"koi" poems
Zindagi ne, is kaddar, kiya hai, bas vaar
Bina koi, churee, ya koi, talwaar
Ghaayal; dil ye hua, baar, baar
Zindagi ne, di, chotain hazaar
Gaye thay, hum, is tarah se, bikhar
jooda na, paye thay phirse ye jigar
khaamoshi se, milta tha, bas, karaar
tanhayeeon se , karte thay, iqraar
Jhanke, hum jab, dil ke, jo andar
Sach nikala, gehrayion se, baahar
Shikayat hai, ab na, koi takraar
karne lage hai, hum, khudse jo pyaar!
Translation in English
Self Love
Life has waged on me many a war
Without even a sword or a dagger so far
The heart was wounded time and again
Life hurt and caused me so much pain
My life was but thrown helter skelter
I could not piece my heart together
Silence was but my solace
Solitude was my only grace
When I dug deep within me
The truth I could clearly see
I have no grievances or complaints now
Having realized the importance of self-love
Jun 18, 2014
Jun 18, 2014 at 2:28 AM UTC
Yun chala main in raston pe,
Bhool gaya *** khud ko.
Saathi kaun thay mere yaad nahi ab toh
Bas koi dikhta hain door khada,
halkisi muskaan lekar
Aur nahi samjha kyun,
main bhi muskaya aise bina wajah
Par lagta hain ab aise ke,
Shayad wo teri yaad hain
Khoya main apne mein kuch aisa,
Yaaron ka nahi hain pata
Ghar se hoon itna door,
ke ab woh bhi nahi yaad ata
Woh gaana sunta jab,
gungunta use awaaron jaisa tab
Aur nahi samjha main,
kyun gungunaya aisa bin matlab
Par lagta hain ab aise ke,
Shayad woh teri yaad hain
Juda hunye hain hum,
milte nahi hain ab hum
Din guzre,
beete hain ab saal
Zindagi mein main apne khoya, tu apne
Par phir bhi lagta,
shaayad hum milte toh hoti duniya alag
Hoti Manzil ek aur raaste ek,
Aur hota ek saathi,jise karta nahi main sirf yaadon mein quaid
Sep 4, 2014
Sep 4, 2014 at 10:58 AM UTC
Iss eid pe tujh ko main kya bhejoon,
koi jugnuu,
koi taara,
koi sapnaa bhejoon ?
Koi phool bhejoon ad’khilaa se,
koi umeed,
koi aas,
koi nazaara bhejoon ?
Chaand bhejoon tujhe is eid pr
ik khushbuu,
ik rang ka istaara bhejoon ?
Aye mere dost !
roshni ki rang ki muskaan bhejoon ?
ya apni likhi koi shayari bhejoon ?
Apni aankh ka koi moti teri nazar karoon,
Ya hathon se maangi koi dua bhejoon ?
Phoolon se koi titlii ki mohabbat bhejoon,
kisi bhanwre ki lagan,
us ka tarrana bhejoon !
Kisi shamma ka jalta hua daaman bhejoon,
Ya baarish ki hasti hui boondain bhejoon ?
Mere hathon main ik aas, umeed aur dua hai,
iss eid pe main tujh ko bass itna keh doon,
ke tum jo chaho
Woh sitaara mil jaye,
Tujh ko iss eid pe
Koi tumhara mil jaye..
Jul 17, 2015
Jul 17, 2015 at 3:37 PM UTC
woh zindagi bhi kya zindagi hogi
jisme zindagi hi naa **
koi gam nhi
aur koi shikva bhi naa **
Teri yaad bhi naa **
naa tera koi zikra **
woh zindagi bhi kya zindagi hogi
jaha koi alfaaz hi naa **
naa tujhe paane ki koi chaah
aur naa hi tujhe khone ka koi dard **
woh zindagi bhi kya zindagi hogi
jaha mai naa rahu aur tu bhi naa **
naa koi dikhavti hasi
aur koi aasu bhi naa **
woh zindagi bhi kya zindagi hogi
jaha seeney ki dhadkan sirf dhadke
aur dimaag sirf apna kaam kare
koi khwaahish hi naa **
koi aarzoo bhi naa **
yeh saasein toh chale
bas koi zindagi hi naa **
woh zindagi bhi kya zindagi hogi...
