Gigising nang maaga para sa palayan magtalok
Kailangan na magtrabaho kahit pa inaantok
Suot ang sombrelong dayami at jacket na manipis
Sa matinding init ng araw kailangan magtiis
Hila ang araro ng masipag na kalabaw
Kahit ang nag aarya pati sa tubig ay uhaw
Ang lupang matigas na kailangang matunaw
Dapat ikaw ay malakas, dapat matindi ang galaw
Tanging lugaw na bigas sa umaga ang almusal
Para maging maputik hindi sapat lang ang dasal
Kinakailangan ng lakas at tubig na galing taas
Susuyurin ng wagas para mas maputik ang antas
Yuyuko pa ng marami tapos bukas sakit ay lalabas
Maghihintay ng ilang buwan para mabuo ang bigas
Ganon kahirap ang dinanas bago bigas ay makain
Pasalamat sa taas dahil tayo'y may pagkain

Talok dito, talok doon
Sila sa palayan ay maghapon naroon
"Bilad sa araw ay katawan" oo tama ka doon
Para may makain ang pamilya at pangbaon
Sa trabaho at eskwela papasok tiyan walang laman
Pagbalik sa hapon isip mo tiyak iyan may laman
Para may anihin at kainin pagsapit ng kinabukasan
Sa pagtatanim ng palay walang punla sinasayang
Bawat punla ng palay sa putik ay binabaon
Bawat paa at mga kamay sa putik ay nakabaon
Bawat pawis ng katawan sa damit ay naroon
Bawat yuko ng katawan masakit iyon sa maghapon
Bawat init ng araw sa likod ay nakakasunog
Bawat patak ng ulan sa likod ay sunod sunod
Pero wala silang pakialam kung balat ay masunog
Basta ang mahalaga may makain bago matulog

Hindi biro ang buhay ng magsasaka,
'Di alam kung mayroon pa bang pag-asa?
Sa mga tinanim na palay sa lupa ng iba
Mula sa inaning palay mas kumikita ay sila
Maswerte na kung may sariling lupang sinasaka
Pero minsan malas pag dumadating mga sakuna
'Di mapakinabangan mga halaman hinintay ng mahabang panahon
Bilang sukli sa kasipagan mga bunga sa putik ay nakabaon
At ang nagpapahirap sa buhay ng magsasaka
Sariling gobyerno na kulang sa suporta
Mas tinatangkilik ang iba kaysa sariling saka
Dahil ba magandang klase ang bigas nila?
Mga dahilan kung bakit ganon, naiintindihan namin iyon
Ngunit walang tulong mula sa agrikultura, 'wag naman ganon
Oo masarap kainin ang bigas kahit walang lasa
Pero maging magsasakang pagod na walang kita, nakakawalang gana

Sana madama niyo ang aming mga hinaing
Sana sa ibang bansa'y ipagmalaki niyo rin
Hindi lang sila magsasaka, sila'y bahagi ng ekonomiya
Kaya suportahan pagdating ng sakuna at problema
Hiram na ani yung iba para kumita ng pera
At sa mata ng gobyerno sila'y itsapwera
'Di sapat ang tula para ikwento ang buhay ng magsasaka
Sa mga taong walang suporta at 'di kayo kinikilala
Hindi ko naranasan ang maging magsasaka
Pero kaya kong gawing kanta mga ginagawa nila
Gamit ang lapis at papel, kayo ang tema at beat
Kaya makabuo ng kantang tagos sa puso at Bakit
hinahangaan at pinagmamalaki kayo sa buong mundo?
Dahil sa sipag at tiyaga, pasensya at ito pa masasabi ko
Sa lahat ng magsasaka kahit mahirap ay kinakaya
Saludo po ako sa inyo para sa akin sikat ka na

Ginamit ko ang lapis at papel para sumulat ng tula
Dalawang angel ng langit sa lupa'y bumaba
'Di para magwala kundi para magpa cute
Sabi ng dalawa, "all good in the hood"
Kapag nakita para bang pinagbiyak na buko
Sa hugis at itsura ay 'di ka maloloko
'Pag terno ng suot lalong mas nakakalito
Kahit 'di nakasakay sa roller coaster, mahihilo
Nang magkaharap sabi ng isa "hala magkamukha tayo pre"
Sagot naman 'nung isa "syempre kambal tayo eh"
Ikaw aking kapatid, kaibigan at kumpare
Hindi kita pababayaan anuman ang mangyari
Kung saanman maparoon sa ibang lugar maglagalag
Kung makita ng ibang tao daig pa ang banlag
Sa kanilang kakulitan bigla nalang magpa hug
Pero sa kadaldalan daig pa ang ogag

