"sabhi" poems
Nikle to hum bhi the ghar se yahi soch kar ki shayad is bar manzil tak pahuch jayenge,
kyunki daudna to unhone hume bachpan mein hi sikha diya tha yeh kehkar,
ki agar nahin bhagoge to woh tumhe peeche chod jayenge.
Daudne ki kuch aisi adat se ** gayi hai ki pair ab rukne ka nam hi nahin lete,
lekin hume kya pata tha ki itna age nikal ane se, apne hi paraye,
aur woh sabhi raste anjane se ** jayenge.
Sabse door rehte hue bhi, in anjanon ki bheed mein woh ek chehra apna sa lagta tha,
lekin woh bhi hamesha kisi aur chehre ki talash mein rehta tha.
Sahi raste ko dhoondhne nikle to the, magar yeh nahin pata tha ki itni jaldi thak jayenge.
Kabhi kabhi to lagta hai ki ab ruk jana chahiye, thoda aram kar lena chahiye,
lekin woh bhi namumkin lagta hai kyunki, ab to sapne bhi ajeeb se ate hain.
Chalte chalte, wade to kafi kiye the is safar mein, kuch unse, kuch apne ap se,
lekin yeh andaza bhi nahin tha ki un sabhi umeedon par pani ferte hue chale jayenge.
Yeh mehsoos bhi nahin hua ki apne hi apnon ke pankh kat chuke the,
talash thi to bas us kandhe ki jo is ladkhadate hue ko sahara de sake.
Fir bhi, dheere dheere is katon ki chadar par age badna hai, dil yahi kehta rehta hai,
kyunki jhoothi hansi ki kuch aisi adat si ** gayi hai, ki ab chahte hue bhi dard ka ehsas nahin hota hai.
Mar 24, 2011
Mar 24, 2011 at 6:01 AM UTC
Meri aankho ka tara hi , mujhe aankhe dikhata hai
Jise har ek khushi de di , wo har gam se milata hai
Jubaa se kuch kahu , kaise kahu , kisse kahu maa hu
Sikhaya bolna jisko , wo chup rahna sikhata hai ||
Sula kar soti thi jisko
Wo ab shab bhar jagata hai
Sunai loria jisko , wo ab taane sunata hai ||
Sikhane me usse kya kuch kami meri rahi sochu
Jise ginti sikhayi galtiya meri ginata hai ||
Tu gahri chao hai gar zindgi ek dhoop hai Amma
Dhara pr kab kaha tujh sa koi swaroop hai Amma
Agar ishwar kahi par hai usse dekha kaha kisne
Dhaa par tu hi ishwar ka koi roop hai Amma ||
Naa ucchai sacchi hai naa ye aadhar saccha hai
Maa koi cheej sacchi hai naa ye sansaar saccha hai
Magar dharti se ambar tak yugo se log kahte hai
Agar saccha hai kuch jag me to Maa ka pyar saccha hai ||
Jara saa der hone par sabhi se puchti Amma
Palak jhapke bina darwaja ghar ka taakti Amma
Har ek aahat par uska chouk padna fir duaa dena
Mere ghar laut aane tak barabar jaagati Amma ||
**|| Puchta hai Koi Dunia me Mohabbat hai kaha
Muskura deta hu mai or yaad aa jati hai Maa ||**
Sulane ke lie mujhko to khud jaagi rahi amma
Sirrhane der tak aksar meri baithi rahi amma
Mere sapno me pariya phul titli bhi tabhi tak the
Mujhe aanchal me apne le ke jab leti rahi amma ||
Badi choti rakam se ghar chalana jaanti thi maa
Kami thi par badi khusiya lutana jaanti thi maa
Mai khushhaali me bhi rishto me bas duri bana paya
Garibi me bhi har rishta nibhana jaanti thi maa
Laga bachpan me yu andhera hi mukaddar hai
Magar maa hausala dekar yu boli tumko kya dar hai
Koi aage niklne ke lie rashta nahi dega
Mere baccho badho aage tumhare saath hai amma
Kisi ke jakhm ye dunia to ab silti nahi amma
Kali dil me ab to preet ki khilti nahi amma
Mai apanapan hi akshar dhundta rahta hu rishto me
Teri nischal si mamta to kahi milti nahi amma
Gamo ki bheed me jisne hume hasna sikhaya tha
Wo jiske dam se tufanoo ne apna sar jhukaya tha
Kisi v julm ke aage kabhi jhukna nahi bete
Sitam ki ummr choti hai mujhe maa ne sikhaya tha || ||
Feb 17, 2017
Feb 17, 2017 at 12:39 AM UTC
Kagaz ki kashtiyon mein kai bar safar kar liya,
ab ek lambi udan bhar lene do.