woh zindagi bhi kya zindagi hogi...
jaha main naa rahu aur tum bhi naa **
yeh **** toh rahe
par koi aatma naa **
yeh saasein toh chale
bas koi zindagi hi naa **
woh zindagi bhi kya zindagi hogi...
jaha main naa rahu aur tum bhi naa **
Nov 30, 2015
Nov 30, 2015 at 1:33 AM UTC
Maa ki mamta ko dekh maut v
aage se hat jati hai
gar maa apmanit hoti
dharti ki chaati fat jaati hai
ghar ko pura jeevan dekar
bechari maa kya pati hai
rukha sukha kha leti hai
paani *** kar soo jati hai
Jo maa jaisi devi ghar ke
mandir me nahi rakh sakte hai
wo lakho punya bhale kar le
inshan nahi ban sakte hai
maa jisko v jal de-de
wo paudha sandal ban jata hai
maa ke charno ko chukar paani
Gangajal ban jata hai
Maa ke anchal ne yugo-yugo se
Bhagwano ko pala hai
maa ke charno me jannat hai
Girijaghar aur Shivala hai
Himgiri jaisi unchai hai
sagar jaisi gahrai hai
dunia me jitni khushboo hai
maa ke anchal se aaye hai
Maa kabira ki sakhi hai
maa tulsi ki chaupai hai
meerabai ki padawali
khusru ki amar rubai hai
maa angan ki tulsi jaisi
pawan bargad ki chaya hai
maa ved richao ki garima
maa mahakavya ki maya hai
Maa maansarovar mamta ka
maa gomukh ki unchai hai
maa parivaro ka sangam hai
maa rishto ki gahrai hai
maa hari dubh hai dharti ki
maa keshar wali kyari hai
maa ki upma kewal maa hai
maa har ghar ki phulwari hai
Saato sur nartan karte jab
koi maa lori gaati hai
maa jis roti ko chu leti hai
wo prasad ban jati hai
maa hasti hai to dharti ka
jarra-jarra muskata hai
dekho to dur kshtiz ambar
dharti ko sheesh jhukata hai
Mana mere ghar ki deewaro me
chanda si murat hai
par mere man ke mandir me
bas kewal maa ki murat hai
maa saraswati lakshmi durga
ansuya mariyam sita hai
maa pawanta me ramcharit
manas me bhagwat geeta hai
Amma teri har baat mujhe
vardaan se badhkar lagti hai
he Maa teri surat mujhko
bhagwan se badhkar lagti hai
saare teerath ke punya jaha
mai un charno me leta hu
jinke koi santan nahi
mai un maawo ka beta hu
Har ghar me Maa ki puja **
Aisa sankalp uthata hu
Mai dunia ki har maa ke
Charno me ye sheesh jhukata hu.....
Aug 6, 2015
Aug 6, 2015 at 3:35 AM UTC
aga hai josh
jagi kismat nayi
apne hi hatthon se likhunga kismat abhi
bhale hi paise se fakeer
par paise se gareebh nhi
hai hathon mai dum tere
toh uth!!
kyonki
bhagwan hai tera zameer
teri kismat nahi!!
