Tinitingala mo na ngayon
ang bangkang nasa laot
ng kalangitan.
Kahit sa panahon
ng patintero, salawal at polong gusot,
matiyaga **** inusal, sa rosaryo’y nakatuon
ang mga kumpol ng misteryong sinambot -
tuwa, luwalhati, ningning ng ****
at hapis, o hapis, pagdurusang sinaklot,
krus-krusang hindi isinangkot
Akong dati’y nananalanging nakapikit,
tiklop-tuhod, nakayuko, buhos ang loob:
Ngayon ay bukas ang matang naakit
sa liwanag namulat, sa sansinukob
Aanhin ang mahabang panungkit?
Bunga ng dunong ay kusang nahulog
Bawat isa’y tinawid ang ibang ilog
Bawat isa’y may pusong sumabog!
Mar 20
Mar 20, 2026 at 7:59 AM UTC
Tinitingala mo na ngayon
ang bangkang nasa laot
ng kalangitan.
Kahit sa panahon
ng patintero, salawal at polong gusot,
matiyaga **** inusal, sa rosaryo’y nakatuon
ang mga kumpol ng misteryong sinambot -
tuwa, luwalhati, ningning ng ****
at hapis, o hapis, pagdurusang sinaklot,
krus-krusang hindi isinangkot
Akong dati’y nananalanging nakapikit,
tiklop-tuhod, nakayuko, buhos ang loob:
Ngayon ay bukas ang matang naakit
sa liwanag namulat, sa sansinukob
Aanhin ang mahabang panungkit?
Bunga ng dunong ay kusang nahulog
Bawat isa’y tinawid ang ibang ilog
Bawat isa’y may pusong sumabog!
