"nayi" poems
aga hai josh
jagi kismat nayi
apne hi hatthon se likhunga kismat abhi
bhale hi paise se fakeer
par paise se gareebh nhi
hai hathon mai dum tere
toh uth!!
kyonki
bhagwan hai tera zameer
teri kismat nahi!!
namumkin naam ki aisi yahan koi cheez nhi
milegi manzil
chahe karibh nhi
agar hui teri haar
toh maanle ye baat banda tu hi hai iska zimmedar
koi aur nhi
jo kuch chahega tu
wo bhi paa jayega tu
kr khud pe yakeen jeet jayega tu
haan jeet jayega tu
Jun 1, 2014
Jun 1, 2014 at 1:14 PM UTC
Zikr jab zindagi ka hota hai toh hum aksar apni zindagi ke guzre waqt ke flashbacks mein chale jaate hai, aur kehte hai zindagi toh bohot buri guzar rahi hai.. yeh maana ki jo beet gaya hai usse bhulaya toh jaa sakta hai magar apne zehan se mitaya nahi jaa sakta.. bas unn tamaam ache-bure daur ko muqaddar samjhkar aage badha jaa sakta hai. Aur life mein ek phase aata jab humein lagta hai ab aur kya dekhne ko baaqi reh gaya hai zindagi mein saare tajurbe aur sabaq mil chuke hai ab toot jaane mein hi bhalayi hai haar jaana hi ek aakhri sahi rasta hai. Aur phir apni khushiyon ka shok aur barbaadiyon ka jashn manane lag jaate hai. Magar khushiyan bhi itni aasani haar nahi maanti. Zindagi humein har ache-bure daur ke baad ek khoobsurat tohfa deti hai jisse hum mauka kehte hai. Humein zindagi se mile wo saare tajurbe aur sabaq phir se jeene ka hausla dete hai. Ek nayi umeed dete hai. Aur shayad isliye hum zindagi ka saath nahi chhorte.
Beete kal mein pareshan rehte hai, aane kal ki fizool mein fikar rehti hai aur jo aaj hai usse jeete toh hai magar thodi bechaini ke saath. Jo guzar gaya usse accept karke aage badh jao, jo kal hoga wo tumhare aaj ki mehnat se pata chalega na ki fikar se, aur apne aaj se mohabbat karo.
Ek badi ajeeb si cheez hai jo hum sabhi ke saath hoti hai jab hum 5-6 saal purani tasveer mein khudko dekhte hai toh hasi aajati hai ki kaise the hum ab waqai behtar badlaav aaya hai hum mein wo badlaav tum laaye ** khud ke andar. Waqt ke saath mature hokar, mushkil se mushkil maqaam haasil karke, apna vision aur mindset positive rakhkar, apni zindagi ko sahi raaste mein le jaakar. Isliye tum haare nahi ** zindagi mauke deti hai magar tumhe ehsaas tak nahi hone degi kab tumne uss mauke ka fayda utha liya. Aur agar kabhi bura phase aaye toh uss mein bekhauf hokar jeena magar sahi waqt par nikalkar apni zindagi ko behtar bana dena. Kyunki abhi tumhara qissa khatam nahi huwa, abhi tumhe nikhar ke wapas aana hai kahani badalne.. .
Mar 1, 2020
Mar 1, 2020 at 12:25 PM UTC
Main Aur mere roommates
aksar Yeh Baatain Karte Hain
Ghar saaf hota to kaisa hota
Main kitchen saaf karta, tum bathrooom dhote
main hall saaf karta, tum balcony dekhte
Log is baat pe hairaan hote
aur us baat pe haste….
Main aur mere roommates,
aksar Yeh Baatain Karte Hain
Yeh hara bhara sink hai
ya bartanon ki jang chidi hui hai
Yeh colour full kitchen hai
ya masalon se holi kheli hai
Hai farsh ki nayi design
ya doodh, beer se dhuli hui hain
Yeh cellphone hai ya dhakkan,
sleeping bag ya kisika aanchal,
ye airfreshner ka naya flavour hai,
ya trash bag se ati badboo
Yeh pattiyon ki hai sarsarahut
ke heater phirse kharab hua hai
Yeh sonchta hain roommate kab se gum sum -
Ke jab ke usko bhi yeh khabar hai
Ke machar nahi hai, kaheen nahi hai
magar uska dil hai ke kah raha hai
machar yaheen hai, yaheen kaheen hai !