namumkin naam ki aisi yahan koi cheez nhi
milegi manzil
chahe karibh nhi
agar hui teri haar
toh maanle ye baat banda tu hi hai iska zimmedar
koi aur nhi
jo kuch chahega tu
wo bhi paa jayega tu
kr khud pe yakeen jeet jayega tu
haan jeet jayega tu
Jun 1, 2014
Jun 1, 2014 at 1:14 PM UTC
Ye hawayen kis or le jayengi mujhe,
Kab tak tere ishq me tadpayegi mujhe,
Na koi manzil na koi thikana raha mera ab,
etna dard dekar, Kab aur kis mor pe tumse milayegi mujhe,
Rukh tere pyar ka begana ** gya,
nahi bhul sakta tujhe main kabhi bhi,
Kyoki Tujhpar mera dil bhi deewana ** gya,
Teri yaadon ne mujhe etna dard diya ki,
Ab mere har lavj shayarana ** gya,
Nahi dekh sakta main tera ye udas chehra
Kyoki tumhari khushi hi meri muskan,
Lag jaye tujhe ye meri sari umar
Kyoki tum hi mere sapne aur tum hi mera jahan,
Kyon ruth gya ye pal mujhse,
Rone laga ye dil bhi jabse pyar hua hai tumse,
Jun 25, 2015
Jun 25, 2015 at 2:11 AM UTC
---
in
the
crystal
water bubbles
reflecting there are
golden koi
in
the
mossy
depth of feathers
ancient moonlight
is the buoy
around the
blue-grey stone's
alignment
sand is raked
in perfect poise
every
leaf
has its
assignment
crickets make
a creaking noise
---
there
within the
island garden
small and jewel-like
in the grove
amidst
kimono and the obi
there's a peace
the Nippon know
muted colors
placid faces
the paper lanterns
sway and glow
the lords and ladies
sit for hours
where
the
lotus
flowers
grow
Mar 22, 2015
Mar 22, 2015 at 9:00 PM UTC
Meri aankho ka tara hi , mujhe aankhe dikhata hai
Jise har ek khushi de di , wo har gam se milata hai
Jubaa se kuch kahu , kaise kahu , kisse kahu maa hu
Sikhaya bolna jisko , wo chup rahna sikhata hai ||
Sula kar soti thi jisko
Wo ab shab bhar jagata hai
Sunai loria jisko , wo ab taane sunata hai ||
Sikhane me usse kya kuch kami meri rahi sochu
Jise ginti sikhayi galtiya meri ginata hai ||
Tu gahri chao hai gar zindgi ek dhoop hai Amma
Dhara pr kab kaha tujh sa koi swaroop hai Amma
Agar ishwar kahi par hai usse dekha kaha kisne
Dhaa par tu hi ishwar ka koi roop hai Amma ||
Naa ucchai sacchi hai naa ye aadhar saccha hai
Maa koi cheej sacchi hai naa ye sansaar saccha hai
Magar dharti se ambar tak yugo se log kahte hai
Agar saccha hai kuch jag me to Maa ka pyar saccha hai ||
Jara saa der hone par sabhi se puchti Amma
Palak jhapke bina darwaja ghar ka taakti Amma
Har ek aahat par uska chouk padna fir duaa dena
Mere ghar laut aane tak barabar jaagati Amma ||
**|| Puchta hai Koi Dunia me Mohabbat hai kaha
Muskura deta hu mai or yaad aa jati hai Maa ||**
Sulane ke lie mujhko to khud jaagi rahi amma
Sirrhane der tak aksar meri baithi rahi amma
Mere sapno me pariya phul titli bhi tabhi tak the
Mujhe aanchal me apne le ke jab leti rahi amma ||
Badi choti rakam se ghar chalana jaanti thi maa
Kami thi par badi khusiya lutana jaanti thi maa
Mai khushhaali me bhi rishto me bas duri bana paya
Garibi me bhi har rishta nibhana jaanti thi maa
Laga bachpan me yu andhera hi mukaddar hai
Magar maa hausala dekar yu boli tumko kya dar hai
Koi aage niklne ke lie rashta nahi dega
Mere baccho badho aage tumhare saath hai amma
Kisi ke jakhm ye dunia to ab silti nahi amma
Kali dil me ab to preet ki khilti nahi amma
Mai apanapan hi akshar dhundta rahta hu rishto me
Teri nischal si mamta to kahi milti nahi amma
Gamo ki bheed me jisne hume hasna sikhaya tha
Wo jiske dam se tufanoo ne apna sar jhukaya tha
Kisi v julm ke aage kabhi jhukna nahi bete
Sitam ki ummr choti hai mujhe maa ne sikhaya tha || ||
Feb 17, 2017
Feb 17, 2017 at 12:39 AM UTC
manzil humari hume pata nahi
phir bhi chale ja rahe hai,kisi raah pe
ajnabee kaun,kaun humsafar hai
bhulte ja rahe hai is rah pe
akele the akele hai
akele hi chale ja rahe hai is raah pe
kaha kisine kiya humne
manzil mili nahi is raah pe
manzil na sahi, koi thikana to **
jaha ruk kr samye bita sake is raah pe
kathin hai pana is manzil ko mana
par sabbra hi to hum kho rahe hai is raah pe
chale ja rahe hai, chale ja rahe hai
hum is ajnabee si raah pe
dikhai di hume manzil humari
chalte chalte is raah pe
jab pahuche hum us manzil pe
dikhai di ek aur raah is raah pe.........
