#pwiywbla
बयबो रंजानायनि गेजेराव
आं रंजागोन---
दुखुखौ दोनगोन आं
नुयै बबेबा आन्दो खनायाव
.
संसार मानसिनि गेजेराव
बिखासे बिखा अननाय लानानै
अननायखौ होगोन आं---
थांना थानायनि रायजोआव
.
जुब जुब अखा फैथोँ
बै समा फैयोब्ला
रंजासुला मिथिँगानि रायजोआव
बयबो रंजानाय जायोब्ला
.
जिउनि बारग्लांनाय रैरुब
मुलुगनि रंगिना बिबार बारियाव
देलाइनाय जाथोँ मिथिँगानि
गोथां बाथ'गां दखनाजोँ
.
गोजोँ मिनिनाय निजोरानि
अखोरांसे गुवार अननाय
जाथोँ खुदुमनाय सिदोब सिदोब
गेवलांनाय गोदान बोसोर
.
समायना सिखिरिनि बिरबायनाय
जायोब्ला मोदोमनाय बिबारनि
हालि हालि बारग्लांनाय बिनि---
.
मेथाइ रोजाबथोँ दाउसिन
बिफां-लाइफांनि मोसानाय
बेजों गोजोन बारा थाबायबोथोँ
औवा बिजौआ सिफुं दामनानै
.
दैमा-दैसा बोहैनायजोँ
दाउबोथोँ हालि हालि ना
बेजोँ फैथोँ गोदान बोसोर---
बिफां-बेन्दोँनि रोदोमनायजोँ
Feb 11, 2016
Feb 11, 2016 at 11:49 AM UTC