Toand ( pet ) ki ye haalat, meri bhi hai, uski bhi,
dil mein ek tasvir idhar bhi hai, udhar bhi
Karne ko bohot kuch hai magar kab kare hum
Kab tak yoon hi is tarah rahe hum
Dil kahta hai Safeway se koi vaccum cleaner la de
ye Carpet jo jine ko zoonz raha hai, fikwa de
Hum saaf rahe sakte hai, logon ko bata dain,
Haan hum roommates hai – roommates hai – roommates hai
Ab dil main yehi baaaat, idhar bhi hai udhar bhi..
Sab ko bata dain..
Mar 10, 2014
Mar 10, 2014 at 11:38 AM UTC
Udd jayegi ek din chiraiya chhodhkar babul ka ghar,
Basane ek naya aashiyana sabhi ke aankho ko bhar,
Vidai ka hota hai ye kaisi bela,
Kyu hamesha jana padta chhod us kali ko hi akela,
Beegh jati hai mata-pita ki palkein vidai ke pal,
Jab aata us baag me chahchahane wali chidiya ki judai ke pal,
Bahut si yaadein chhoti aankho me sajaye hue,
Ro rhi hai maa pari ko gale lagaye hue,
Papa ki pyari gudiya aaj sazkar sasural chali,
Tham ke hath humsafar ka ek nye dwar chali,
Jahan pali badi wo pyari gudiya chali hai aaj us ghar ko chhod,
Karke suna ek aangan ko pita ki aankhon ko bhar,
Na jaane kyu beti ko janam se hi paraya btaya ,
Aakhir kisne ye riwaz banaya ,
Nikalkar apne **** se ek pita apni jaan ,
Bahut bada dil hai ek pita ka jo kar dete hain kanyadaan ,
Waqt ka kaisa hai ye dastoor
Na jaane kyu ek beti ko jaana hota hai dur ,
Chali hai aaj papa ki gudiya ,
Chhodhkar apne aangan ki nindiya,
Yaadon ki jhadi dil mein basakar chali hai maa ki jaan ,
Chhod ke sabkuch apna Banane ek nayi pehchaan,
Babul ki laadli kab ** gayi badi,
Aayi hai dil ko chhune wali ghadi,
Jis ghar me pali,us ghar ko alwida kaise kahegi,
Maa baba behan bhai bin wo gudiya kaise rahegi,
Vidhata ne ye kaisa niyam hai banaya,
Chhod ghar babul ka,ek naye ghar ko basaya,
Dekh tyad ek bitiya ki us khuda ki bhi *** aankhen bhar,
Udd jayegi ek din chirraiya chhodkar babul ka ghar,
Babul ka ghar.........
Composed by
Sonia Paruthi & Shrivastva MK
Mar 22, 2018
Mar 22, 2018 at 2:23 PM UTC
Jo mere dil mein tu basi hai, (If inside my heart you reside,)
Toh zindagi ki har khushi hai, (Then I have all happiness in life,)
Na jaana – Na jaana jaanam mujhe chhod ke, (Don’t leave me alone,)
Na jaana – Na jaana mera dil tod ke… (Don’t ever break my heart…)
Tum se hi mera hausla hai, (My morale is from you,)
Tum se hi har faisla hai, (From you each of my decisions,)
Tere bagaer zindagi, begaani… (Without you my life is, stranger…)
Tere bagaer zindagi, veerani… (Without you my life is, emptier…)
Tum se hi jaana pyaar kya hai, (I have known love after knowing you,)
Tum se hi nayi zindagi hai, (Knowing you only I have a new life,)
Tere bagaer zindagi, begaani… (Without you my life is, stranger…)
Tere bagaer zindagi, veerani… (Without you my life is, emptier…)
Jo mere dil mein, tu basi hai, (If inside my heart you reside,)
Toh zindagi ki har khushi hai, (Then I have all happiness in life,)
Jo tu nahin toh, kya zindagi hai, (If you aren’t here, what my life is,)
Jo tu nahin toh, kya zindagi hai... (If you aren’t here, what my life is...)