Jan 14, 2012
Jan 14, 2012 at 11:49 AM UTC
Mujhe wo aksar kehta tha
Muhabat kuch nhi hoti
Hijar ka khauf be matlab
Wasl k khwab bemani
... Nighaoon main koi soorat
Kahan din rat rehti hai
Usy q khamoshi kahain
K jis main bat rehti hai
Wo ankhain kaisi hoti hain?
Jahan barsat rehti hai
Yeh ansu bezaban ansu
Bhala kya bol saktay hain
Or uski narm palko pe nami
Din rat rehti hai
Mujhe wo aksar kehta tha
Mohabbat kuch nahi hoti
Magar jab aj barson bad
Main ne usko dekha hai
K uski jheel ankho main
Hijar ka khof rehta hai
Wasl k khwab rehtay hain
Wahan barsat rehti hai
Yun lagta hai k barson se
Wo soya v nahi shayad
Yun lagta hai kisi ki yada barson se
Usy din rat rehti hai
Or uski narm palkon pe
Haseen saay be geelay hain
Or uski khamoshi aisi k
Jis main bat rehti hai
Mujhe ab wo nahee kehta
Muhabat kch nahee hoti.
Jan 20, 2016
Jan 20, 2016 at 3:38 PM UTC
Kagaz ki kashtiyon mein kai bar safar kar liya,
ab ek lambi udan bhar lene do.
Aj in bandhe hue pankhon ko khuli hava mein sans le lene do,
kyunki ab girne ka khauff nahin raha.
Daudne mein ab koi maza nahin hai,
kyunki yahan to hava jaise tham si gayi **
Ab rukne ka bilkul man nahin raha,
aj to toofanon mein sair karne lene do.
Dayron mein rehte hue adhi zindagi guzar gayi,
aj to un hadon ko par kar lene do.
Dar dar ke kab tak khamosh rahoge dost,
zameen par jeet jane mein kuch nahin rakha ,
aj to uchaiyon par jashn mana lene do.
Unke chale hue raston ko kai bar nap liya,
aj mujhe bhi apni pehchan bana lene do.
Kismat ka rona to sabhi rote hain,
aj mujhe bhi apne naseeb ka kora kagaz rang lene do.
Kabhi kabhi to man karta hai ki
un azad parindon ki tarah hava mein bas tairta hi reh jaoon.
Asan to kuch nahin par sochta *** ki
aj namumkin ko hi apna dost bana loon.
Kitabon ke panne kafi palat liye,
aj mujhe bhi do shabd likh lene do.
Hans lene do jinhe hansna hai mere in mazboot iradon par.
Kya samjhenege who is khuli udan ki masti ko,
jinhe kabhi bharosa nahin hua khud par,
aur hamesha rakha tha apne armanon ko pinjre mein kaid kar.
Khule asman mein aj ek bar ud lene do,
kya pata kal wahan bhi zaroorat se jyada bheed **
Kai dinon ke bad aj ek bar fir azad hone ka man kiya hai
Tod do in bediyon ko, kyunki aj ek lambi udaan bharne ka iraada hai
Mar 23, 2011
Mar 23, 2011 at 9:20 AM UTC
Kash tum meri zindagi me aae hi na hote,
To shayad aaj ye akelapan mujhe mehsus hi na hota.....
Mai akeli thi aur akelapan meri aadat ban chuki thi,
Zindagi se koi ummeed bhi ni thi mujhe...
Par jab tumne mera saath dene ka wada kiya,
Man hi man mujhe apni zindagi se lagaav sa ** gya...
Jine lagi thi mai,
Zindagi se ummeedein rakhne lagi thi mai...
Jo barish ki bunde mujhe kaaton ki tarah chubhti thi,
Jiski awaaj mujhme ek bechaini si paida karti thi...