Dito sa second verse ang topic ay ganon pa rin
Kung matulog ang twin, tahimik at mahimbing
Pag sila'y nag alburuto ang tulog ay magigising
Pero pag lumapit na sayo iyan ay malambing
Kapag sila'y naglalaro sobra ang likot
Dinaig pa ang laruan, de battery na robot
'Nung minsan ang laruan ay biglang nahulog
Sabi ng kambal sa ina "Ma pwedi pasimot?"
Laging terno ng suot sa'twing sila'y namamasyal
Sabi ng tao nang makita "ang cute ng kambal"
Pero sabi ng kambal naman kahit na nauutal
"ang kapal ng ulap 'di makita ang bulkang taal"
Kahit na nauutal at lagi pang nadadapa
Pero nang matuto maglakad, ama't ina'y tuwang tuwa
Kung dati ay gumagapang lang sila sa banig
Ngayon ang bilis na nila maglakad sa sahig

Maraming nagsasabi na swerti daw ang twin
Ang sabi ko naman "sana rin ako'y swertihin"
Swerti nga sila pagkat bigay ng maykapal
Kaya ginawa ko ang kanta dahil kayo'y special
Kung baga sa dessert para kayong leche flan
Cute and sweet twin renz, welcome to the clan
Pangarap nila maging Chef at Businessman
Mag-aral nang mabuti maabot niyo yan
Sana kayo'y maging matalino, gwapo at maganda
Maging malusog ang katawan hanggang pagtanda
Sana matuwa kayo sa ginagawa kong kanta
Renz Blake at Renz Blaze, Grulla Tutana

Sa'twing gigising sa umaga pasalamat sa taas
Kay God dahil binigyan ako ng panibagong lakas
Ang diwa ko'y ginising mo 'di na ako aantras
Kasi lagi ka nandyan kahit malamig o mabanas

Kaya halika samahan mo ako mag-almusal
Kaning Sinangag, Kape, Itlog at Pandesal
Busog na ako kaysa mga pagkaing mahal
Mahalaga ang kalusugan para buhay tumagal

Kaysarap maligo tipong natanggal ang libag
Magbihis ng damit at ako sayo'y mag hug
Kapag sa byahe lagi akong mag ingat
Alam ko sa paligid may panganib na kaharap

Sa bawat hakbang ng paa ang katawan ay umaangat
Mga mata'y tumitingin sa kaliwa't kanan at sa harap
Naglalakbay dala ang husay, talino at pangarap
Ngunit 'di bitbit ang bag na may lamang negatibo at bad

Maligayang kaarawan "Happy Birthday to me"
Ihanda na ang pulutan, baso, yelo at empe
Imbitado ang lahat pati ang mga LGBT
Kahit walang pang regalo pwedi makipagparty
Pero bago ang inuman ay ating pagsaluhan
Ang masarap na pagkain dito sa hapag-kainan
Mayroon cake, palabok at macaroni salad
Lumpia at tinolang manok na may tanglad
Dahil minsan lang 'to sa isang taon dumaan
Kaya sulitin na ang handaan at kasiyahan
Habang sinasabayan ng birthday song sa videoke
Akin nang paputukin wine na nasa bote
Kinabukasan maraming platong huhugasan
Pero ang alak 'wag na nating ipagpaliban
Kung sa babae, disiotso ang debuhan
Pagsapit ng kinse, ako na ay twenty one

Ako'y bente uno na ang bilis ng panahon
Parang kailan lang ano? Dumedede sa tsupon
Gatas sa kahon 'pag madaling araw tinitimpla
At ang iniinom na gatas ay mula pa sa ina
Ako'y nag evolve sa itsura, boses at katawan
Ang manuod ng bold ay hindi maiiwasan
Uminom ng alak, magpausok ng sigarilyo,
Kumain, koljak, magmahal at magtrabaho
'Di na natin magagawa 'pag sa mundo tayo'y nawala
Kaya gawin ang nararapat habang may buhay pa
Kahit ang oras at buhay sa mundong ito'y mahalaga
'Di natin alam kung kailan tayo mawawala
Ako ang bida't kontrabida at tema sa aking kaarawan
At wala ng iba kaya diretso lang ang kantahan
'Di na mahalaga kung gaano kagara ang handaan
Mahalaga naidaos ng maayos at 'di nakalimutan