Jul 13, 2016
Jul 13, 2016 at 6:40 AM UTC
Barsat ki Ek raat dil ne dimag se pucha, jo Badal raha wo 'waqt' hai?
waqt to Aaj bhi waisa he hai bachpan me jaisa hota tha wohi savera wahi sham Or baki cheeje tamam
Par tab naa bhigne se lagta tha darr or naa sardi jukam,
or wo pani ki shrarate tamam
Jinki Yaad bhar se aa jati hai hothon pe muskan
par ab aisa kya hua jivan ki iss Dagar me
kahan bhatak gaya in jhuthe rit riwazo me
Kaise jivan ke Arth badalte gaye
Kyo ek funny poem likhne wale
Emotional likhne pe majboor ** gaye
Hawa k jharoko se kashti hilti gayi
waqt k sath mein tau badlta gaya
aur yeh zindagi chalti rahi
pal pal nayi hasratein
har pal naye khwab bunti gayi
aur yeh zindagi chalti gayi
raah mein manzar tau bahut aaye
bulate rahe mujhe mere saaye
mein tau ek pal ko ruk sa gaya
par yeh zindagi chalti gayi
yaadon k saaye mein zinda *** abhi
lagta hai tham sa gay *** mein kahin
par zindagi bewafa sanam si nikli
mein tau ruka reh gaya aur yeh chalti gayi
jindagi har pal apne arth badalti rahi
ham hanste rahe chahhe rote rahe
par woh apni rafataar se bas behati rahi
kabhi ban ke sawal ,kabhi ban ke utar
woh hame har mod per milti rahi
ham tutate rahe, bikharate rahe
fir khud hi gir ke sambhalte rahe
aur jindagi yun hi jalti bhujhati rahi
gum mile kuch is tarah ki gum hi gum na lage
khushiyuon ki baat bhi hame gum ban ke milti rahi
kya kare kisi se shikva, kya kare kisi se shikayat
apne hi jab todate rahe......
toh saans meri har pal ghutati rahi
bas jindagi yuh hi chalti rahi
har pal apne arth badalati rahi
Jun 6, 2018
Jun 6, 2018 at 1:35 PM UTC
jindagi na jane kis mod pe khadi hai,
na rasta dikh raha hai,
na manjil hi dikh rahi hai,
dikhta nahi najara ,
na hi koi aas dikh rahi hai,
hai jindagi tumhari,
ise apna tum bana lo,
jindagi na jane kis mod pe khadi hai......
na tum dikh rahi **
na tumhara aksh dikh raha hai,
besudh hua ja raha hu,
yaad aa rahi hai,
chirag dil ka jala bhi loo to,
ankhen hai nam itni,
k roshni bhi bujh rahi hai,
jindagi na jane kis mod pe khadi hai.....
na sath chootta hai,
na sabra tootata hai,
na aate ** tum kareeb hi,
na doori hi kargar hai,
na yaad teri jaati,
na bandish hi choot pati,
ab aur na rulao,
k aanso b ro rahe hai,
jindagi na jane kis mod pe khadi hai....
tera yakeen bhi hai,
fir b hai dard footta ,
tu hi to rahnuma hai,
tujhme hi alam-ae-tasavvur,
na ji sakunga tum bin,
hai kar diya muqarrar,
mere kareeb aao,
dard badhta hi ja raha hai
jindagi na jane kis mod pe khadi hai.....
ab mujhme fanaa ** jao,
mera vajood tera ,
tera har wakayah hai mera,
tu hi to ishk-ae-rangat,
hai khuda ki tu inayat,
jo likhi hai usne aayat,
tujhme hai rooh meri ,
meri har aarjoo hai tu hi,
bas karo hajoor mere,
meri saanso ko rok lo tum,
sath chootta hi ja raha hai,
jindagi na jane kis mod pe khadi hai.....
ab rah gayi na himmat,
k ji sakun tere bina,
aao kareeb aao mujhko tum bacha lo,
mai ** gaya hu farkat,
kisi aur ki wajh se,
na husn ki hai chahat,
na jism-o-sangmarmar se dillagi hai,
tujhme hai rab mera,
bas tujhko hi chahta hu ,
tujhko hi mangta hu,
rooh se rooh tum mila do,
kuj aur na mangunga,
meri jindagi me aao,,
rag rag me sama jao,
tere bin nahi hai jina,
maut kareeb aa rahi hai,
jindagi na jane kis mod pe khadi hai.....
hai akhiri ibadat,
deedar-ae- rahnuma mai kar loo,
vo usko ek pal k liye chod de,
mai sirf apna bana k bahon me unko bhar loo,
jindagi hui khush,
bas god me aankhen band ** jaye,
saanse bhi ruk jaye,
har pal k liye tere kareeb aa jaun,
bas tujhse lipat jaun,
har pal k liye so jaun,
jindagi na jane kis mod pe khadi hai....
koi shikwa nahi rahega ,
tera kisi ka hona,
kisi aur ki fitrat,
kisi aur ki amanat,
ab himmat nahi hai mujhme,
k tumhe kisi aur ki banau,
chala jaunga mai ek din,
bas shant jindagi me,
ek nayi hi hogi duniya,
bas tum aur mai honge,
na koi aur hi rahega,
na koi hak kisi ka hoga,
bas mujhme bhi tu hoga,
aur tujhme bhi mai rahunga.......