Aj in bandhe hue pankhon ko khuli hava mein sans le lene do,
kyunki ab girne ka khauff nahin raha.
Daudne mein ab koi maza nahin hai,
kyunki yahan to hava jaise tham si gayi **
Ab rukne ka bilkul man nahin raha,
aj to toofanon mein sair karne lene do.
Dayron mein rehte hue adhi zindagi guzar gayi,
aj to un hadon ko par kar lene do.
Dar dar ke kab tak khamosh rahoge dost,
zameen par jeet jane mein kuch nahin rakha ,
aj to uchaiyon par jashn mana lene do.
Unke chale hue raston ko kai bar nap liya,
aj mujhe bhi apni pehchan bana lene do.
Kismat ka rona to sabhi rote hain,
aj mujhe bhi apne naseeb ka kora kagaz rang lene do.
Kabhi kabhi to man karta hai ki
un azad parindon ki tarah hava mein bas tairta hi reh jaoon.
Asan to kuch nahin par sochta *** ki
aj namumkin ko hi apna dost bana loon.
Kitabon ke panne kafi palat liye,
aj mujhe bhi do shabd likh lene do.
Hans lene do jinhe hansna hai mere in mazboot iradon par.
Kya samjhenege who is khuli udan ki masti ko,
jinhe kabhi bharosa nahin hua khud par,
aur hamesha rakha tha apne armanon ko pinjre mein kaid kar.
Khule asman mein aj ek bar ud lene do,
kya pata kal wahan bhi zaroorat se jyada bheed **
Kai dinon ke bad aj ek bar fir azad hone ka man kiya hai
Tod do in bediyon ko, kyunki aj ek lambi udaan bharne ka iraada hai
Mar 23, 2011
Mar 23, 2011 at 9:20 AM UTC
Zikr jab zindagi ka hota hai toh hum aksar apni zindagi ke guzre waqt ke flashbacks mein chale jaate hai, aur kehte hai zindagi toh bohot buri guzar rahi hai.. yeh maana ki jo beet gaya hai usse bhulaya toh jaa sakta hai magar apne zehan se mitaya nahi jaa sakta.. bas unn tamaam ache-bure daur ko muqaddar samjhkar aage badha jaa sakta hai. Aur life mein ek phase aata jab humein lagta hai ab aur kya dekhne ko baaqi reh gaya hai zindagi mein saare tajurbe aur sabaq mil chuke hai ab toot jaane mein hi bhalayi hai haar jaana hi ek aakhri sahi rasta hai. Aur phir apni khushiyon ka shok aur barbaadiyon ka jashn manane lag jaate hai. Magar khushiyan bhi itni aasani haar nahi maanti. Zindagi humein har ache-bure daur ke baad ek khoobsurat tohfa deti hai jisse hum mauka kehte hai. Humein zindagi se mile wo saare tajurbe aur sabaq phir se jeene ka hausla dete hai. Ek nayi umeed dete hai. Aur shayad isliye hum zindagi ka saath nahi chhorte.
Beete kal mein pareshan rehte hai, aane kal ki fizool mein fikar rehti hai aur jo aaj hai usse jeete toh hai magar thodi bechaini ke saath. Jo guzar gaya usse accept karke aage badh jao, jo kal hoga wo tumhare aaj ki mehnat se pata chalega na ki fikar se, aur apne aaj se mohabbat karo.
Ek badi ajeeb si cheez hai jo hum sabhi ke saath hoti hai jab hum 5-6 saal purani tasveer mein khudko dekhte hai toh hasi aajati hai ki kaise the hum ab waqai behtar badlaav aaya hai hum mein wo badlaav tum laaye ** khud ke andar. Waqt ke saath mature hokar, mushkil se mushkil maqaam haasil karke, apna vision aur mindset positive rakhkar, apni zindagi ko sahi raaste mein le jaakar. Isliye tum haare nahi ** zindagi mauke deti hai magar tumhe ehsaas tak nahi hone degi kab tumne uss mauke ka fayda utha liya. Aur agar kabhi bura phase aaye toh uss mein bekhauf hokar jeena magar sahi waqt par nikalkar apni zindagi ko behtar bana dena. Kyunki abhi tumhara qissa khatam nahi huwa, abhi tumhe nikhar ke wapas aana hai kahani badalne.. .
