Ngoko lwazi lwam, ngokwe zimvo zam
Akhomntu uthanda umthetho
Ngoba womke umntu uziva ngathi akakwazi kuziphatha ngokwakhe, ngathi akana mthetho
Umntu uziva ngathi uhluthwa amandla akhe
Kodwa, kwelinye icala
Umthetho ubalulekile
Umthetho uthulisa impixano
Ukhona oyena mthetho ungundoqo
Umthetho ka Mdali
Umthetho we Ndalo
LooMthetho luThando
UThando lokuthanda abanye
UThando lokuzithanda
UThando olunyulu, uThando olunzulu
UThando luxando lokwenza
UThando luxando lokwenziwa
UThando luxando lokwenzana
Into endiyaziyo kukuba lomthetho sivumelana ngawo sonke
Intonayo asiwazi sonke
Umanyano emthethweni woThando yindyebo yobomi naphakade

Akwab'ubuwazi
Umonakalo
Uhamba ngobunganga
Unyathel' unganakanga
Kungekho mbonakalo
Ukub'uyawunakana
Ngelixa izinto zisonakala
Unambitha, unambitha
Ugigitheka, uqikileka
Amawaka eliqika
Unabile wonwabile
Abanye begeqeka
Akwab'ubuwazi
Umonakalo

Lemizamo kudala ndiyi zama-zama
Ndihamba ndibetheka
Ndagoduka ndiqhwalela
Abantu becing'ba ndiyabhampa kanti ndizikhot'amanxeba
Bambi besithi ndizenza kleva kanti ngamava
Abanye bendibona ndiphakamile(ukuphakama) kanti ndikhulile(kukukhula)
Ndayintswela kanti ndiyintswela kuqonda
Imibuzo endizibuza yona ibasinda nabadala
Sikwempa-kwempa iintloko sade saphuma iimpandla
Ndithi ndihamba-hamba ndizibone ndiqubeka ndisiwa , ndizibone ndivuka ndiqond'ba mandisoske ndiqhubeleke
Ndithi ndiyazama kanti ndiyabhatyaza
Ndithi ndiyakha kanti ndiyadiliza
Andiboni kwasisombululo ngathi ndisebumnyameni
Andiboni qu noMdali andithethi ngamaThongo
Nangona nje ndisazi ukuba bakhona, ndiziva ndinesizungu
Ndizohlala ndiyilindele inguqu
Ndihlale ndifudumale luThando neNkolo
Mandibengumnyamezeli ndinga nikezeli
Umvuzo ukhona kwabanomonde
Ekugqibeleni ndiyazi ndizophumelela kuzokhanya