My contri people
I tire for this mata
Person run go there na wahala
Person waka come here
I beg wen I see
Serious kasala

My contri people
Story full ground
Na so Aisha for detim side
Dem no fit go school
Dem no even fit sleep well
Unto say these people
Dem call BH
Fit just scatter ground

My contri people
We young soji people
We bin reason am say
If we hustle go school
Lock up for morning and afternoon
Softly arrange Ewa Agoyin for night
We believe say our Suru go lere


My contri people
Person turn ogbologbo for school
Sake of say na wetin
Sake of say na so so strike, haba
My contri people
Dis no be story for us o
Na story for the gods

E no get any work for any where
How person wan do Bad guys
Pepper no rest

Day before yesterday
Yomi just come lament
Unto say him chikala done follow one Chidi
Way come from America
International
Yomi say Shade say
'' I am not getting younger
   My biological time is ticking
   You are 37 still leaving with your parents
    I hope you understand''

My guy breakdown
Come to think of the mata
Shade get truth for her talk
She done tire, she done try , she done wait
If na your sista nko, omo na to port na
She got to move on mehnn
I no blame her

Now dem say na election
******* mehnn
As you see me so, I no send
Dem say DEMOCRACY
Demo wat
I say demo fire

My contri people
I NO VOTE
I VOTE O, I NO VOTE O
Who go win go still win
We cry o, die o, shout o
Dem go just look us like lucozade

My country people
people dey bailout
Go yonder
I send dem now
Because that na the way forward
Ds mata no be today
Story full ground
My countri people



Written By; Esther Esuga