Mar 1, 2020
Mar 1, 2020 at 12:25 PM UTC
Kanyadaan hua jab pura, Aaya samay vidayi ka
Hashi khushi sab kaam hua tha, Saari rashmm adaai ka
Beti ke uss kaatar swar ne , Baabul ko jhakjhor dia
Puch rahi thi papa tumne, Kya sach-much me chodd dia
Apne aangan ki phulwari, Mujhko sada kaha tumne
Mere rone ko pal bhar bhi, Bilkul nahi saha tumne
Kya iss aangan ke kone me, Mera kuch asthan nahi
Ab mere rone ka papa, Tumko bilkul dhyan nahi
Dekho antim baar dehri, Log mujhhe pujwaate hai
Aakar ke papa inko kyu, Aap nahi dhamkate hai
Nahi rokte chacha taau, Bhaiya se v aas nahi
Aisi bhi kya nishthurta hai, Koi aata paas nahi
Beti ki baato ko sun ke, Pita nahi rah saka khada
Umadd pade ankho se aanshu, Badahawas sa daud pada
Kaatar bichia si wah beti, Lipat pita se rotii thi
Jaise yaado ke akshar wah, Ashru bindu se dhoti thi
Maa ko laga god se koi, Maano sab kuch cheen chala
Phool sabhi ghar ki phoolwari se koi jyo been chala
Chota bhai bhi kone me, Baitha biatha subak raha
Usko kaun karega chup ab, Wah kone me dubak raha
Beti ke jaane par ghar ne, Jaane kya kya khoya hai
Kabhi naa rone wala baap bhi, Phoot-Phoot kar roya hai ............
Sep 24, 2015
Sep 24, 2015 at 8:07 AM UTC
Aapko khuda ne badi fursat se banaya hai,
Etni pyari si muskan aapke hothon par sajaya hai,
Aapki ye sararati aankhon ne,
Har pal ko khushnuma aur khubsurat banaya hai,
Aapne Ghar ko mandir banaya hai,
Maat-Pita Ki sewa kar unhe bhagwan ka darja dilaya hai,
Aap najane kis mitti Ki bani **
Khud aansoo bahake bhi sabhi ko hasaya hai,
Aap jaisa dost humne badi muskil se paya hai,
Aaj gum bhulakar phir se humne muskuraya hai,
Ruthi kalam ko manakar humne,
Aaj aapko apni kavita me sazaya hai,
Apni kavita me sajaya hai....
Sep 7, 2017
Sep 7, 2017 at 12:17 PM UTC
Na dhan k e daas hote hai ,naa mann ke daas hote hai
Nirasha me v aasha ka, saghan vishwas hote hai
Nazar se dur hokar v, jigar ke paas hote hai
Mohabbat karne wale dil, bahot hi khas hote hai
Ibbadat kaun karta hai,Innayat kaun karta hai
Sabhi hai lootne wale, mohabbat kaun karta hai
Bharamar ki gungunahat se hi, ab har phool darta hai
Sabhi khilwadd karte hai, mohabbat kaun karta hai
Mohabbat apni har aashiq, pe jaya hum nahi karte
Ki aise har kisi pe dil, lutaya hum nahi karte
Mai kahti raat rani se, meri awaj ko sunkar
Chale aate hai khud bhawre, bulaya hum nahi karte
Hume apni mohabbat tum, gawara mat samajh lena
Aji ye dil humara hai, tumhara mat samajh lena
Kayamat ki nazar hai, humnazara mat samajh lena
Kinara kar rahe hai hum, Isahara mat samajh lena
Sep 10, 2016
Sep 10, 2016 at 6:34 PM UTC
Yeh bharat hai
un veer jawano ka,
Jahan samman hota aurato ka
Atithi aur kisaano ka,
Yeha bahati hai Ganga ki suddh dhara,
Rahenge sda hum ek hamara yahi nara,
Manaye jate hain id yaha harsho-ullas se,
Khele jate holiya bhi rango aur gulal se,
Kheto ki hariyali hi bharat ki pahchan,
Ugate hai sona bhi mitti se yahan ke kisaan,
Yeh bharat hai
un naujawano ka,
Jo tay karte desh ka bhavishya, vishav me pahchan hain enke ek alag karnamo ka,
Yehan ke log jite hain sirf es watan ke liye,
Kadi dhup ** ya kadkdati thand karte hain mehnat dinbhar do roti aur us pet ke liye,
Yahan thirakati hain nariya kathak ke dhuno par,
Barsate hain phul yahan us thinranga jhande par,
Likh do sabd MANISH bhi bataya apni desh ki pahchan,
Jiski sabheyata aur sanskriti hain sarvopari
Jahan sabhi log ek saman...