May 12, 2019
May 12, 2019 at 8:09 AM UTC
Ye raste jane hume kis or le jate hai,
Zara sa apnate hai kabhi,
To kabhi begane lagne lag jate h.
Ye tedhe-medhe ulte-sidhe raste,
Kis gali kis nukad par mud jate hai,
Jaha bhi ye mud jate hai wahi se naye mod ban jate hai.
Har mod har dagar par ye naye kisse nayi kahaaniyan sunate hai,
Kabhi haste hai hume to kabhi hume rulate hai,
Kabhi kisi ki zindgi ki shuruat to kabhi kisi ke kahaani ka ant ban jate hai.
Yehi to hai jo hume zindgi ke har naye-purane pahlu se rubaru karwate hai,
Jo ye girate hai to uth kar fir chalne ka sabab bi to hume yehi samjhate hai,
Ye raste hi to hai jo musafiro ko unki manzil ki or le jate hai.
Jo kabhi hote hai naraz to paas bhi ye khud hi bulate hai,
Apno ki ehmiyat kya hai is zindgi me yehi to hume btate hai,
Hai apnate kisko kabhi to kabhi kisiko bhul bhi ye jate hai.
Zindgi hai chalte rahne ka naam ye raste hi to hume yaad dilate hai,
Har pal har ghari kuch naya hume sikhate hai,
Jo milate hai kisise kabhi to kabhi kisiko dur bhi to yehi le jate hai.
Or agar gaur se dekha aur socha jaye to,
Zindgi ke mayine aur is hasin falsafe ka ehsaas waqt be waqt aksar ye raste hi hume karwate hai.
Jun 12, 2020
Jun 12, 2020 at 2:38 PM UTC
1 nayi raah ko chunna chahta hoon,
sabse kuch hatkr kuch naya, kuch alag karna chahta hoon,
Ha tum sahi samjh rhe **
mein udna chahta hoon!!!
Bhut kuch paane ki tadap hai abhi mujhme,
Us tadap ko hmesha zinda rkhna chahta hu,
Haan mein udna chahta hoon..
Apne dil me chupe jazbato ko bayyan karna chahta hu,
Apne hunar or kabiliyat se apni pehchan bnana chahta hu ,
Haan mein udna chahta hoon...
Dusro ko sabit krne ke liye nahi apne liye jeena chahta hu,
Apne hatho ki lakeero me mehnat aur kamyabi ke rang bhar dena chahta ***
Haan mein udna chahta hoon..
Ye alag rasta shyd abhi logo ko samjh nhi aaega,
Kai baar shayd mera mzak bhi bnaya jaega,
Pr fir bhi usi kaam ko puri mehnat, shiddat aur dil ke sath karna chahta hoon,
Haan mein udna chahta hoon..
Aasman ki bulandiyo ko choona chahta hoon
Lakho zindagiyo ke liye 1 misaal Banna chahta hoon...
Haan mein udna chahta hoon
Haan mein udna chahta hoon !!!!
