रोजा रोजा फिसाफोरनि नों बर' बिमा
नुयो आं नोंनि मेगनाव आसार सावननि अखा
अमबासि हरबादि बेसेबा खोमसि गोसो
खामग्लिजानाय हांगारबादि गोसोम मोखां
गैया मिनि सोरां।
आयलि जायलि स्नि दान्दालि खानाय नोंनि
नङा थारायलाय स्राय हसारनाय।
गुरलुब गुरलुब मावनाय नोंनि जारौ गुष्टि
गोर्बो बिखा, देहा सोलेर दुंग्लाबनाय,
उसाव-बादाव, खालाव-खासाव मानिबा इसारा।
आय' बर' बिमा....
गैया नोंहा दाबोनो खौसेथिनि गोहो
आखाइ मुथियाव
गैया गोबां बिखा फोरदानना आवगायग्रा नोंहा बर' फिसाफोर।
दङ बिसोर.....
सेरखाय बेरखाय गाव गाबागाव जुदा जुदा।
नासयनाय-सुसिनान,
नाख्रेबनाय-थैनाय
दावहा गाव गावनि मुलाम्फानि।
आय' बिमा....
दङसै नों बेफोरखौ नुनानैबो सिरियै उन्दुस्रिना।
जागोन माब्ला-
फुंबिलिनिबादि जारौ महर नोंनि,
दानसोरां हरनि बादि गावदां मोखां,
मैना खबारिनि जारौ गुष्टि,
सासे अनजालि बादि बेसेबा हायनारि???