#filo
Huwag mo sanang maisipang balikan ang nangyari sa nakaraan.
Wag mo na sanang lakarin muli ang daang iyo nang tinalikuran.
Delikado ito.
Bako-bako.
Mabato.
Muli lang mawawasak ang puso mo.
Huwag mo nang alalahanin pa
Ang kulay ng kanyang mata
Kung ano ang pakiramdam
ng mga halik na iyo paring inaasam
Kalimutan na ang mga kamay na iyong hinawakan ,
Ang tahanang iyong binalik balikan
Masakit isipin na ang mata niya'y iba na ang tinitignan
Habang ang puso mo'y nananatiling sugatan.
Ang taong dati'y kilalang kilala
Ngayon ay mukhang madadaanan nalang sa kalsada
Mahirap man makalimutan ang pinagsamahan, ang pagmamahal na ipinaglaban
Pero ubos na ang oras na inilaan
kailangan na iiwan ito sa nakaraan.
Dec 22, 2017
Dec 22, 2017 at 9:59 AM UTC
Kay sarap sigurong matulog ng mahimbing,
Na para bang naiiwan ang mga problema
Sa simpleng pagpikit lamang ng mga mata;
Na paunti-unting naiibsan ang sakit at hapdi
sa bawat hinga, sa bawat saglit;
Na dahan-dahang nawawala ang mga
lamig-lamig ng katawan, mga kalamnan
na ang alam lang ay pagod at paninigas.
Kung ako ma'y tuluyan nang matulog,
Pakiusap -- wag mo na akong gisingin;
Pagka't ako'y masaya na sa kawalan --
ng kahirapan, ng pagdurusa sa mundo.
May 5, 2020
May 5, 2020 at 3:48 PM UTC
Halika't samahan mo ko
Sa pagbalik sa nakaraan
Kung saan ikaw pa ay aking gusto
At ako ay iyong kaibigan
Nang makita kita
Ako'y namangha
Sa iyong talentong ipinakita
Sa buong eskwela
Di ko aakalain
Na ika'y gugustuhin
At ang panahon ay palipasin
Nangangarap na ika'y mapasaakin
Ngunit heto na tayo
Sa kahuli-hulihang pahina
Ng ating kwento
At ng ating pagkikita
Oo, hindi na kita gusto
Sapagkat ang paglipas ng oras
ay masyado kong sineryoso
at ang pahina ng aking mga damdamin at dahan-dahan kong pinilas
Ngunit, bakit?
Bakit kung kailan ilang buwan nalang?
Bakit kung kailan nasa huli nang hakbang?
Bakit kung kailan ika'y maglalaho na?
Bakit kung kailan huli na?
Bakit?
Kailangan pa ba na ako ang umamin ng hindi kayang aminin?
Kailangan pa ba na ako ang lumapit upang masabi ang gustong sabihin?
Kailangan pa ba na ako ang magsimula ng gusto **** simulan?
Kailangan pa ba na ako ang gumawa ng paraan para sa'yo?
Sa tingin ko, hindi ko na kailangan
Pasensya na
Sapagkat huli na ang lahat
Ako'y nakadaan na sa iyong pinagdadaanan ngayon
Ngunit hindi tayo nagtagpo
Pasensya na,
Dahil huli na ang lahat.
Hindi na kita kailangan.
Feb 15, 2018
Feb 15, 2018 at 8:58 AM UTC