"karuyag" poems - Hello Poetry

*Karuyag ko pagsurusuntukon ini nga busag nga bung-bong Pero sigurado nga maul-ol Salit, adi nga ulunan nala Karuyag ko mamusdak hin mga pinggan nga nakatambak ha banggera Pero magluluto pa ngay-an hira hin sura Salit, niyan pagkatapos nala Karuyag ko kumurahab hasta ako mapaas Pero may bata nga nakaturog bangin makamata Salit, tik-om nala Karuyag ko manrabot hin tawo Pero naguusahan la ako ngadi ha kwarto Salit, it akon kalugaringon nala Karuyag ko gusi-gusion an mga surat nga ginhatag mo ha akon Pero aadto ha hunos, maupay an kahipos Salit, sunod nala Karuyag ko na bumul-iw ngan talikdan ini nga grasya Pero waray ka bumaya Salit, ayaw nala*

0

Dec 21, 2014

Dec 21, 2014 at 1:25 AM UTC

estelle-deamor

Karuyag ko maghingit, pero

*Karuyag ko pagsurusuntukon ini nga busag nga bung-bong Pero sigurado nga maul-ol Salit, adi nga ulunan nala Karuyag ko mamusdak hin mga pinggan nga nakatambak ha banggera Pero magluluto pa ngay-an hira hin sura Salit, niyan pagkatapos nala Karuyag ko kumurahab hasta ako mapaas Pero may bata nga nakaturog bangin makamata Salit, tik-om nala Karuyag ko manrabot hin tawo Pero naguusahan la ako ngadi ha kwarto Salit, it akon kalugaringon nala Karuyag ko gusi-gusion an mga surat nga ginhatag mo ha akon Pero aadto ha hunos, maupay an kahipos Salit, sunod nala Karuyag ko na bumul-iw ngan talikdan ini nga grasya Pero waray ka bumaya Salit, ayaw nala*

18

Mamingaw, pero nakakabungol Nakakabungol, pero diri mo nababatian Diri mo nababatian, pero maaram ka Maaram ka, pero nadiri ka pag yakan Nadiri ka pag yakan, pero karuyag mo nga masab'tan ko Karuyag mo nga masab'tan ko, pero nagpabilin ka nga mamingaw.

0

May 16, 2016

May 16, 2016 at 12:59 AM UTC

fddoors

An pagkabali-os han aton kasingkasing

Mamingaw, pero nakakabungol Nakakabungol, pero diri mo nababatian Diri mo nababatian, pero maaram ka Maaram ka, pero nadiri ka pag yakan Nadiri ka pag yakan, pero karuyag mo nga masab'tan ko Karuyag mo nga masab'tan ko, pero nagpabilin ka nga mamingaw.

6

Sige’t im guliat pero waray may nakabati Bis man it nakakabungol na tim tingog waray may naasi Dire mo la ada karuyag nga ako pamatian Bisan man kon hi ako aada la hiton imo atubangan. Siplat gad bisan la maka-usa Waray man ngani nganhi tawo, kita la nga duha Pagbul-iw daw bisan la mausa nga pulong Ginpipirit ka la pagkulaw, sige man la tim piyong. Ano daw la ine nga akon gin-aabat Baga hin tikang pala ha trangkaso tapos tigda la nga nabughat An girok ha akon tiyan in dire ko mapugngan Kalipay nga hi ikaw la ngahaw an tinikangan. Kon ako man ha imo in magsumat Hingyap ko nga dire ka liwat lumakat Pag-abat nga naiha ko na nga tinago Yana nga takna igyayakan, ighuhuring na ha imo. Ayaw ako pagbasula kon hi ako ha imo in naipa Pahimatngon nga magpapadayon ngadto hit kahasta It imo pagkita ha akon dire unta magbag-o Kon isumat ko nga naruruyag ak ha imo.

0

Feb 6, 2024

Feb 6, 2024 at 8:30 AM UTC

Caryl28

PAHIMATNGON

Sige’t im guliat pero waray may nakabati Bis man it nakakabungol na tim tingog waray may naasi Dire mo la ada karuyag nga ako pamatian Bisan man kon hi ako aada la hiton imo atubangan. Siplat gad bisan la maka-usa Waray man ngani nganhi tawo, kita la nga duha Pagbul-iw daw bisan la mausa nga pulong Ginpipirit ka la pagkulaw, sige man la tim piyong. Ano daw la ine nga akon gin-aabat Baga hin tikang pala ha trangkaso tapos tigda la nga nabughat An girok ha akon tiyan in dire ko mapugngan Kalipay nga hi ikaw la ngahaw an tinikangan. Kon ako man ha imo in magsumat Hingyap ko nga dire ka liwat lumakat Pag-abat nga naiha ko na nga tinago Yana nga takna igyayakan, ighuhuring na ha imo. Ayaw ako pagbasula kon hi ako ha imo in naipa Pahimatngon nga magpapadayon ngadto hit kahasta It imo pagkita ha akon dire unta magbag-o Kon isumat ko nga naruruyag ak ha imo.

