#arw
दै बाना जादोँ
दैज्लांनि दुब्लियाव
ना बाथोन जादोँ
आदै लांहानि दुब्लियाव
-
दा बेयाव रावबो गैया
आं आरो बाथोन मोनसे
ना खान्दा
हाजो मावरियानिफ्राय ओँखारबोनाय
-
जेसेबां ना हमनो हायो
एसेबांनो बाखोनाय जागौ
आमोखाया जि बुरजा ना मोन्दोँ
मालाय बेहासो-
बायदि बायदि
-
लान्थिया मोदोम
थाफ्लि फैखोनाय गामसा गान्दोँ
खुसिया बाग्ला जादोँ
कातिकनि आलियाव सबाय बेन्दोँआनो जेन'
माफा माफा हमजोबथारगोन ना
-
बिसोर आंजोँ काबादिसो गेलेदोँ?
लानजाइ सोमावना गिदिँदोँ आरो
गिदिँदोँ
हालि हालि सारि सारि
दुब्लिनि दब्लायसेल'
बोहैनाय दैखौ दान्थेदोँ
दालाबसे हाब्रुजोँ Sluise बानायदोँ
-
माफानि उनाव माफा हमदोँ
मिनि खुसि
गस्ला हिजोँ बोन्ना लाबोदोँ
मुगाया मोसा-मोसि दा
फालोसे दाउलिँआ सिख'दोँ
-
फालो फालो आंखौ खेबफैदोँ
खेबै खेबै
सुमलि दंफांसिम बोखोदोँ
आं आरो बिसोरजोँ बुलायनो हायाखिसै
-
रना-रनि थैजोँ
मोनसे दैसा बोहैयो
जिरि जिरि सुमलि दंफांनि सेरजोँ
-
इनाय-बानाय खेबै खेबै
बिसोर आंखौ बुङो-
नोँनि मावनां बेवहायनो जाबाय
थैनाया फैयो जेब्ला फैबाय
नंगौ थैनाया फैयो खेबसे
बेनो जायोब्ला जिउनि गोजोन्नाय??
Nov 22, 2015
Nov 22, 2015 at 12:16 AM UTC
खेबसेनो बारनानै फ्लाइं-किक् होयो।
इंगिनिया फोद्दा खांग्राङो।
नाथाय इंगिनिया सालाख्।
बेयो बुंनायसै-
रथ' फंबाय रथ',
फंसे बाथ्रा बुंनोसो फैदोँमोन आं।
खुसेँग्राया हां थिफुं थिफुं रागाजोँ सोँफिनो-
मा बाथ्रा? आंनो मानो खिन्थानो नांगोन?
- खोनासं फंबाय, खोनासं खैफोद जेरैबो खैफोद।
दै बानाया आंनि देराखौ सिलिँखार खालाम जोबथारबाय।
बे बाथ्राखौनो नोँनो खिन्थानो आरो नोँखौबो रैखा खालामनो थाखाय आं नोँनि दरजा सौब्लाना हाबफैनाय जादोँ।
नाथाय आं फांथेना गारबोफिन्दोँ फंबाय।
- हो नोँ आंनि दरजाखौ बोरै सौब्लाना फैनो हाखो?
आंथ' गिनांगौ गैयामोन।
खैफोदखौ नोँनो आंनि खाथियाव बोना लाबोबाय।
आंथ' आंनि बिसिखौ लानानै गोजोन एमावसो दंमोन।
नोँ जोबोद इनाय मावबाय।
ओँखारलां नोँ गोख्रै।
नोँनि मददनि सोलाय आं थैनायानो मोजां जागोन।
खैफोदखौ आंनि थाखाय नोँसो लाबोदोँब्ला बे खैफोदखौ होबथाना नोँनि गियानि हाबाखौ दादिन्थि नोँ।
बारनानै जोबावो फंनैसो।
इंगिनिया राहा गैयै जायो।
- निमाहा हो फंबाय।
आंखौ नोङो रैखा खालामथार।
आं नोँनि सिं जाना थाथारगोन फंबाय।
गाबो सिबाय गिनायजोँ आखाय खबजबै इंगिनिया।
- नाङा ओँखारलां।
जोरन हरो।
इंगिनिया गिनायजोँ हाखु-दाखु थंब्लेट बार'नो।
लोगो लोगो दरजाजोँ दैया बुर बुर हाबो।
इंगिनिया सानस्रि सानस्रि फांसे फिसा लाइफांआव गाखोयो।
दसे उनाव खसेँग्रानि देरा फारसे नायहरबाय-
खुसेँग्राया खांग्रांना दं।
हां दंना गैया मिथिनो हालिया।
Jul 1, 2015
Jul 1, 2015 at 2:13 AM UTC
नैबे लांथिया खाखोराव
रंजालु,मोसालु रेबगनजों
आं मानो आगर एरो?
मानो एरो?
गोसोनि बिदैखौ एरनना
सानबोलावरिखौ फोजाना
उखैनाय खाखोरखौ एसे उखैगाहोनो
लांथियायै समायिखौ एसे देलाइहोनो
आं एरो आगर,आं एरो।
नोंसोरबो लिरोने बिदि सानना?
ना बिदि नङा?
जौमोननि उरां फारां गोसोआबो
गोजोननार मोनो एरना
नबथि लुयो बेजोंनि
सानस्रिनि समायना नबथि।
गोजामखौ दोननो
गोमाखौ खिन्थानो
गोसोनि रावखौ फोरमायनो
सानस्रिनि आगरखौ खिन्थानो
आं एरो
आं लांथिया खाखोरनो
जिख्लाबसे गस्ला फिनो।
Nov 9, 2015
Nov 9, 2015 at 2:55 AM UTC
आं बिदाय लाबाय
दिनैनि सानाव
नोंजों बिदाय लाबाय
आरो आं दाना रेबलिया
लांथिया खाखोरनो गस्ला फिनलिया
रेबगनखौ मोसाहोलिया
आं आरो आगर एरलिया
खाखोरफोरखौ समायहोलिया
गोरोन्थि जादोंब्ला
माबाफोर जादोंब्ला
थाथोंसै आं आरो रेबलिया
Nov 12, 2015
Nov 12, 2015 at 3:18 AM UTC