Jun 26, 2015
Jun 26, 2015 at 8:31 PM UTC
Main tumhe dhundhne swarg ke dwar tak,
roj jaata raha, roj aata raha.
Tum gazal ban gayi ban gayi,
geet me dhal gayi,
Manch se main tumhe gungunata raha.
Zindagi ke sabhi raste ek the,
sabki manzil tumhare chayan tak rahi.
aprakashit rahe peer ke upnishad,
man ki gopan kathayein nayan tak rahi,
Praan ke pristh par preet ki vartani
tum mitati rahi, mai banata raha
Main tumhe dhundhne swarg ke dwar tak,
roj jaata raha, roj aata raha.
Tum gazal ban gayi ban gayi, geet me dhal gayi,
Manch se mai tumhe gungunata raha.
Ek khamosh halchal bani zindagi,
gehra thehra hua jal bani zindagi,
tum bina jaise mehlon me beeta hua
urmila ka koi pal bani zindagi.
drishti akaash me aas ka ek diya
tum bujhaati rahi mai jalaata raha.
Main tumhe dhundhne swarg ke dwar tak..
Main tumhe dhundhne swarg ke dwar tak,
roj jaata raha, roj aata raha.
Tum gazal ban gayi ban gayi,
geet me dhal gayi,
Manch se main tumhe gungunata raha.
Main tumhe dhundhne swarg ke dwar tak..!!
Feb 6, 2015
Feb 6, 2015 at 7:32 AM UTC
*Tulu-e-Subah Tere Rukh Ki Baat Hone Lagi
Tumhari Zulf Jo Bikhri Toh Raat Hone Lagi
Tumhari Mast Nazar Ka Khumaar Kya Kehna
Nashe Mein Garq Sabhi Kayanaat Hone Lagi*
**Rise of morning and debate of your appearance begun
Then your tresses scattered and the night begun
Intoxication of your enchanting eyes – what can we say!
O’ in drunkenness, sinking of whole world begun**
— Translated by Jamil Hussain, Sung by Nusrat Fateh Ali Khan
Oct 30, 2016
Oct 30, 2016 at 4:38 PM UTC
Hum us desh ke vashi hain.....
Jaha sabhi ka samman kiya jata hain,
Hum us desh ke vashi hain....
Jaha sabhi logo me ekta hain,
Hum us desh ke vashi hain....
Jaha atithi ko bhagwan ka darja diya jata hain,
Hum us desh ke vashi hain....
Jaha aurato ko devi kaha jata hain,
Hum us desh ke vashi hain....
Jaha hindu muslim sikh esai sabhi bhai bhai hain,
Hum us desh ke vashi hain.....
Jaha mata pita ko dharti ke bhagwan mana jata hain,
Hum us desh ke vashi hain.....
Jaha sabhi log desh ke liye marte hain,
Hum us desh ke vashi hain....
Jaha mahatma gandhi, Bhagat singh, Subash chandra bose jaise beero ne janam liya tha,
Hum us desh ke vashi hain.....
Jaha par sanchai aur ekta mishal hain,
Hum us desh ke vashi hain....
Jaha ki nadiya sudha jal deti hain,
Hum us desh ke vashi hain.....
Jise log bharat ya india kahte hain...