Wo barish ki bunde mujhpe ab phulon ki tarah barasne lgi thi,
Uski awaaj me mai saat suro ko mehsus krne lgi thi.....
Kash tum meri zindagi me aae hi na hote,
To is akelepan se koi shikayat hi na hoti....
Kash tm meri zindagi me aae hi na hote to is akelepan se koi ummeed hi na hoti..
Kash tum meri zindagi me aae hi na hote...
Kash tum meri zindagi me aae hi na hote.....!!!!!!!
Mar 18, 2015
Mar 18, 2015 at 7:15 AM UTC
Dar lagne laga hai mujhe ab har khawab se
Ki kahin chhut na jaye tera sath,
Kab aayengi laut ke wo khubsurat pal Jab pakad ke chalenge hum ek dusare ka hath,
Na aane denge gum kabhi tere jeevan me
Bna denge tere har dard ko khushiyo ki raat,
Koi nahin mere zindagi me siwaye tere bina
Jaan lo tum,
Ye dil dharakta hai to sirf tumhare liye
Ese maan lo tum,
chhodenge na sath tumhara saton-janam o humsafar
Kyoki meri pahchan ** tum,
Kyun nahi Kah deti ik bar mujhse ki
Sirf tere hain hum,
sirf tere hain hum .....
Kash! tum hoti mere samne
Karte ek dusare se baat,
Har pal rahta hai mere aankhon ko
teri hi talash,
Bujhake pyaas mere dil ki
pakad lo mera hath,
varshon se baithe hain hum esi intezar me ki
Kab milega mujhe tere sath
ye tera sath
Jul 12, 2015
Jul 12, 2015 at 10:44 AM UTC
Kanyadaan hua jab pura, Aaya samay vidayi ka
Hashi khushi sab kaam hua tha, Saari rashmm adaai ka
Beti ke uss kaatar swar ne , Baabul ko jhakjhor dia
Puch rahi thi papa tumne, Kya sach-much me chodd dia
Apne aangan ki phulwari, Mujhko sada kaha tumne
Mere rone ko pal bhar bhi, Bilkul nahi saha tumne
Kya iss aangan ke kone me, Mera kuch asthan nahi
Ab mere rone ka papa, Tumko bilkul dhyan nahi
Dekho antim baar dehri, Log mujhhe pujwaate hai
Aakar ke papa inko kyu, Aap nahi dhamkate hai
Nahi rokte chacha taau, Bhaiya se v aas nahi
Aisi bhi kya nishthurta hai, Koi aata paas nahi
Beti ki baato ko sun ke, Pita nahi rah saka khada
Umadd pade ankho se aanshu, Badahawas sa daud pada
Kaatar bichia si wah beti, Lipat pita se rotii thi
Jaise yaado ke akshar wah, Ashru bindu se dhoti thi
Maa ko laga god se koi, Maano sab kuch cheen chala
Phool sabhi ghar ki phoolwari se koi jyo been chala
Chota bhai bhi kone me, Baitha biatha subak raha
Usko kaun karega chup ab, Wah kone me dubak raha
Beti ke jaane par ghar ne, Jaane kya kya khoya hai
Kabhi naa rone wala baap bhi, Phoot-Phoot kar roya hai ............
Sep 24, 2015
Sep 24, 2015 at 8:07 AM UTC
Originally written on 26/05/2005.
Hum khud ko ek raat, phir yuhi ek baar, bhool gaye.
Aap nahin to aap ka yaad dilaana hi phir bhool gaye.
Ab to yeh bedaad-e-yaad waqt ke saath sehte sehte,
Khud se daad-e-dard ki umeed-e-intizaar bhool gaye.
Kabhi dhoond te the hum bhi ma'anee apni wajood me,
Lekin raat hui to wajood ka ma'ana hi ab bhool gaye.
Chale the hum na jaane kaha apni ehatimaam-e-yaad ko.
Is ehsaas ne humme roka ke hum gham-e-gharaz bhool gaye.
Humare baat karne par karte hain humare jeene ki tasali.
Koi toh samjhaye ke jeete jeete hum jeena bhool gaye.
------------------------------------
One night, once again, I’ve forgotten myself.
