ika-4 ng Agosto – umiiyak na naman ang langit kasabay ang paghampas ng malakas na simoy ng hangin at bumubulong ng mga kalungkutang hindi alam kung kailan o saan nga ba isinilang.
at dinadala ka nang paulit-ulit sa rumaragasang alaalang pilit mong kinakalimutan habang giniginaw sa mga luhang dulot ng mga hinanakit na patuloy lang na nag-iiwan ng mga marka sa iyong dibdib.
ika-4 ng Agosto nang umiyak na naman ang langit.
kailan kaya darating ang mga gabing hindi na basa ang mga unan sa paghikbi?