By : Shivam Porwal
Jan 7, 2018
Jan 7, 2018 at 2:14 PM UTC
Maa, kya tj pta h
Tri beti ko yha kse jeena pdta h
Ghrpe tu jse mj jgati thi
To koi b chinta mj na satati thi
Yha tri bht yaad aati h
Pr phr b tri beti khud ko smjhati h
Sone k phle aakho se aasu aa HI jaata h
Kuki yha ka akelapan mj bht satata h
Bht jhoota h ye jha
Aasan ni rhna yha
Hr Mod pe ek nayi chunauti aa jati h
Mgr tu preshan mt **
Tri beti tjhko HI yaad krke sbka saamna kr paati h
Maa ku ni h tre jse sb
Kuki pta ni chlta kon yha dhoka DE jaaye kb
Or papa.. Tumhari pari tumko b bht yad krti h
Jb b tumhari yaad aati h.. Ye aakhe ro pdti h
Me tumko dikhati ni ki akeli hn ME yha
Plz tum mj le jaao na aap sbka saath mil ske jha
Ku wapus ni aa jaate vo din
Jb b tumahri pari preshan hoti thi
Uske saath uske Papa ki himmt hoti thi
Yha to bs roti rh jaati hn
Tumhara intezaar krti rh jaati hn
Koi b mere paas ni aata
Isliye kai baar dil sehem sa h jaata
Bhai.. Tri vo ladai yaad aati h
Jo mj rote wqt b hsa jati h
Or jb Tra, mera US trha dhyan rkhna yaad aata h
Vo hste wqt b mj rula jaata h
Is Hostel ki zindgi ne sbko door kr dia hai
Or Bs hr mode pe akela krke cchod dia hai
Kaash bdi HI na hoti ME
To ab b PAPA ki vhi pari HOTI ME
Maa ki vhi laado hoti ME
Bhai ki vhi shararti bhn hoti ME ..
Jun 22, 2020
Jun 22, 2020 at 11:41 AM UTC
Dard bhi kya sikandar hai.
Is ko na kisi ki fikar, na dar hai.
Jab yeh aata hai toh sab bhula deta hai.
Jo fateh karle toh kya ummeed kya khwahish hai.
Bas dard hi dard hai.
Dard se bachna hai.
Khushiyaan aati hai toh kisi na kisi dar ke saath.
Chhin jaane ka dar,
Nazar lag jaane ka dar,
Zyaada khush ** liye toh phir baad mein rone ka dar.
Lekin dard ko kis cheez ka dar?
Jis ka dar tha jab wohi aakar hum se lipat jaaye,
toh phir kis baat ka dar?
Kitni ajeeb baat hai,
aur yeh kaisa mazedaar rishta hai dard aur khushiyon ka.
Khushiyaan dard ka veham lekar aati hai,
toh dard ki inteha ek dhundla sa daawa khushiyon ka.
Lagta toh har kisi ko yahi hai, ke ab is dard se azaadi na mumkin hai.
Magar dard hi toh azaadi hai.
Yeh khaathma nahin.
Yeh toh khaatme ki shakal mein shuruwaat hai
----- ek nayi khushi ki, ek nayi tumhari.
Sep 11, 2021
Sep 11, 2021 at 7:01 AM UTC
Bari muddaton kay baad tera chehra dekhna naseeb hua
Meray rooh ko jaisay nayi zindagi milgayi
Teri muskarahat ko dekha
Teri dil ki aahat ko suna
Toh aisa laga kay baray dino baad meray aankhon aur kaano ka sahi maino may istimaal hua hai
(Urdu and Hindi)
English Translation
After a long time i got to see your face
My soul it seems has got a new lease of life now
When i saw your smile
When i heard the sound of your heart
It seemed that after many days i used my eyes and ears in the proper and true sense
May 30, 2016
May 30, 2016 at 11:21 PM UTC
Kitni azeeb hai ye Duniya kitne ajeeb log,
Koi kisi ko dara rha, kuchh sahme sahme se log,
Bada muskil hai esko samjhna,
Yaha palbhal me baldate hai log,
Humne bhi socha tha Ki jawane ko badalenge hum,
Ek nayi soch ke sath ek hokar chalenge hum,
Par ye dekh kar dil tut gya Jab ek hi dali ke chaar phoolon ne kaha,
Nahi hum khilenge,aur nahi ek dusre se milenge hum,
Roh deti hai kalam bhi likhkar dard jawane ka,
Kuda-Kachra nadiyon me kya haal bna diya Bharat ke khazane ka,
Roti ke liye tadapte sadak par log,
Aur yahan pariyojna chalai ja rhi desh ko smart banane ka,
Gareeb ko roti kapda aur makan chahiye,
Kisano ko es desh me apni ek pahchan chahiye,
Sabhi ko samjhe ek barabar,
Aisa deshbhakt insaan chahiye,
Aisa deshbhakt insaan chahiye....
Jun 11, 2017
Jun 11, 2017 at 4:21 AM UTC
Aaj pyari si ek pari
Mere ghar aayi ...
Aaj nanni si ek kali
Mere ghar aayi...
Uski khushboo se mehka hai...
Yeh ghar humara
Beshumaar khushiyan
Mere ghar aayi...