You’re not here so I’ve even forgotten your reminders.
Now after putting up with this injustice of memory, over time
I’ve forgotten to wait for the hope of a justice of sorrow, from myself.
Once I used to search for meanings within my identity
But now when night falls, I’ve forgotten the very meaning of my identity.
I don’t know where I was going to sort out my memories,
But this realisation stopped me that I’ve forgotten the very purpose of my sorrow.
By talking about me, they assure themselves that I am alive.
Somebody explain to them that even though I’m alive, I’ve forgotten how to live.
Apr 7, 2017
Apr 7, 2017 at 7:50 AM UTC
Nahi hota kisi tabib sy is marz ka ilaj,
Ishq la ilaj ha bas ahtiat kijiye...!!!
--------------------------------------------
Bewaja nahi rota ishq mein GHALIB,
Jisy khud sy barh ky chaho woh rulata zaroor ha...!!!
--------------------------------------------
Sukoon aur ishq wo bhi dono aik sath,
Rahny do GHALIB koi aqal ki bat karo...!!!
--------------------------------------------
Misl shesha hain hamein thaam ky rakhna GHALIB,
Ham tery hath sy choty to bikhar jaein gy...!!!
- See more at: http://tinyurl.com/q2du94e
May 15, 2014
May 15, 2014 at 11:00 AM UTC
Tune mujhe rula diya,
Waadein kar pyar ke,
Ek pal me bhula diya,
Yu to hum bhula dete tumhen,
Lekin ye Kambakhat dil hain,
Jo Tujhe yaad kar harbar
Mujhe rula diya......
Dekho mujhe sanam
Kitna udas hoon main,
Jite hua bhi tere bina
Ban gya ek zinda lash hoon main,
Tor kar mere sare sapne tune,
mere dil ko jakhmi bna diya,
Tune mujhe rula diya.....
Rota hain Manish dekh kar
Apni tuti kalame,
Kaise bhula di ai bewafa
Wo bite lamahen,
wo bite lamahen....
Gum aur Pyar ki ye kaisi Dosti,
Koi kisi ko rula diya to
Koi kisi ko hansa diya,
Aajtak pura na ** saka kisi ka pyaar,
Kyoki kisi ne pyaar ko hi
adhura bna diya,
tune mujhe rula diya,
Tune mujhe rula diya.....
Jun 1, 2015
Jun 1, 2015 at 9:53 AM UTC
Seetaro mai akela chaand si thi wo
Foolon ka mehekta guldan si thi wo
Thi nadi jaisi aviral,chanchal
mere dil ka haal si thi wo
Ghani dhoop mai chav si thi wo
Kisi geet ki addaon si thi wo
Thi hava si mehekti, komal
Mere dil ka bhav si thi wo
Beech majhdhaar mai nav si thi wo
Khusian ka pura gaon si thi wo
Thi koyal si meethi,nishchal
Mere man ka abhiman si thi wo
Paido par wo patto waali hari bhari koi daal si thi wo
Holi ke rango mai sabse saadi ek akeli gulaal si thi wo
Thi wadi kasmiri koi
Mere geeton ka sur aur taal si thi wo
Mandir mai wo shankhnaad si,pooja ka prasad si thi wo
Baarish mai mitti ki khushboo,badal ka dharti se sanvaad si thi wo
Thi meri wo beti pyari,usse hi ghar 'harshit' tha
Mere ghar mai sooraj si,Mere ghar ki shaan si thi wo
Thi ab wo jo nahi rahi,aakhir khata kya thi ki usne
mana hi to kia tha na beta shaadi se,
Par dosti ka haath bhi to badhaya tha
Teri Bezatti toh nahi thi ki usne
Fir kyun tune usko har ghar badnaam kia
Dushman na kare,dost hokar tune aisa kaam kia
Chali gayi ab chhod ke mujhko,wo akele jeevan ki saanjh mai
Meri khushiyan,meri duniya,meri pyari jaan si thi wo
Meri pyari jaan si thi wo
Apr 13, 2017
Apr 13, 2017 at 7:46 AM UTC
Male:
Main tennu eevein chaahnda,
<Yo baby! I love you like this,>
Jeevein Mor koi Morni nu - haaye...