JAY HIND
JAY BHARAT
May 20, 2015
May 20, 2015 at 4:34 AM UTC
KOI AUR HAI
Tere khaboon mai koi aur hai,aur tere sayee mai koi aur hai
Kaisay tu dekhay hasrat mere,tu haqeeqat mai koi aur hai
Yeh dil kab tak arizoo karta rahai ,ab koi sabab-e-furkat **
Kaisay tu pehchaanay mere ulfat,tu zahir mai koi ,aur batin mai koi aur hai
Itrey sabnum ki tarah jalah hai mera daman bhi
Mai manzil ki jistu ju kya karoon, ab rasta bhi nazar nhi
yadoon kay samandhar mai dhoob chukka ab toh
Mai haar chukka hoon zindagi aur ab toh moat bhi ati nhi
Bhulavou yeh gum kaisay ,dil ko kya dawaa doon bhar janay ki
Mai kyun nhi rub a ru khudsay ,mai kon hoon ya mujmai he koi aur hai
Faryaad bhi kya ** , naa ashinaa hai yahaan sabhi
Kis mode pay kya hogaye koi khabar nhi hummay
Mai toota huva taraa hoon mujmai ab wo timtimhath kahaan
Lagta Aasmaan bhaag rahaa hai aur zameen fisal rahe ** jaisay
muntazir-e-humraah ** kya,jo rahai thi wo rahai he badhal gaye
Mud kay ab dekhoon kya, akela rahai safar tha ya koi aur be hai
Mubarak ** tummay ab yeh jahaan dard baraa
Na mud kay kabhi dekhay **** issay dhoobara
Ab aur palkoon pay ashikay baar saha nhi jata
Laboon pay ab aur bahaana bardast nhi hota
Waqt guzra hai, kyun naa mera bhi saleeka badhal gaye Rumi
Ab aur ranjishay nhi,bhula do ghar koi ghilla aur bhi hai
written by: Aabid Rumi
suggested by:Tanzeelah Illahi
Apr 16, 2017
Apr 16, 2017 at 6:16 AM UTC
Udd jayegi ek din chiraiya chhodhkar babul ka ghar,
Basane ek naya aashiyana sabhi ke aankho ko bhar,
Vidai ka hota hai ye kaisi bela,
Kyu hamesha jana padta chhod us kali ko hi akela,
Beegh jati hai mata-pita ki palkein vidai ke pal,
Jab aata us baag me chahchahane wali chidiya ki judai ke pal,
Bahut si yaadein chhoti aankho me sajaye hue,
Ro rhi hai maa pari ko gale lagaye hue,
Papa ki pyari gudiya aaj sazkar sasural chali,
Tham ke hath humsafar ka ek nye dwar chali,
Jahan pali badi wo pyari gudiya chali hai aaj us ghar ko chhod,
Karke suna ek aangan ko pita ki aankhon ko bhar,
Na jaane kyu beti ko janam se hi paraya btaya ,
Aakhir kisne ye riwaz banaya ,
Nikalkar apne **** se ek pita apni jaan ,
Bahut bada dil hai ek pita ka jo kar dete hain kanyadaan ,
Waqt ka kaisa hai ye dastoor
Na jaane kyu ek beti ko jaana hota hai dur ,
Chali hai aaj papa ki gudiya ,
Chhodhkar apne aangan ki nindiya,
Yaadon ki jhadi dil mein basakar chali hai maa ki jaan ,
Chhod ke sabkuch apna Banane ek nayi pehchaan,
Babul ki laadli kab ** gayi badi,
Aayi hai dil ko chhune wali ghadi,
Jis ghar me pali,us ghar ko alwida kaise kahegi,
Maa baba behan bhai bin wo gudiya kaise rahegi,
Vidhata ne ye kaisa niyam hai banaya,
Chhod ghar babul ka,ek naye ghar ko basaya,
Dekh tyad ek bitiya ki us khuda ki bhi *** aankhen bhar,
Udd jayegi ek din chirraiya chhodkar babul ka ghar,
Babul ka ghar.........
Composed by
Sonia Paruthi & Shrivastva MK
Mar 22, 2018
Mar 22, 2018 at 2:23 PM UTC
Pyar ke deep jalayenge hum,
Mil kar sath sabhi
Desh ki takat ko badhayenge hum,
Es desh ki mitti hamari hain,
Yahi par janam liya hain
yahi par mar jayenge hum,
Pyar ke deep jalayenge hum,
Mita ke nafrat logon me
phir se bhaichara layenge hum,
Auraton ka samman karenge
Use vishav me devi ka darja dilayenge hum,
Mil kar sath sabhi
pyar ke deep jalayenge hum,
Banenge hum besaharon ka sahara
Apne aap ko itna takatwar banayenge hum,
Na koi bada na koi chhota hoga es desh me,
Ese hi puri duniya ko batayenge hum,
mil kar sath sabhi
pyar ke deep jalayenge hum...
Jun 19, 2015
Jun 19, 2015 at 4:20 AM UTC
Maa tere aanchal me humne Sara sansaar dekha hai,
Maa tere aankhon me humne khushiyo ka bahar dekha hai,
Maa tere charano me humne swarg ka dwar dekha hai,
Maa tere dil me humne baccho ke liye pyar dekha hai,
Maa tune Hume sabse pyaar aur samman karna sikhaya hai,
Maa tune srishti Ki rachna kar Ghar ko jannat banaya hai,
Najane bhagwan ne Maa ko kis mitti se banaya hai,
Khud sabhi dard chhupa kar Hume hasaya hai,
Maa tune Hume nau mahine kokh me rakhkar najane kitne dard uthaya hai,
Janm ke baad apna dudh pilakar Hume buddhimaan aur takatwar banaya hai,
Khud roya zindagi bhar jisne Maa ko rulaya hai,
Bhojan ke liye khud bhatakta rha jisne Maa ko bhukhe sulaya hai,
Maa ki sewa karo kyoki esne Duniya bnaya hai,
Khud bhukhe rahkar bhi hume khilaya hai,
Duniya ka sabse sachha Gyan Maa Papa me hi sikhaya hai,
Khud bhale hi padhe likhe na ** lekin aapko padhakar ek safal insaan banaya hai....