20

damo na hin duro an 𝘴𝘵𝘪𝘤𝘬𝘺 𝘯𝘰𝘵𝘦𝘴 haak lamesa takip-takip an kabutang pero dire ak nakakabasa, han mga pulong nga akon nasurat, mga letra nga nag buru-balighot ngan nag papaplanat. waray na gihapon tinta an akon 𝘣𝘢𝘭𝘭𝘱𝘦𝘯 ubos na an paypay han 𝘯𝘰𝘵𝘦𝘣𝘰𝘰𝘬 nga sinurat-suratan hin magka-durudilain nga pangandoy, mga pulong nga ha inop nala natutuman—mga pulong nga karuyag ko unta mabatian— tikang haimo mga im-im, an katam-is han mga saad nga sugad hin dugos, an mga hinumduman nga sugad hin daan nga telegrama, nga ha akon kasing-kasing nakahipos. gintatapo-tapo na an mga surat nga linukot, waray na ka abrihi tikang han kaparong han lanterna han aton gugma. nga an dagaang nga an hadi akon na aabat, tumaghom na tikang han imo paglakat. ngan sugad han 𝘴𝘵𝘪𝘤𝘬𝘺 𝘯𝘰𝘵𝘦𝘴 nga buot mag pahinumdom, akon man liwat nangalimtan an pag-lara han gugma, waray na punto an mga sinurat, ighahapil ko na la ada.

0

Jan 26, 2025

Jan 26, 2025 at 9:59 AM UTC

Caryl28

mga pulong ha sticky notes

damo na hin duro an 𝘴𝘵𝘪𝘤𝘬𝘺 𝘯𝘰𝘵𝘦𝘴 haak lamesa takip-takip an kabutang pero dire ak nakakabasa, han mga pulong nga akon nasurat, mga letra nga nag buru-balighot ngan nag papaplanat. waray na gihapon tinta an akon 𝘣𝘢𝘭𝘭𝘱𝘦𝘯 ubos na an paypay han 𝘯𝘰𝘵𝘦𝘣𝘰𝘰𝘬 nga sinurat-suratan hin magka-durudilain nga pangandoy, mga pulong nga ha inop nala natutuman—mga pulong nga karuyag ko unta mabatian— tikang haimo mga im-im, an katam-is han mga saad nga sugad hin dugos, an mga hinumduman nga sugad hin daan nga telegrama, nga ha akon kasing-kasing nakahipos. gintatapo-tapo na an mga surat nga linukot, waray na ka abrihi tikang han kaparong han lanterna han aton gugma. nga an dagaang nga an hadi akon na aabat, tumaghom na tikang han imo paglakat. ngan sugad han 𝘴𝘵𝘪𝘤𝘬𝘺 𝘯𝘰𝘵𝘦𝘴 nga buot mag pahinumdom, akon man liwat nangalimtan an pag-lara han gugma, waray na punto an mga sinurat, ighahapil ko na la ada.

11

Samtang diri pa kita, Pag aadman ko la anay ada, Pag higugma hit ak' kalugaringon Pag hulat hit imo pag baton. An pag higugma, ibubutang la anay ha ref Puputson hin makaruruyag nga surudlan, Hihipuson hin maupay, Ngan isasalin para kinabuwasan. Babantayan ka tikang ha hirayo, Iihapon an kada segundo Itatago la anay an bukad ha kamot Ngan an mga pulong nga karuyag ipaabot. Ipapaagi ko la ada ine anay Ha mga sininsilyo nga piyesa ngan pahaliday Ngan tungod nga waray pa umabot an panahon, Susundon la anay an balud, ngan ha baras iglulubong. Kumusta ka daw la? Hin-o taada hit im' huna-huna? Ambot. Diri ak maaram hit imo ibabaton. Sanglit hihigugmaon ko la anay ikaw hin hilom. (sugad hin bring home, inen gugma, ha ref la anay hihipuson) 🌻

0

Apr 10, 2025

Apr 10, 2025 at 10:41 AM UTC

Caryl28

B.H.

Samtang diri pa kita, Pag aadman ko la anay ada, Pag higugma hit ak' kalugaringon Pag hulat hit imo pag baton. An pag higugma, ibubutang la anay ha ref Puputson hin makaruruyag nga surudlan, Hihipuson hin maupay, Ngan isasalin para kinabuwasan. Babantayan ka tikang ha hirayo, Iihapon an kada segundo Itatago la anay an bukad ha kamot Ngan an mga pulong nga karuyag ipaabot. Ipapaagi ko la ada ine anay Ha mga sininsilyo nga piyesa ngan pahaliday Ngan tungod nga waray pa umabot an panahon, Susundon la anay an balud, ngan ha baras iglulubong. Kumusta ka daw la? Hin-o taada hit im' huna-huna? Ambot. Diri ak maaram hit imo ibabaton. Sanglit hihigugmaon ko la anay ikaw hin hilom. (sugad hin bring home, inen gugma, ha ref la anay hihipuson) 🌻

22

Nagugupong it akon huna-huna, Dire ak' maaram kun matipakain. Madaparap it akon pangita-an, Nawuwurok gad it akon kasing-kasing. Hain na ba it dalan? Giyahi gad ako. Nahadlok ak mag-usahan Dire na ak' maaram kun mag-aano. Susubayon ko ba an agi-an? O mag-iinukoy na la? Huhulaton ko pa ba an ka-agahon? O mag-tuturaw na la? Ambot. Di ak' maaram. Usahay karuyag ko nala mawara. Mag-padara ha kahanginan, Ngan ipiyong an mata.

0

Jun 26, 2025

Jun 26, 2025 at 12:38 PM UTC

Caryl28

Tugway

Nagugupong it akon huna-huna, Dire ak' maaram kun matipakain. Madaparap it akon pangita-an, Nawuwurok gad it akon kasing-kasing. Hain na ba it dalan? Giyahi gad ako. Nahadlok ak mag-usahan Dire na ak' maaram kun mag-aano. Susubayon ko ba an agi-an? O mag-iinukoy na la? Huhulaton ko pa ba an ka-agahon? O mag-tuturaw na la? Ambot. Di ak' maaram. Usahay karuyag ko nala mawara. Mag-padara ha kahanginan, Ngan ipiyong an mata.

16