नों खेबसे गोथार गोसोयै ईशोरखौ गाबज्रि
मोनगोन गोसोआव दसेनि थाखायब्लाबो सुखु
बायलांनो हमनाय दुखु दाहानि बान्दोखौ
गोग्गोमै नारदबना दोननो गोर्बो इसिंङाव।

नों खेबसे ईशोरनि मुंखौ लाननै आखाय फोलावहर
मोनगोन बायग्लिनाय गोसोआव गोहो बोलो
बायलांनो हमनाय जिवनि मिजिंनि देराखौ
गोग्गोमै गायसंफिनना दोननो गोर्बो मिजिंआव।

नों गावखौनो उन सिगां नायहर-
जागोन जिवआव जेब्लाबो देरहासार
गोरोन्थि गैयाजासे मावनो लानाय खामानिखौ
उथ्रि हागोन फोजोबनायाव गावनि नाजानायबादि।