Uski ankhon se roshan
Hai har ek kona
Lauhe mishkaat banke jo
Mere ghar aayi...
Humne jiske liye ki
Badi mannatein thi
Woh ek dua e maghbool
Mere ghar aayi...
Uska chehra bhula de
Saare ghamon ko
Yeh ek aisi basharat
Mere ghar aayi...
Uski pyari tabassum
Zakhmon ka malham
Ek nayi zindagi
Mere ghar aayi...
Usko dekhun to aankhon ko
Thandak aa jaye
Hai jo Allah ki "Neama"…
Mere ghar aayi...
Jaise dasht o sehra mein
Rahat de waha
Waisa taskeen e qalb woh
Mere ghar aayi....
Tere daaman mein aalam ki
Saari ** khushiyan
Mere dil ki tammanna
Mere ghar aayi....
** yeh tera muqaddar
Suraj sa roshan
Banke chanda si murat tu
Mere ghar aayi...
Ae khuda tera sajda e
Shukr bajaon
Teri rehmat se beti
Mere ghar aayi...
Jaise Allah ne jholi "Ain"
Teri hai bhar di
Sab ko hasil ** daulat jo
Mere ghar aayi....
Sep 9, 2020
Sep 9, 2020 at 6:46 AM UTC
Ab Teri nazron me
Mein firta raha
Yunhi zulfon se khelta raha
Kabhi Teri narazgi
Kabhi ishq e aashiqui
Yunhi waqt e haqeeqat me dhoondta
Dil se dur
Dil ke kareeb
Kaisa yeh pyaar hai...
Gazab sa ajab sa ishq hai
Khawaab e kaabil ghumne chala
Manchala mein
Manchali woh
Dono Milo dur
Waqt ko waqt banate hue
Bewaqt ek wajah se bhagte hue...
Nayi raag me
raah e jindagi banate hue
...
Feb 11, 2018
Feb 11, 2018 at 5:16 AM UTC
Kuch baatein yuhi kahi to nahi jaati,
kai baatein aankhe bhi bayaa nahi kar paati
Kisi rail ki thar-tharahat mein shayad hai woh baat
Ya hai kisi pool ke sannatein mein...
Yeh jo kaath le taalein hain, apne lafzon par kyun daale hain
Ek ajeeb si narazgi sabhi ne paale hain!
Kabhi khil-khilati thi mere honthon ki hasi,
Aaj aalam hai ki murjhaye phool bhi humse sayaane hain...
Dil ki baatein dil ko hi satati hai,
Aa jayen agar lafzon tak toh apno ko rulati hain...
Zindagi badi ruhaani hai, harr mod ek nayi kahani hai,
Kuch baatein yunhi sunani hain
Kai baatein aankhon se samjhani hai...
Mar 12, 2018
Mar 12, 2018 at 10:18 AM UTC
Khushi Ka ek Naya daurr sa shuru hua tha....
Jo shayad mukammal hone se pehele hi khatm hone ki raah chun chuka tha!!!
Ye Zindagi hi badi ajeeb hai....
Shayad ise jeene k liye Chahiye ek behtar naseeb hai!!!!
Or naseeb k to kya hi kehne..
Hamari Zindagi mein to Hain sirf dukh - dardd na hi Khushi k khoobsurat gehne !!!
Sochte Hain ki ab nayi Zindagi ki shuruwaat kr hi lein....
Lekin hum kya jaanein ki Safar mein to iske Bhi khoonkhaar kaante biche Hain!!!
Lekin kab tk jakde rakhenge khud ko in darr ki bediyon mein ...
Sochte Hain ki ab jee hi lein in khubsurat Himachal ki vaadiyon mein!!
Shayad sb is baat se anjaan Hain ki hum Bhi Kabhi Kuch likhne ki himaakat kr lete Hain.....
Chalo Acha hi h, jee Lene dete Hain unhe is bhram mein ki hum har cheez mein nakkamyab rehte Hain!!!