Sa paglipas ng panahon kasabay ng pagtanda
Oras at lakas na naipon unti-unting humihina
Ang dating mga kababata isa-isa nang nawawala
Pagbabagong nagaganap dapat laging handa
'Di maikakaila isa sa mga the best na okasyon
Ipagdiriwang ang kaarawan kahit saanman lokasyon
Tawid dagat ang pagitan kahit walang imbitasyon
Matikman lang ang pagkain iyon ang intensyon
'Di pa tapos ang misyon natira iyong balutin
Kasama ang kutsara sa loob ng pagkain
Lahat uuwing busog mula sa biyayang hinain
Mahalaga nakatikim kahit walang regalo sa akin
Madagdagan ng edad ay okay lang sa akin
Dahil hindi ko naman kaya itong harangin
Mabuti pa rin sa kapwa aking hangarin
Para sa buhay lagi tayong pagpalain

Bakal, bote, plastic, yero, ang aking sinisigaw
Sa kalye 'di karangyaan kahit nakaka uhaw
Sige ang padyak ng paa umulan o umaraw
Kung para sa pamilya 'di ako bibitaw

Sa manubela ang kapit ng kamay na makalyo
'Tila nobela ang sinapit dahil ako'y pasmado
Aking dalangin sa maykapal habang hawak ang rosaryo
Sana'y makarami ng kalakal ngunit 'di pa sigurado

Per kilo ang bayaran ng tanso, bakal at plastic
Per piraso ang bote pero 'di kasama may litik
'Di ako titigil hanggang ang puno, sa bunga ay hitik
Kung para sa pamilya handang maging automatic

Aking pinupulot mga gamit na pwedi pa,
Kung itatapon lang din ay sayang, diba?
Wala na akong pakialam mahawakan ay kalawang
Kung kapalit naman ay pera 'di ako manghihinayang

Sana lahat may Ina, Oo totoo iyon
Sana buhay ka para makita mo aking emosyon
Sa totoo lang ang hirap mawalan ng ina
Mabigat sa pakiramdam, mahapdi sa mata
Malungkot sa isipan at sa Puso ko pa
Pakiramdam ko'y nag-iba kahit lalaki pa
Diba? Oo, alam mo iyan sa sarili niyo
Kahit ako alam ko dahil naranasan ko
Edad pitong taon ako 'nung mawala ka
Sa aking feeling, sa aking kamay
Sa aking tabi hanggang sa dalawa kong mata
Ang bata ko pa para ako'y mawalay

Isip ko 'di pa malawak sa mga ibang bagay
Kaya lagi tayo nagtatanong sa ating nanay
Alam ko lang noon kaya sa sahig ka nakahiga
Ikaw ay natutulog at nagpapahinga
Ngunit ang totoo ay hindi na humihinga
'Di na nakangiti at 'di na nakabukas mga mata
Bakit ganon nalang ang aking nasaksihan?
Bigla nalang nagpaalam na 'di tinawag aking pangalan
Nakatayo ako sa harap mo habang mukha'y pinagmamasdan
Huling panahon na masisilayan kita ng personalan
Aking tanong ay bakit, Bakit kailangan mangyari ito?
Ako'y sa lupa, ikaw sa langit, Magkikita pa ba tayo?

Katawan mo'y wala na sa ibabaw ng Mundo
Ngunit mukha mo'y 'di mabubura sa isipan ko
Kahit 'di mo nasubaybayan nang personal aking paglaki
Ngayong binata na pinili ko pa rin maging mabuti
Masamang bisyo sa paligid sinubukan ko iyong iba
Mariajuana, sigarilyo pero kinontrol ko sarili ko, 'Ma
Alam ko sarili ang mga iyon ay mali at masama
Alam kong ayaw mo ang Buhay ko'y mapariwara
Kaya iniwasan ko mga masamang bisyo nang lubusan
Ayaw kong magsisisi sa huli dahil 'di mo ako ginabayan
Ayaw kong mag-alala ka dahil sa masamang kalagayan
Ayaw kong lumuha ka diyan dahil 'di ko iyan mapupunasan