Jun 17, 2017
Jun 17, 2017 at 12:51 AM UTC
Kash! Ye dil bhi benakab hote,
To sayad na dhokhe hote aur nahi fasad hote,
Log sirf unse dosti karte,
Jinke dilo me sirf mohabbat ke raag hote,
Kash! Ye dil bhi benakab hote,
To sayad na dhokhe hote aur nahi fasad hote,
Sirf unse hi pyaar hota,
Jinke dilo ke liye wo khaas hote,
Kash ! Ye dil bhi benakab hote,
To sayad na dhokhe hote aur nahi fasad hote,
To Pet sirf unka bharta,
Jo sach me us roti ke mohtaaz hote,
Kash ! Ye dil bhi benakab hote,
To sayad na dhokhe hote aur nahi fasad hote,
To Na padti zarurat en hothon ki,
Kyoki sirf dilon se hi baat hote,
Kash! Ye dil bhi benakab hote,
To sayad na dhokhe hote aur nahi fasad hote,
Har ghar mandir ban jata,
Aur Maat-pita us mandir ke bhagwan hote,
Kash! Ye dil bhi benakab hote,
To sayad na dhokhe hote aur nahi fasad hote,
To na koi dharm hota aur na koi mazahab ,
Hum sab ek hote aur sabhi se pyar hote,
Kash ! Ye dil bhi benakab hote,
To sayad na dhokhe hote aur nahi fasad hote,
Na milta phir kisi ko bhi dard bhare pal,
Na kavi hote aur nahi sayari bhare andaaz hote,
Kash ! Ye dil bhi benakab hote,
To sayad na dhokhe hote aur nahi fasad hote,
Kaun puchhta en banawati chehare ko,
Tab to **** se nahi sirf ru'h se pyaar hote,
Sirf ru'h se pyaar hote...
Sep 20, 2017
Sep 20, 2017 at 12:00 AM UTC
Bachpan ka samay kabhi na lautkar aata ,
Har waqt bus yaadon ka aasma reh jaata ,
Khelte the hum bhi khub dhul ko udel ko,
Maaf kr diye jate hamare sabhi galtiya aur bhul ko,
Jab chaha has lete they ,
Aur jab chaha ro dete they ,
Chhote chhote aankhon me sapne bade hote the,
Na kisi se bair,sare log apne hote the,
Par ab tou aansuo ko chahiye tanhayi ,
Chehre par sirf jhoothi muskaan hai chhayi ,
Zindagi ki tapish mein kab bachpan guzar gaya ,
Kab bachhe se bade ** gye zindagi ki daur mein nazar hi nahi aaya ,
Kya din they chalate they baarish mein nao
Ab khud ko chupane ke liye sochtey hain kha jao,
Na kuch paane ki aasha thi or na kuch khone ka drrrr,
Mast rehte they jaha apni hi dhun idhar udhar,
Koi lauta de bachpan ka sawan
Fir se mehak jayega mere dil ka aangan ,
Khelte they khilone se aaj khud khilona ban gaye ,
Bachpan ke sunhere pal na jaane kha kho gaye,
Maa se lipatne ke bahane bnate,
Maa ke aanchal ke chav me hi so jate,
Chhote se kadam se saitaniya bde karte the,
Papa Ki pyari daat pr bhi ro dete the,
Jab bhi rota mai,Maa apne sine se laga leti thi,
Sahlake haath sar pr mere muskura deti thi,
Maa ka dudh jaise amrit ka pyala tha,
Sach me hamara bachpan bahut hi nirala tha,
Amrit ka Ek ghut pi kar bhi khush ** jate the,
Duniya ka sabse bda sukh maa ke aanchal me hi pate the,
Yaad hai hume wo khubsurat bachpan ke pal,
Muskura dete hum jab bhi yaad aate wo sunhare bite kal........
4th collab. Poem composed by
Sonia Paruthi & Manish Shrivastva
Mar 26, 2018
Mar 26, 2018 at 8:42 AM UTC
Tujhe chhoone par hai lagta
Tu jalti jwala re!
Tujhe niharne par lagta
Tu chaand ka tukda re!
Aisa Kya jadoo Kiya
Aisa Kya jadoo Kiya
Ore Priya re!
