"jis" poems
Maa ki mamta ko dekh maut v
aage se hat jati hai
gar maa apmanit hoti
dharti ki chaati fat jaati hai
ghar ko pura jeevan dekar
bechari maa kya pati hai
rukha sukha kha leti hai
paani *** kar soo jati hai
Jo maa jaisi devi ghar ke
mandir me nahi rakh sakte hai
wo lakho punya bhale kar le
inshan nahi ban sakte hai
maa jisko v jal de-de
wo paudha sandal ban jata hai
maa ke charno ko chukar paani
Gangajal ban jata hai
Maa ke anchal ne yugo-yugo se
Bhagwano ko pala hai
maa ke charno me jannat hai
Girijaghar aur Shivala hai
Himgiri jaisi unchai hai
sagar jaisi gahrai hai
dunia me jitni khushboo hai
maa ke anchal se aaye hai
Maa kabira ki sakhi hai
maa tulsi ki chaupai hai
meerabai ki padawali
khusru ki amar rubai hai
maa angan ki tulsi jaisi
pawan bargad ki chaya hai
maa ved richao ki garima
maa mahakavya ki maya hai
Maa maansarovar mamta ka
maa gomukh ki unchai hai
maa parivaro ka sangam hai
maa rishto ki gahrai hai
maa hari dubh hai dharti ki
maa keshar wali kyari hai
maa ki upma kewal maa hai
maa har ghar ki phulwari hai
Saato sur nartan karte jab
koi maa lori gaati hai
maa jis roti ko chu leti hai
wo prasad ban jati hai
maa hasti hai to dharti ka
jarra-jarra muskata hai
dekho to dur kshtiz ambar
dharti ko sheesh jhukata hai
Mana mere ghar ki deewaro me
chanda si murat hai
par mere man ke mandir me
bas kewal maa ki murat hai
maa saraswati lakshmi durga
ansuya mariyam sita hai
maa pawanta me ramcharit
manas me bhagwat geeta hai
Amma teri har baat mujhe
vardaan se badhkar lagti hai
he Maa teri surat mujhko
bhagwan se badhkar lagti hai
saare teerath ke punya jaha
mai un charno me leta hu
jinke koi santan nahi
mai un maawo ka beta hu
Har ghar me Maa ki puja **
Aisa sankalp uthata hu
Mai dunia ki har maa ke
Charno me ye sheesh jhukata hu.....
Aug 6, 2015
Aug 6, 2015 at 3:35 AM UTC
Jab aankh khuli to amma ki
godi ka ek sahara tha
uska nanha sa anchal mujhko
bhumandal se v pyara tha.....
uske chehre ki jhalak dekh
chehra phulo sa khilta tha
uske stan ki ek bund se
mujhko jeevan milta tha
haatho se baalo ko noocha
pairo se khoob prahar kia
phir v us maa ne puchkara
humko jee bhar ke pyar kia
Mai uska raja beta tha
wo ankho ka tara kahti thi
mai banu budhape me uska
bas ek sahara kahti thi
ungli ko pakad chalaya tha
padhne vidlaya bheja tha
meri naadani ko v neej
antar me sadasaheja tha
Mere saare prashno ka wo
fauran jawab ban jaati thi
meri raho ke kaante chun
wo khud gulaab ban jaati thi
mai bada hua to college se
ek rog pyar ka le aaya
jis dil me maa ki murat thi
wo ramkali ko de aaya
shaadi ki pati se papa bana
apne rishto me jhul gya
ab karwa chauth maanta hu
maa ki mamta ko bhul gya
hum bhul gye uski maamta
mere jeevan ki thati thi
hum bhul gye apana jeevan
wo amrit wali chaati thi
Hum bhul gye wo khud bhukhi
rah karke hume khilati thi
humko sukha bistar dekar
khud geele me soo jaati thi
hum bhul gye usne hi
hotho ko bhasha sikhlayi thi
meri neendo ke lie raat bhar
uss maa ne lori gaayi thi
hum bhul gye har galti par
usne danta samjhaya tha
bach jau buri najar se
kala teeka sada lagaya tha
hum bade hue to mamta wale
saare bandhan tod aaye
bangle me kutte paal laye
maa ko vridhaashram chod aaye
apano sapno ka mahal girakar
kankar -kankar been laye
khudgargi me uske suhag ke
aabhushan tak cheen laye
Hum maa ko ghar ke batware ki
abhilasha tak le aaye
usko paawan mandir se
gaali ki bhasha tak le aaye
to be continued ........(next part may be in next week)
Aug 3, 2015
Aug 3, 2015 at 3:04 PM UTC
Mujhe wo aksar kehta tha
Muhabat kuch nhi hoti
Hijar ka khauf be matlab
Wasl k khwab bemani
... Nighaoon main koi soorat
Kahan din rat rehti hai
Usy q khamoshi kahain
K jis main bat rehti hai
Wo ankhain kaisi hoti hain?
Jahan barsat rehti hai
Yeh ansu bezaban ansu
Bhala kya bol saktay hain
Or uski narm palko pe nami
Din rat rehti hai
Mujhe wo aksar kehta tha
Mohabbat kuch nahi hoti
Magar jab aj barson bad
Main ne usko dekha hai
K uski jheel ankho main
Hijar ka khof rehta hai
Wasl k khwab rehtay hain
Wahan barsat rehti hai
Yun lagta hai k barson se
Wo soya v nahi shayad
Yun lagta hai kisi ki yada barson se
Usy din rat rehti hai
Or uski narm palkon pe
Haseen saay be geelay hain
Or uski khamoshi aisi k
Jis main bat rehti hai
Mujhe ab wo nahee kehta
Muhabat kch nahee hoti.
