gusto kong masaktan ulit
hindi ito yung tipong hiling ng nakararami pero
gusto kong masaktan ulit

gusto ko yung sakit na talagang mararamdaman ko
mula ulo hanggang sa dulo ng mga paa ko

gusto ko yung masakit talaga
na tagos sa buto at kaluluwa
yun bang sa sobrang sakit, aayaw ka na
pero hindi ka susuko dahil gusto mo pa

gusto mo pa kahit nanghinina ka na
gusto mo pa kahit alam **** mali na
gusto mo pa kahit sabihin nilang ikaw ay tanga

pero hindi mo pipigilan pa
na makadama ng sakit hanggang sa huling hininga

gusto mo pa

kahit ang sakit sakit na

hindi alintana kung sugatan at duguan
ang mahalaga ay mayroon kang nararamdaman

kahit masakit...

masarap...

ang sarap sarap

dahil sa kabila ng lahat ng sakit at sakripisyo
alam **** ikaw itong nagmahal ng totoo

hindi ka naman maaapektuhan ng lubusan
kung hindi tunay ang iyong naramdaman

kaya gusto kong masaktan ulit ng todo
sa pamamagitan nito, alam kong nabubuhay pa ako

gusto kong masakatan ulit ng todo
dahil gusto kong magmahal muli ng totoo

alas tres ng umaga
gising at dilat parin ang mga mata
makakatulog paba?
ngunit paano nga ba?

hindi pinapatulog ng lungkot
ang puso't isip na nagbubuo ng takot,
pagiisip na kung saan-saan umaabot

parang awa mo na
patulugin na
pagkat pagod ng tumangis ang mga mata
at pagod ng masakatan ang puso pagkat naghihina
kaya parang awa mo na...tama na

tama na...tama na ang bigat na aking nadarama
kase hindi ko alam kung kakayanin pa ba
pagpahingahin mo na,
nais ko lang huminga kaya please awat na.