.



madalas
tanging titik
ang nakalilok
sa iyong pagitan
at ng yaring
imposible --
walang gusot
tiwalang bali
kayamanan man
o maging tinik
ang nakakabunga
ng yaong nilalaman
sa kalibliban ng
iyong dibdib




.
© Frederick Kesner. All Rights Reserved.

.



itigil na ang pagmamasid
mapaglarong kalikasan

say puso mo'y nilalaman
kanyang labi at pangalan

mawala man ang 'yong pagtingin
dugo'y dadaloy -- basag na salamin




.
© Frederick Kesner. All Rights Reserved.

.



Kung makahagilap man

ng salitang walang isinasaad

ito'y iyong natagpuang

hubad ng kalamnan

ang Salita ay yaring kagamitan

para bagang lalagyanan--

sa labas ng kanilang mga hugis

ay balong tinuyo ng panahon.



.
© Frederick Kesner. All Rights Reserved.

.



Bangon na! Mula sa kahimbingan
Isigaw sa lahat, papel ng maralita
Ang bawat dahon - mantsa't duguan

Bagama't hindi rito ang Panimula
Malayo pa sa Katapusan.



.
© Frederick Kesner. All Rights Reserved.

.




kahabaan ng gabing nilakad

'di malaman kung ano'ng mabuti

budhing kumukurap

sa bintanang itim

hinihintay ang kapaguran

nakamulat na kabaliwan




.
© Frederick Kesner. All Rights Reserved.