Para naman sakin iyon, diba?
Kasi nabubuhay pa ako kahit wala ka na
Pipiliin ko maging mabuti at maging matatag
Para ang puso't isip mo maging panatag
Habang lumalawak na ang aking isipan
Unti-unti kong nakilala aking pagkatao at kasarian
Kung sabihin ko sayo, ako'y isang bisexual,
Tanggap mo ba ako at ako'y iyo pa rin mahal?
Sana magpakita ka sa amin nang personal
Miss ko na ang yakap mo at pagmamahal
Ang katulad **** angel higit pa sa maykapal
Miss na miss na miss kita nang kaytagal

Sa Pinas pagdating ng election
Sobrang dami ng option,
Sobrang dami ng intention,
Number one ang corruption

Ibobo'to kasi sikat ang personalidad,
Pero ang totoo 'di alam ang background
Ganyan ang kalakaran patungo sa pag unlad
Hindi lahat malinaw, hindi lahat nilalahad

Sa ating paglalakad malapit na mabutas ang tsinelas
Sa sobrang kasipagan ang dami ng kaltas
Mahirap pa rin tayo kahit lumaban ng patas
Sistemang 'di maayos ganyan ba ang bagong Pilipinas?

Sa paglipas ng panahon para pa rin sisiw
Na may kulay sa kahon at nakakaaliw
Maraming tanong ang tao, aking giliw
Bayang magiliw? o Bayang 'di magiliw?

Daling sabihin ang salitang "depress ako"
Ngunit ang totoo ay hindi biro ito
Uulitin ko ito'y hindi biro talaga
'Pag malungkot mag-isa, ating damayan sila

Para bang puso'y naiiyak at utak ay nabibiyak
Sa kalungkutang nadarama ay hindi tiyak
Kung makakayanan at matatakasan ba
Pagkat nilason nang Kalungkutan Ang isipan na

'Nung nakaranas ako ng depression
Parang gusto ko nang tapusin iyong aking misyon
Dahil ako'y hinang-hina at ako'y walang wala
Puro lungkot walang saya ang aking nadarama

Dito sa mundong ibabaw, Bakit ba ganon?
Iba ang sumasagi sa isip, naiisip kong solusyon
Ang mawala nalang ngunit may pumipigil
Sa'king isipan na 'wag **** gawin at iyong itigil

Makakayanan mo kung kalooban ay titibayan mo
Matatakasan mo kung ito'y lalabanan mo
Dahil 'di lang ako at Ikaw ang nakakaranas ng depress
Pero nandyan ang panginoon para muli tayong i-bless

Mula sa kwartong madilim na puno ng Kalungkutan
Patungo sa lugar na may pag-asa at kaligayahan
Upang matakasan na ang kalungkutan nabuo
At 'di na muli pang sa isip ay mabubuo

Diwa mo'y magigising sa'king mga ilalahad
'Tila tulog ka pa pero ikaw na ay naglalakad
Sabihin na nilang ito'y bad, Dios ko po! Oh My God!
'Di na namin iniintindi ang ganon, larga na kaagad

Pera ang kapalit sa katawan na hubo't hubad
Upang pambayad ng utang nakalista sa yellow pad
O kaya pambili ng gamit at pangarap na hinahangad
Ngunit bakit ginagawa ito ng mga minor edad?

Dahil sa panahon ngayon mahirap ang maging mahirap
Mas mahirap walang pambayad kaysa walang kayakap
Kayakap nandyan lang pero ang pera hirap mahagilap
Dahil ito ay mailap kailangan pa magsumikap

Bukod sa itsura kundi pera ang mahalaga
Kahit mahal o mura papatulan yan ng iba
May itsura nga pero wala naman pera, diba?
Paano 'pag may anak na? Ano pagkain mo? 'Yong salitang "Mahal kita"

'Di sapat lang ang pagmamahal sa kumakalam na tiyan
O uminom ng tubig at ihiga nalang kung saan
Nang magdamag pero kumakalam pa rin yan
Dahil sa kalye 'di karangyaan marami ang kalaban

Kahit minor de edad ako'y may dangal at dignidad
Dahil sa hirap ng buhay ito ay nasasagad
Gabayan mo ako aking God kahit medyo bad
Sayo pa rin aking tiwala hanggang sa pag edad