<Like a peacock loves a peahen, yeah...>
^_^
Together:
Saath poori jindadi daa...
<Well we'll be togetha foreva...>
Ehi saddaa vaada hai - haaye...
<Yea this is our commitment - yo...>
^_^
Male:
Jadon tu kitey meri jindadi vich jaaye, haaye...
<If you go away from my life someday, may mercy be upon me...>
Naal meri jindadi v jaaye, haaye...
<Along may go my life too, yea...>
^_^
Female:
*Ke main tennu eevein chaahndi,
<That I love you like this,>
Jeevein Mor nu koi Morni ** - haaye...
<Like a peahen loves a peacock, yeah...>
Jadon main tennu kadi mildi haan,
<When I meet you,>
Bol paendiyaan akkhaan teriyaan, haaye...
<Your eyes start talking, yea...>
Main tennu eevein chaahndi,
<I love you like this,>
Jeevein Mor nu koi Morni ** haaye...
<Like a peahen loves a peacock, yea...>*
^_^
Male:
Main tennu eevein chaahnda,
<Yo baby! I love you like this,>
Jeevein Mor koi Morni nu - haaye...
<Like a peacock loves a peahen, yeah...>
^_^
Female:
*Main tennu eevein chaahndi,
<I love you like this,>
Jeevein Mor nu koi Morni ** haaye...
<As if a peahen loves a peacock, yea...>*
^_^
Together:
Saath poori jindadi daa...
<Well we'll be togetha foreva...>
Ehi saddaa vaada hai - haaye...
<Yea this is our commitment - yo...>
Apr 18, 2015
Apr 18, 2015 at 5:43 AM UTC
Palkein bhi ankhiyon se karti hain shikayat,
Aayi hai kaisi kayamat,
Kyu mujh par bin mausam barsaat karti **
Jaanti hu dard bhara hai seene mein par mujhko kyu bhigati **
Sikhati hai bahut hua paani barsaana,
Dusro ki khushiyon mein apni manzil hai pana,
Dusro ka marham bankar
Hriday mein deep jalakar
Khushiyon ke geet gaana hai,
Apni jhopdi jali ** bhale kisi aur ki nahi ujadne dena hai,
Kasam hai khayi,
Haaregi jaroor burayi,
Aag lagi hai dil mein
Khade hue hain fir se
Log kehte hai paisa hai khushiyon ki chabi
Galat, bilkul galat wo sirf hai jaroori
Paisa khushiyan nahi khareed sakta
Dusro ko khushi dekar is masoom dil ko sukoon milta,
Pochh do kisi ki bheegi palkein
Milengi anekon duaein
Antaraatma bhi hogi paavan
Khush honge bhagwan
Dua hai dil se hamari
Bhale le lo hamari khushiyan saari
Par is dil se kisi ka dil na tute
Warna ruth jayenge khud se,
Hamare ruthe chehre bhi khile gulaab ban jate hai,
Jab kisi ke chehre par hamari wajah se muskan aate hai,
Ab Naa koi dard, Naa kisi gum ka saya hoga,
Hume khush dekh dard bhi akele me muskuraya hoga,
Dusaro ki muskan lana hi hamari khwaish hai,
Na kisi se koi bair, Na kisi se koi numaish hai,
Jo log kisi rote hue ko insaan ko hasate hai,
Wo log khuda ko bhi bahut hi bhate hai,
Khuda unlogo pr kripayen aapar kar dete hain,
Unki jholi sirf khushiyo se bhar dete hain,
Ek sadharan insaan bhagwan budha, Mahaveer tabhi kahlata hai,
Jab kisi ke berang sapno me sunhare rang bhar jata hai,
Hamari apni khushi bhale hi humse ruthi hai,
Ab tou dusro ki khushi hi hamari khushi hai,
Hamari khushi hai.....
Collaboration by Shrivastva MK and Sonia Paruthi
Apr 2, 2018
Apr 2, 2018 at 6:55 AM UTC
Main tumhe dhundhne swarg ke dwar tak,
roj jaata raha, roj aata raha.
Tum gazal ban gayi ban gayi,
geet me dhal gayi,
Manch se main tumhe gungunata raha.
