Sabi nila pag nagmahal ka,
Dapat walang pero pero,
Walang hindi sigurado
Walang bakit at paano.

Pero paano kung pagod ka na?
Kung sawa ka na?
Kung sobra na siya?
Kung hindi mo na talaga kaya?

Bawal pa rin ba?
Susuko ba ako o susugal pa rin ako sa relasyon na 'to?
Paano kung sawa ka na din?
Paano kung hindi mo na ako mahal?

Paano kung ikaw na mismo yung sumuko?
Ang dami kong tanong
Na alam ko namang hindi mo rin masasagot
Na hindi ko rin masasagot

Ang dami kong gustong sabihin sayo
Na hindi ko kayang sabihin kung paano
Kung bakit dahil ang daming pero
Hindi ko nga alam kung kaya ko pa eh

Kung kaya ko pa bang mahalin ka
Kasi ang nararamdaman ko nalang ngayon
Napuno na ng sakit at inggit
Na hindi naman dapat masambit

Pasensya ka na baka kasi hindi pa talaga sapat
Baka siguro hindi talaga tayo
Baka kasi may galit satin yung tadhana,
Mahal kita pero, siguro hanggang dito nalang tayo.