IngaNdinga funz'abalambileyo
Inga ndinga lumkis'abaziziyatha
Inga ndinga khanyisel'abasebumnyameni
Inga ndingomelez'abangenamandla
Inga ndinga phakamis'abawileyo
Inga ndingaphilis'abagulayo
Inga ndingafudumez'abagodolayo
Inga ndingathuthuzel'abadakumbileyo
Inga ndingatyebis'amahlwempu
Inga ndingakhel'abangenaphahla phezukweentloko zabo
Inga ndingaluthando kwabakhohlakeleyo
Inga ndingayinyaniso kwabangenayo
Inga ndingaluxolo kwabangenalo
Inga ndingakhulula amatyathanga kwaba basemakhamandeleni

Uphesheya komlambo
Ndiphesheya komlambo
Ndiselunxwemeni ndixinekile
Ndixhinile,ndixakiwe

Ndikubona, undibona
Ndingenako ukuza kuwe
Ungenakuza ***
Ulee nam ndilee

Ndinga ndingawela
Unga ungawela
Isiziba sinzulu
Sele ndibane ndizula

Lemizamo kudala ndiyi zama-zama
Ndihamba ndibetheka
Ndagoduka ndiqhwalela
Abantu becing'ba ndiyabhampa kanti ndizikhot'amanxeba
Bambi besithi ndizenza kleva kanti ngamava
Abanye bendibona ndiphakamile(ukuphakama) kanti ndikhulile(kukukhula)
Ndayintswela kanti ndiyintswela kuqonda
Imibuzo endizibuza yona ibasinda nabadala
Sikwempa-kwempa iintloko sade saphuma iimpandla
Ndithi ndihamba-hamba ndizibone ndiqubeka ndisiwa , ndizibone ndivuka ndiqond'ba mandisoske ndiqhubeleke
Ndithi ndiyazama kanti ndiyabhatyaza
Ndithi ndiyakha kanti ndiyadiliza
Andiboni kwasisombululo ngathi ndisebumnyameni
Andiboni qu noMdali andithethi ngamaThongo
Nangona nje ndisazi ukuba bakhona, ndiziva ndinesizungu
Ndizohlala ndiyilindele inguqu
Ndihlale ndifudumale luThando neNkolo
Mandibengumnyamezeli ndinga nikezeli
Umvuzo ukhona kwabanomonde
Ekugqibeleni ndiyazi ndizophumelela kuzokhanya