोजा गिथावना
देंखोफोरा खाब्रां बिखा खामथावना
रावफोरा खाथो सोदोब रिंखांहोनाय।
सिरियै गसंब्ला आथिंआ लोहो लोहो मावो
उन्दुयोब्ला सिमांआनो थैना गोग्लैयो
माब्ला एमब्रायो जिउ मैखुन।


देलाइस्रि देलाइबायो समायहोनो,
मोदोम गंसे मोदोमफ्रु सारफावनाय
सना गहेना गानफ'ब जोमफ'ब
अब्लाबो इसेबो सोलायरोङा।
सोदोमस्रि मुखा बेयावनो गोमायो
अन्थाइफोर हालो दैलो गेलेयो रंजायो।


सिदोबनाय हायाव गाजा हरनाय
फसलफोरा रानज्रिंओ गाबस्राव गाबस्राव
अखा रानो अख्रांआव,साग्लोबो खुवा
दाउफोरा बिरबोयो बाहायाव,हाबफैयो फलाननि फानजारियाव
फैसालि लामा आन्दायना हां हरगारो।