@HeartlyxPoems
May 30, 2020
May 30, 2020 at 2:43 AM UTC
Haa ki galti maine
nahi samjha pyaar tera,
ek baar bol deta
to kya mai samajh nahi paati..,
** *** tujhse door
is dhang me,
rang *** puri tarah,
kisi or k rang me..,
haa ki galti maine
nahi samjha pyaar tera..
par tu bhi chala gaya
chala gaya chup chaap
ek baar pukaar k to dekhta
kya mai nahi aati tere sang me
ha ki galti maine
nahi samjha pyaar tera..,
par tu bhi nikal pada
nikal pada nayi duniya banane
hua mujhse yu door
ki laga kisi or ko manane
tu khush tha apni zindgi me
mai bhi gum thi apni zindgi me
par ab pta chala
daur to wo hi achha tha
jab mere hatho me tera haath tha
tere labon pe mera naam tha
CHARU KASHYAP..., kabhi kisi ne kaha hai
ki tumhari aankhe bohot khoobsurat hai...,
haa wahi.., wahi baat or wahi naam
aisa laga hi nahi kabhi
ki hai hum alag
bss waqt guzarta gaya
or duriyan badhti ***
kyu ki galti maine
jo nahi samjha pyaar tera...
Apr 27, 2021
Apr 27, 2021 at 3:29 PM UTC
Purane rishton ko bhulake
Naye Rishtey banane hum chale.
Aansoowon ke bahaar leke
Khoyi huwi muskurahat dhoone hum chale.
Kismat ka maara fira,
Aapno ka saath chuta,
Dil toh toota huwa hai humara...
Phir bhi,
Umeed ki roshani liye
Ek nayi zindagi
Phir se jeene hum chale....
Dec 21, 2018
Dec 21, 2018 at 12:21 PM UTC
Apne paraye hum bhul ke aaye
Naseeb se aankhein pherte hue
Jaan ke anjaan hote hue...
Khud se hi dur hote hue...
Ek nayi raah me doobe
par Dard e pagalpan me khud Ko
Tabaah kya khud Ko...
Bin piye maikhane me behek Gaye
Dooriyaan hue
Ankhon me boond
Wajah e tanhai
Dur dur tak phirte ...
Ghootan si bebasi
Jaise ki waqt
Shayad bahot Kam **
Aur..
Paani me behti
Bahot si
Bewaqt ki sachi kahaniyaan
...
Feb 18, 2018
Feb 18, 2018 at 5:04 AM UTC
Aaj azadi ka din h,
Karo apni soch ko bhi aazad,
Agar beet jaye ye din bhi,
To raho apni nayi soch ke saath.
Aug 15, 2020
Aug 15, 2020 at 2:11 AM UTC
Tum bolo toh neend le lo meri...
Ya phir...jagta rahu...ek nayi raah ko band khirkiyo se...
Ek tarfa...hi jeeta chala jau...
E dil e naadan...
Mujhe kya hua hai...?
Kya mujhe pyaar ka bhoot to nahi ** gaya hai?
Aur bhoot ki tarah...
Lamhe lamhe...
Boond boond...
Beparwah... awarapan...
Ek awaaz...ishq ki jheelon me
Ghumta ghumta
Chand ki taraf...dekhta dekhta...
Aur hawaaon se khirki tod di ...
Tum paas aayi
Thoda Pagal mein...
Thodi pagal tum
Aur dono chale...
Pagalpan me...
Masti ki kasti me
...meelon dur...
Raat ki neend aankhon me liye
Aur raaste pyaar ke banate hue...
Anjaan se jaan bante hue...
Aur phir aur...
Mar 21, 2018
Mar 21, 2018 at 3:53 PM UTC
Naye Dashak ki shuruat thi
Ek hichak mere sath thi
Kuch acha hone wala hai
Ek sapna sach krwana hai
Nayi ye shuruat hai
Thame sab mera hath hai..
Par kuch or hi ghatne wala hai
Saya ek kala ana hai
Na khabar mujhe na duniya ko
Ab sb kuch thamne wala hai...
Tum rok lo Isko hone se
Tum rok lo khud ko khone se..
Parlay ka alam ban gya re
Tufan ghanna ye chaaya re...
Insaan kaide mein band hoga
Panchi khuli hawao mein
Anjana sa dar hoga
Bekhauf khuli in raahon mein...
Prakriti fir naya rang legi
Dukh apne sab har legi
Jo jakham die insano ne
Ab kalam nahi un hatho mein
Prakriti ka lekh nirala hai
Naya khel wo rachne wala hai..!!
Jun 10, 2020
Jun 10, 2020 at 8:19 AM UTC
Nazar e muskurahat
Pyar ki raah
Nayi Manzil liye
Sapno ko duniya...se dur
Haqeeqat Ko aazmata Dil e dil
...
Dec 30, 2017
Dec 30, 2017 at 11:55 AM UTC