Tere sang Tere sang ishq hua re!
Bana Dene jaisa lagti ** tum
Ek chitra!
Are munh tumhara ek
Paan ka patta
Bana Dee gayi lagti ** tum
Ek moorti!
Sach jaisi
Konark ki kala kirti
Tujhe padhne se lagti hai tu
Sach mein ek kahani re
Tujhe gaane see lagta
Tu ek geet re!
Aisa Kya jadoo Kiya tune
Aisa Kya jadoo Kiya toone
Ore Priya re!
**** bhar Teri
Rajnigandha ki khushboo
Teri chaal mein
Raj hansini ka chhand!
Barasne jaisa pyar tumhara
Madhu ki varsha!
Sabhi or hoti hai
Bas teri hi charcha
Tujhe tolne par
Tu lagti
Ek phool re!
Tujhe dhaalne par lagti
Tu kuchh rang re!
Aisa Kya jadoo Kiya
Aisa Kya jadoo Kiya toone
Ore Priya re!
Tere sang Tere sang ishq hua re!
Jan 27, 2018
Jan 27, 2018 at 11:16 PM UTC
Jaa raha hu me.
~~~~~~~~~~~~~
Mout se ankhe milaye ja raha hu me.
Zindgi se rafta rafta hath chudaye jaa raha hu
me.
U to meri duniya me kaha kirdaar koi uska he.
Darta hu kahi sadma na lage meri duniya me.
Bas isi liye us ek apne se duriya banae jaa raha
hu me.
Mout se ankhe milaye jaa raha hu me.
zindgi se rafta rafta hath chudaye jaa raha hu
me.
Bas guzarish itni si he. Use khamosh na rehne
dena.
Aap sabhi ke hatho me apni aamanat ***** jaa
raha hu me.
Mout se ankhe milaye jaa raha hu me.
Zindgi se rafta rafta haath chudaye jaa raha,hu
me.
Tumhe ab tanha ***** jaa raha hu me.
***** jaa raha hu me
Nk —
Jan 1, 2015
Jan 1, 2015 at 2:56 PM UTC
HUSBAND
1-Sabhi ki soch se jyada sabhi ki ummid se jyada mohabbat karenge hum
2-Lakh mushkilo ke baad bhi hum hamesha aapke sath rahenge
3-Hum humesha khud se jyada aap pr bharosha karenge
4-Zindagi ki harek mod pr hum aapka hath nhi chhodenge
5-Chahe hum pe kitni bhi vipatti aa jaye harek buri nazar aur sankat ke bachayenge aapko
6-Hum es janam ke saare waadein esi janam me pura karenge
7-Aur aakhiri Hum aapko apni patni maankar nhi jeevan saathi maankar aapse kadam milakr chalenge…Hamesha aapke sath ye hai humare saat wachan
WIFE
1) jitni shiddat se sacchi mohabbat aap humse karte hain usse bhi jyda hum aapse krenge
2) chahe zindagi kitni bhi karwatein le par har kadam par aap apni is jeevan saathi ko humesha apne sang khada payenge
3) Khud se jyada kya khuda se bhi badhkar aap par sabse jyada bharosa karte hain aur humesha karte rahenge..vishwaas ka paudha humesha khilkhilata rahega…
4) Zindagi ki har saans hum sirf aapke sang lena chahte …har janam sirf aapko hi milenge ..hum par humse jyada haqq hai aapka..hum humesha sirf aapke hi rahenge mere mahadev
5) Har muhkil ghadi mein har sukh dukh mein aap humesha apni ardhangini ko apne saath payenge…jeevan ke har pal mein har takleef ko aap tak pahuchne se pehle humse guzarna hoga …aapke liye tou khuda se tak lad jayenge..
6) dil se dil ka ye jo rishta hai humesha barkaraar rahega..har ehsaas behad khubsurat hai ..hum khushnaseeb hain ki humein aap mile…saaton janam kya ishwar se dua krenge ki aise anginat janam mile humein jismein hamari zindagi mein sirf aapka haqq ** …
7) saatwa aur aakhiri vachan ye sirf vaade nahi jo kr diye ..dil se shiidat se ise har janam mein nibhayenge…hum aapke aur aap humare
Nov 13, 2019
Nov 13, 2019 at 8:32 AM UTC
Kitni azeeb hai ye Duniya kitne ajeeb log,
Koi kisi ko dara rha, kuchh sahme sahme se log,
Bada muskil hai esko samjhna,
Yaha palbhal me baldate hai log,
Humne bhi socha tha Ki jawane ko badalenge hum,
Ek nayi soch ke sath ek hokar chalenge hum,
Par ye dekh kar dil tut gya Jab ek hi dali ke chaar phoolon ne kaha,
Nahi hum khilenge,aur nahi ek dusre se milenge hum,
Roh deti hai kalam bhi likhkar dard jawane ka,
Kuda-Kachra nadiyon me kya haal bna diya Bharat ke khazane ka,
Roti ke liye tadapte sadak par log,
Aur yahan pariyojna chalai ja rhi desh ko smart banane ka,
Gareeb ko roti kapda aur makan chahiye,
Kisano ko es desh me apni ek pahchan chahiye,
Sabhi ko samjhe ek barabar,
Aisa deshbhakt insaan chahiye,
Aisa deshbhakt insaan chahiye....
