"ulong" poems
Salamin, salamin
Ipakita mo sa akin
Sino ang susunod na papatayin?
Salamin, salamin
Ipakita mo sa akin
Sino ang susunod na tatagain?
Salamin, salamin
Ipakita mo sa kin
Sino ang buhay na aking sasayangin?
Salamin, salamin
Ipakita mo sa akin
Sino ang ulong susunod na puputulin?
Salamin, salamin
Ipakita mo sa akin
Sino ang taong nararapat na puksain?
2:44 PM
1.30.19
Jul 9, 2019
Jul 9, 2019 at 12:39 AM UTC
Maingay. Siksikan.
Mainit. Nakaiinip.
Nakipila. Naghintay.
Isa. Dalawa. Tatlong oras.
Reklamo nila. Reklamo ng lahat.
Nainip. Umupo. Nakitabi.
Nag-ingay nang nag-ingay.
Maraming nagsidatingan.
Kanya-kanyang kwento.
Nagkwentuhan.
Umambon. Umulan.
Payong. Binuksan.
Nakisilong. Pinayungan.
Nagkwentuhan. Nagtawanan.
Tarangkahan. Bumukas.
Tulakan. Umuulan.
Tulakan. Sigawan.
Tulakan. Siksikan.
Siksikan. Naapakan.
Tulakan. Walang makapitan.
Pinakapit. Kumapit.
Tapak. Hagdan.
Umakyat. Inalalayan.
Humakbang. Umusad.
Pinauna. Pinasalamatan.
Nagapasalamat. Nagkangitian.
Umakyat. Sinundan.
Di nahagilap. Tinunguhan.
Di nalaman. Kinalakhan.
Di nalaman. Pangalan.
Naaalala. Ngiti. Labi.
Matang singkit. Matangos na ilong
Berde ang bag. Pula ang damit.
Sumbrero'y itim. Ulong maliit.
Umupo. Hinanap.
Hinanap. Hinanap.
Di makita. Di mahagilap.
Tanging maalala. Pagtulong twina.
Nakababagot na pila. Siya nakita.
Mahabang oras nakasama.
Salamat. Pila.
Sandaling nakasama.
Alaala. Siksikang pila.
Feb 18, 2018
Feb 18, 2018 at 10:55 AM UTC
Alpas sa gabing lumukob
Dulo’t dulo’y itim pulos
Salamat anuman yung d’yos
Kalul’wa kong di pasakop
Sa pagkakataong malma
Di sumuko ni lumuha
Binugbog man ng tadhana
Ulong dug’ua’y tunghay-laya
Lampas ditong hagpis-luha
Tanging lilim lang ang banta
Datnan man dantaong sumpa
N’ia ‘nong takot, ako’y wala
Makipot man ang lagusan
Bale-wala’ng parusahan
Ang palad ko’y aking tangan
Ako’y ako ang Kapitan.
Mar 17, 2021
Mar 17, 2021 at 2:38 AM UTC
Hoy! telebisyong may pakpak
kaalaman mo ba'y gaano kalawak?
Hatid ba nito'y ulong tipak?
o kalansing ng ginto't pilak?
Jun 29, 2015
Jun 29, 2015 at 2:39 AM UTC
Matang may takip
Ang kabayong may suot na tapaojo
Makitid na daan ang tinatahak
Sa likod at gilid ay walang makita
Bulag sa maraming bagay
Magwalang-bahala sa buong tanawin
Bingi sa pagbabago
Nahuhuli sa ritmo
Basag na antipara
Ulong walang ulo
Nilalang na lusaw ang puso
Sambahin ang iyong katotohanan
At manatili sa ginhawa ng iyong kabulagan
Aug 6, 2022
Aug 6, 2022 at 8:53 PM UTC
Bumalikwas ang madaling araw
Mapula ang sinag ng malamlam na ilaw
Mula sa pagkagupiling ng iniwang gabi
Isang paos na tilaok pinilit magsabi
Tila inutil na tuod ang unan at papag
Walang tugon ni tikhim man lang
para sa likod at ulong lumapat
Mapagkunwari ang kulambo
Lamok pala’y kalaguyo
Akala ng balana’y karamay
Sa magdamag na paglalamay
Batang ipinaglihi sa Sto Niño
Ibebenta pala sa demonyo
Naglaga ng kape ang among kapre
Butil daw ay hinirang ng musang na tumae
Galapong pala’y napanis na sapal
Nilagyan ng dagta ng nilinlang na bangkal
Bang-aw na ang panatikong tagasunod
Lublob na sa pusali, puwit pa rin ang hinihimod:
Sayang ang kita, mamaya’y bayaran na!
Copy-paste-post - sige pa!
Ang perang kikitain ay mas mahalaga
May paburger pa sina konsi at mayora
O e 'no kung nasa poso ***** tanang kaluluwa?
Bayaning tangan ay tabak, tila nakanganga
Kinain na ng anay ang papel at pluma.
Nov 29, 2020
Nov 29, 2020 at 4:41 PM UTC