Zindagi ke sabhi raste ek the,
sabki manzil tumhare chayan tak rahi.
aprakashit rahe peer ke upnishad,
man ki gopan kathayein nayan tak rahi,
Praan ke pristh par preet ki vartani
tum mitati rahi, mai banata raha
Main tumhe dhundhne swarg ke dwar tak,
roj jaata raha, roj aata raha.
Tum gazal ban gayi ban gayi, geet me dhal gayi,
Manch se mai tumhe gungunata raha.
Ek khamosh halchal bani zindagi,
gehra thehra hua jal bani zindagi,
tum bina jaise mehlon me beeta hua
urmila ka koi pal bani zindagi.
drishti akaash me aas ka ek diya
tum bujhaati rahi mai jalaata raha.
Main tumhe dhundhne swarg ke dwar tak..
Main tumhe dhundhne swarg ke dwar tak,
roj jaata raha, roj aata raha.
Tum gazal ban gayi ban gayi,
geet me dhal gayi,
Manch se main tumhe gungunata raha.
Main tumhe dhundhne swarg ke dwar tak..!!
Feb 6, 2015
Feb 6, 2015 at 7:32 AM UTC
Main Aur mere roommates
aksar Yeh Baatain Karte Hain
Ghar saaf hota to kaisa hota
Main kitchen saaf karta, tum bathrooom dhote
main hall saaf karta, tum balcony dekhte
Log is baat pe hairaan hote
aur us baat pe haste….
Main aur mere roommates,
aksar Yeh Baatain Karte Hain
Yeh hara bhara sink hai
ya bartanon ki jang chidi hui hai
Yeh colour full kitchen hai
ya masalon se holi kheli hai
Hai farsh ki nayi design
ya doodh, beer se dhuli hui hain
Yeh cellphone hai ya dhakkan,
sleeping bag ya kisika aanchal,
ye airfreshner ka naya flavour hai,
ya trash bag se ati badboo
Yeh pattiyon ki hai sarsarahut
ke heater phirse kharab hua hai
Yeh sonchta hain roommate kab se gum sum -
Ke jab ke usko bhi yeh khabar hai
Ke machar nahi hai, kaheen nahi hai
magar uska dil hai ke kah raha hai
machar yaheen hai, yaheen kaheen hai !
Toand ( pet ) ki ye haalat, meri bhi hai, uski bhi,
dil mein ek tasvir idhar bhi hai, udhar bhi
Karne ko bohot kuch hai magar kab kare hum
Kab tak yoon hi is tarah rahe hum
Dil kahta hai Safeway se koi vaccum cleaner la de
ye Carpet jo jine ko zoonz raha hai, fikwa de
Hum saaf rahe sakte hai, logon ko bata dain,
Haan hum roommates hai – roommates hai – roommates hai
Ab dil main yehi baaaat, idhar bhi hai udhar bhi..
Sab ko bata dain..
Mar 10, 2014
Mar 10, 2014 at 11:38 AM UTC
Toote se ek gharondey mein
kuch daraar si hai
jahan se ek awara dhoop ka katra
ek parindey ko uske khwaabon se jagata hai
thoda alsata sa wo kuch ghabrata sa wo
darwaze ke paas jaake har baar palat jaata hai
Use dekh ke na jaane main kyun bechain hota ***
Fikr-e-akhirat mein apni shaksiyat ko khota ***
Uski udaan ki mayoosi se waakif meri pehchan bhi hai
thoda adhura wo khud hai
thoda adhura mera aasmaan bhi hai
Band hai is shahar ki hawa,
Jeene ka kuch asar nahin mujhpe,
Kuch duur se ati koi awaaz, kahin yun hi kho jati hai,
Deewaron se takrakar,mere paas yun ati hai
Kis aur jaun, har simt se nawakif main aksar kho jaata ***
Andheri raaton mein akela khud ko pata ***
khud ke ehd ki zanjeeron mein, darakht si meri jaan bhi hai
thoda adhura main khud ***
thoda adhura mera aasmaan bhi hai
- طارق
Dec 11, 2012
Dec 11, 2012 at 6:16 AM UTC