Jun 11, 2017
Jun 11, 2017 at 4:21 AM UTC
Ae zindagi kya hassin naam tera
Hazaaron Mein Hai chehra tera
Aj beparda hai husno jamal tera
Sabhi ko hoti hai chinta teri
Kya ** agar na ** chinta teri
Chalo jite hai tuje aaj mein
Chohd chinta kal ki teri
Sochta *** kya hai zindagi
Fir dehk kar paani Ganga ka
Sabhi jawab milgae
Jese Ganga aati hai or
Samundar mai miljaati hai
Fir se baarish ke roop Mein wo
Himalaya me chali jaati hai
Ae zindagi tubhi waise lagti mujhe
Haasti hai rulati hai or kabhi udas
Kar jati hai tu
Fir es aatma ko us ek se ja milati hai
Ae zindagi maaza tera maut Mein Bhi aata hai
Ae zindagi kya hassin naam tera
Hazaaron Mein Hai chehra tera
Hazaaron Mein Hai chehra tera
By Abutorab dyer
Aug 2, 2020
Aug 2, 2020 at 1:47 AM UTC
Ek zindagi hain farheen ki
Aur hain dus mod
Farheen ki khoish raktay hain sabhi
Par farheen ki khoish hain koun
Souchtay chalogay tuh shyad smajaogay
Milingay sabhi tumay
Par phir bhi farheen ki khoish raktay phirogay
Dhondna chatay tuh dholo
Har gali har mouhala
Milingay haar koi par
Dil ki baat hain dil tuh sirf
Farheen kay pass hain
Aug 8, 2022
Aug 8, 2022 at 3:53 PM UTC
Kuch baatein yuhi kahi to nahi jaati,
kai baatein aankhe bhi bayaa nahi kar paati
Kisi rail ki thar-tharahat mein shayad hai woh baat
Ya hai kisi pool ke sannatein mein...
Yeh jo kaath le taalein hain, apne lafzon par kyun daale hain
Ek ajeeb si narazgi sabhi ne paale hain!
Kabhi khil-khilati thi mere honthon ki hasi,
Aaj aalam hai ki murjhaye phool bhi humse sayaane hain...
Dil ki baatein dil ko hi satati hai,
Aa jayen agar lafzon tak toh apno ko rulati hain...
Zindagi badi ruhaani hai, harr mod ek nayi kahani hai,
Kuch baatein yunhi sunani hain
Kai baatein aankhon se samjhani hai...
Mar 12, 2018
Mar 12, 2018 at 10:18 AM UTC
Dil me liye armaan hazaro,
har ek insaan daudta hai..
Sapne pure karne ko apne,
kai baar woh rota hai..
Tanhai ke aasuo ki keemat nahi hoti,
aankhen nam kar akele, fizool hi roya main..
Pata nahi kaise,
par iss daud me jeet kar bhi hara main..
Mushkil hoti hai dagar, agar khud ke liye jeete **
dusro ke liye jeena aur bhi mushkil hota hai..
Iss raah me kabhi kisi ka saath mile,
woh saath nibhana aasaan nai hota hai..
Meri koshisho me shayad reh gayi kami koi,
jo aaj tak nahi nibha saka isss rishte ko main..
Pata nahi kaise,
par iss daud me bhi hara main..
Khud ki takleefo me shayad gum gaya zyada zara,
jo dikha nahi mujhe mushkile hoti toh sabhi ko hain..
Chizo ko suljhane chala tha,
uss raah me khud hi ulajh gaya main..
Naa mushkile kam hui aur naa takleefe door,
bas dil dukhaya sabke main..
Zindagi shayad daud nahi, par main phir bhi isme hara hu,
kisi aur ka kya kasoor, bas zindagi se hara mai..
Apr 9, 2019
Apr 9, 2019 at 6:38 PM UTC