إنت جوا القلب وغافي
واسمك كل ما مرق ع شفافي
بوعي فيي الإحساس
بحرك فيي المشاعر
قلبي بزيد الدقات
وبتحلا بعيني الحياة
وبحس بفرحة ايامي أنا ومعك
برقص ع نغمة صوتك وبسمعك
وع دقت قلبك بلحن غنيي
فيها حب العالم والحنيي
إنت جوا القلب وغافي
واسمك كل ما مرق ع شفافي
بيسرئني من كل الناس
ع أجمل مطرح بسافر
قلبي بزيد الدقات
وبتحلا بعيني الحياة
Dec 18, 2015
Dec 18, 2015 at 11:11 AM UTC
كل انسان بدو حدا يمسكلو ايدو
كل انسان بدو حدو مين قوي يزيدو
بدو شوية أمل بدو كلمي حلوي
بدو يشوف الدني حدو عم بتضوي
بالعتمي مين بيقدر يمشي وما يضيع طريقو
حتى خيالو للإنسان بهالزمن منو صديقو
وع شط البحر ما في أمان حتى البحر غدار
والنسمات الهوا ياما بدربا بتراشق بحجار
كل انسان بدو أو ما بدو هيدا نصيبو
كل انسان بدو حدو مين قوي يزيدو
بدو شوية أمل بدو كلمي حلوي
بدو يشوف الدني حدو عم بتضوي
Dec 18, 2015
Dec 18, 2015 at 10:49 AM UTC