Aking Pangarap
Dito sa aking tabi.
Sinag Damahin
Luntiang Dahon
Sa hangin ay Liparin
Dala ay Dasal
Ang Pusong ito
Kay tagal na naghintay
Irog kong Mahal
Pusong Taimtim
Sa Bathala humiling
Iyong pagdating
Sa tabing dagat
Kung s'an huling nagkita
Ating Pagsinta
Dito ay Saksi
Ang Langit at ang Lupa
Pati ang Tala
Wagas at Tunay
Pagsintang ating Alay
Sadyang Dalisay
Nasaan ka na?
Ako'y lubos na sabik
Sa'yong Pagbalik
Huni ng Ibon
Tila sumasayaw din
Kanta'y Malambing
Ilang araw pa
Alam kong darating ka
Irog kong Mahal
Dito lang ako
Maghihintay sa iyo
Sa muling Sibol.