"mabalik" poems
Huna ko ba nga may ada mo iyayakan?
Ano man nga bagat na dire ka nga akon iton masabtan?
Waray ka na gad pag-tapod ha akon?
Pirmi naman la masulub-on iton imo bayhon.
Kumusta ka na? Bangin amo la gihap
An aton kahimtang sugad hin lasaw nga dire mo matarap
Kay kuno nalikay ka na ha akon
Ano ba itun basehan nga imo man ako pagbabasulon?
Mamingaw naman an mga gab-i nga marisaw
Napuno na hin kahagkot, kasakit ngan kahidlaw
Hain na an mga pahaliday nga imo ginhatag
Adton gugma nga waray mo ginsandag.
Madagmit man gud la an karida han panahon
Nga ha akon paghimangno dire ka na ngay-an akon
Aadto ka na man liwat ha iba
Aadto ka kay durudamo man it iya kwarta.
Waray ko na kababatii an imo tingog
Asya nga an akon adlaw pirmi nala maluntog
Pero aadi la gihapon ha akon huna-huna inin pakiana
Paglaom nga usa ka adlaw mabalik ka pa.
- Caryl
Aug 14, 2021
Aug 14, 2021 at 8:22 AM UTC
Tara aton tan-awon
Balikon an nawara nga hinumduman naton
Updi ako paglingi, pag-duaw bisan la maguti
Tagi ako hin oras, alayon la pamati.
Tara aton balikon
Mga panahon na hi ikaw akon
Nga hi ikaw pa an akon kalibutan
Kalibutan nga yana imo na ginkalimtan.
Tara updi ako
Ngadton takna nga dire pa uso an tawo
Balitaw intrimis la tatawa-tawa gad usahay
Ayaw pagkawanga an oras, inin higayon nga maupay.
Babahinan ko unta ikaw hine nga aton anay storya
Ugaring kay na dire ka ada nga ine mabalik pa
An aton paglakaton in imo gintuldukan
Dalan nga anay ginsubay, yana waray na hingaradtuan.
Tara, dire ka gud ba maupod?
Bisan la ha urhi nga takna ig-bayaw an imo pagtapod
Tuguti ako nga ha imo akon igsumat
Inin sininsilyo ngan tinalagudti nga pag-aghat.
8.18.20
Aug 17, 2022
Aug 17, 2022 at 12:23 PM UTC
ikaw pa rin pala
ang pinagdadasal kay bathala
kapag gising na ang mga tala
sa dilim ng gabi
sa sulok na tahimik
bawat hibik
ngalan mo ang sabi
hindi ko hinihiling
na muling mabalik
tanging nais
tagumpay mo't mga ngiti
kaya't ngayong gabi
nakatingin sa buwang gising
na nag-iisang saksi
isang munting dalangin
para sa minamahal pa rin
Jul 23, 2018
Jul 23, 2018 at 12:46 PM UTC
Paulit-ulit na sana baga
Daí ko na kaya, An sarò pang aldaw
Na madangog an kurahaw kan mga kalag
An mahiling an lalawgon kan mga nabayaan
Gurano an hustisya?
Kan mga demonyong dinadaya an ebidensya
Tàno madalion lang para sainda
An kapotan an buhay kan iba
Ta iyo ito an gusto kan diyos-diyosan ninda
Dai kamo makampante
Maabot an aldaw na mabalik saindo
An kulog buot na tinao
Mauran nin hibi
Asin kakakanon kan daga an hawak nindo
Ma-untol pabalik gabos na maraot na gawi
Sisingilon kan kasaysayan
An utang na mayong balak bayaran
—𝐔𝐧𝐭𝐨𝐥, a Bikol poetry
Aug 21, 2020
Aug 21, 2020 at 11:54 AM UTC
Gatuo siguro ka na akoy alkansi kay akoy naibog, akoy nihigugma, akoy nafall,
Og makaingon ang katawhan na “he is a fool after all.”
“Drop drop drop” ana si karencitta,
Ni suyaw kog drop pero akoy nafall, boshet ka.
Akoy alkansi kay ako ray nihgugma?
Or basin kay kanako walay nihigugma?
Basin wala mo nasayud na mutuo kog karma.
Na kung gugma mahikaplag, ako kay daghag drama.
Sus paita, paitas gugma na di mabalik,
Pero may nlng kaysas gugma na puro atik.
Kapoya naba aning kahimtang na langsi,
Pero sa tinudanay akoy nihigugma, akoy nihatag, akoy nalipay asa ko na alkansi?
Jul 9, 2018
Jul 9, 2018 at 9:22 PM UTC
mabalik ka pa ba?
sumati la'k dayon
kay bis inin kasing-kasing
waray na ba iiliwon.
🥀
Jul 8, 2024
Jul 8, 2024 at 9:26 AM UTC
Kumusta ka na? Maiha na gihapon tikang kita in nagkita
Nagkahimangraw ngan nagka ada hin halarom nga istorya
Diri ngani ako maaram kon nahinumdom ka pa ha akon
Dara na ada gihapon han kapaspas han panahon.
Kon ikaw man akon igkatapo
Diri ako maaram kon an pag asi ha akon imo pa ba mahimo
O kon an akon ngaran man in sumangko ha imo huna huna
Alayon nala pagsiplat bisan man in kadali la.
Kay intawon ine nga imo 'sangkay' nagpipinamulat na ha imo
Nalilisang, ngan nababaraka na hin duro
Ngan kon mahimo ha imo pag abot aton unta balikon
Mga hinumduman nga matam-is ug mag upay nga sagdon.
Unta maupay yana it imo kabutangan
Unta waray ka kabido nga gin aawilan
Unta malipayon ka la gihapon
Parehas han una nga kita in magka abuyon.
Ngan kon ine man nga siday in mahidangat ha imo
Hinumdumi nga an akon pagkita ha imo in waray mag bag o
Aadi ka la gihapon, nagpupuyo ha akon huna huna
Samtang naglalaom nga mabalik ka pa.
May 5, 2024
May 5, 2024 at 8:48 AM UTC
Akos ba suklon han akon rapadapa
An distansya nga nagpabutnga ha aton nga duha?
Akos ba balasahon han akon mga kamot
Adton baraha han oras nga makuri maabot?
Tatagan ko ba hin higayon
Hin gutiay nga tiyansa it akon kalugaringon?
Nga kalimtan an kamatuoran
Nga di ka na mabalik bisan san-o pa man.
Tatagan ko ba hin higayon
Iton akon kalugaringon?
Nga tumuod kon ano'n may-ada haat nga duha
Ngan maglaom nga ha urhi may-ada pa "kita".
Pero kay tinagan ko na liwat hin higayon
An akon kalugaringon nga dire na lanaton
An naglabay nga makuri madakpan
Ngan an rason nga makuri hibilngan.
Pupruybahan ko pagbalik, uutrohon ko pagtaya
Iilubon an kasakit mahibalik ka la
Kay bangin la ha urhi nga takna, ha pugtot hit panahon
An ak' ginhalaran hin gugma bumalik ha akon.
May 5, 2024
May 5, 2024 at 8:42 AM UTC