"cheme" poems
05/11/2016
(1)
'वार्निं' स्म'किं कजेज थ्रट केन्सार
फ' फ' उखुन्दै हगार हगार
सेंग्राफोरनि आब्दा
सिख्लाफोरनि धान्दा
देरलांथारबाय बिसोरनि बेपार।
(2)
सेंग्रा-सिख्ला जमा, वाइनसप बार
सानफ्रोम्बो पार्थि बिसोरनि हार
बांनायनिफ्राय बांदों
रंजादों-मोसादों
इयुन जिवा बिसोरनि देन्जार।
(3)
खैसारि माखासे सुबुंनि
गोदै-गोदै लेक्सार बिसोरनि
थगायनाय-सुसिनाय
गाव-गावनिल' थाखाय
फांथेसैल' गोसोम फैसालि।
(4)
भारत हादोराव राजखान्थिनि
मानलादों बालेर बिबुबादि
लोब-लोब, हानजा-हानजा
गुबुनखौ सोबख'ना
मोनथाया बेनो संबिजिरनि?
(5)
आथिखालाव रांनि थाखायनो
संसारनि सुबुंफ्रा बयबो
थगायदों-सुसिदों
नांलायदों-खमलायदों
अब्ला बोरै गोजोना फैनो!
© B Zealous.
(ना:गो:- बे खन्थाइखौ आं गुबुन मेगाजिनाव हरदोंमोन नाथाय दैखांजादोंना जायाखै मिथिनो मोननाय जायाखै! गिबियाव “बालाबगासे लिमारिक” मुं होनानै पेस्बुकाव ससे हगारदोंमोन नाथाय दायो लिरदेरनानै मुंखौ सोलायनाय जाबाय। बे खन्थाइनि syllables आ 99669 आरो rhyme cheme आ aabba .)
Apr 29, 2017
Apr 29, 2017 at 8:30 PM UTC