Jan 20, 2016
Jan 20, 2016 at 3:38 PM UTC
*Jis Ki Janib Woh Nazar Apni Uttha Lete Hain
Uss Ki Soyee Hui Taqdeer Jaga Dete Hain*
**Towards whom they raise their glance
His resting destiny they awaken in a trance**
*Teri Duzdeeda Nigahon Ko Dua Dete Hain
Jitne Chubte Hain Yeh Teer Utna Maza Dete Hain*
**For your peeking gazes, I pray
The more these arrows wound, the more delighted I lay**
*Jab Se Dekha Hai Unhein Apna Mujhe Hosh Nahin
Jane Kya Cheez Woh Nazroon Se Pila Dete Hain*
**Ever since them I saw, senseless I have become
What they pour from their glances, a mystery it has become**
*Takht Kya Cheez Hai Aur Laal-o-Jawahir Kya Hai
Ishq Wale To Khudai Bhi Loota Dete Hain*
**What is a throne and what are lustrous jewels?
Lovers surrender divinity against the rules**
*Aik Din Aisa Bhi Ata Hai Mohabbat Mein Zaroor
Khud Ko Ghabra Ke Naqab Apna Uttah Lete Hain*
**There is one such moment in love, indeed!
With nervousness, they raise their veil**
*Apni Barbadi Pe Khush Hoon Yeh Suna Hai Jabse
Woh Jisse Apna Samajhte Hain Mitta Dete Hain*
**Happy with my own ruin I am, ever since I have learned
Who they consider their own, obliterated have turned**
*Apne Daman Ko Zara Aap Bacha Kar Rakhna
Sakhat Aahon Se Bhi Hum Aag Laga Dete Hain*
**Your own hem a little, you save and claim
With deep sighs, we set the fire aflame**
*Jis Ki Janib Woh Nazar Apni Uttha Lete Hain
Uss Ki Soyee Hui Taqdeer Jaga Dete Hain*
**Towards whom they raise their glance
His resting destiny they awaken in a trance**
— Translated by Jamil Hussain, Sung by Nusrat Fateh Ali Khan
Oct 26, 2016
Oct 26, 2016 at 8:34 AM UTC
Udd jayegi ek din chiraiya chhodhkar babul ka ghar,
Basane ek naya aashiyana sabhi ke aankho ko bhar,
Vidai ka hota hai ye kaisi bela,
Kyu hamesha jana padta chhod us kali ko hi akela,
Beegh jati hai mata-pita ki palkein vidai ke pal,
Jab aata us baag me chahchahane wali chidiya ki judai ke pal,
Bahut si yaadein chhoti aankho me sajaye hue,
Ro rhi hai maa pari ko gale lagaye hue,
Papa ki pyari gudiya aaj sazkar sasural chali,
Tham ke hath humsafar ka ek nye dwar chali,
Jahan pali badi wo pyari gudiya chali hai aaj us ghar ko chhod,
Karke suna ek aangan ko pita ki aankhon ko bhar,
Na jaane kyu beti ko janam se hi paraya btaya ,
Aakhir kisne ye riwaz banaya ,
Nikalkar apne **** se ek pita apni jaan ,
Bahut bada dil hai ek pita ka jo kar dete hain kanyadaan ,
Waqt ka kaisa hai ye dastoor
Na jaane kyu ek beti ko jaana hota hai dur ,
Chali hai aaj papa ki gudiya ,
Chhodhkar apne aangan ki nindiya,
Yaadon ki jhadi dil mein basakar chali hai maa ki jaan ,
Chhod ke sabkuch apna Banane ek nayi pehchaan,
Babul ki laadli kab ** gayi badi,
Aayi hai dil ko chhune wali ghadi,
Jis ghar me pali,us ghar ko alwida kaise kahegi,
Maa baba behan bhai bin wo gudiya kaise rahegi,
Vidhata ne ye kaisa niyam hai banaya,
Chhod ghar babul ka,ek naye ghar ko basaya,
Dekh tyad ek bitiya ki us khuda ki bhi *** aankhen bhar,
Udd jayegi ek din chirraiya chhodkar babul ka ghar,
Babul ka ghar.........
Composed by
Sonia Paruthi & Shrivastva MK
Mar 22, 2018
Mar 22, 2018 at 2:23 PM UTC
Ki haar gaya tan tan man puakar kar tumhe
Kitne ekaki hai pyar kar tumhe
Ki jis pal haldi lepi hogi tan par maa
Jis pal sakhio ne saupi hongi saugaate
Dholak ki thappo me , ghunghroo ki runjhoon me
Ghulkar faili hongi ghar me pyari baate
Uss pal meethi si dhun , sune kamre me sun
Roye man chausar par haar kar tumhe
Kitne ekaki hai pyar kar tumhe .....
Haar gya tan man ..........re haar gya re..
Kal tak jo humko , tumko milwa deti thi
Un sakhio ke pprashno ne toka to hoga
Saajan ki anjuri par anjuri kaapi hogi
Meri sudhio ne rasta roka to hoga
Uss pal socha man me aage ab jeevan main
Jee lenge hans kar bisaar kar tumhe
Kitne ekaki hai pyar kar tumhe ...
Haar gaya tan man ....re haar gya re
Kal tak jin geeto ko tum apana kahti thi
Akhbaaro me padhkar kaisa lagta hoga
Saawan ki raato me saajan ki bahoon main
Tan to sota hoga par man jagta hoga
Uss pal ke jeene me aanshu *** lene me
Marte hai man hi man maar kar tumhe
Kitne ekaki hai pyar kar tumhe
Haar gaya tan-man ...re haar gaya re..
May 18, 2015
May 18, 2015 at 10:58 AM UTC
Kabhe pucha hay apnay app say kay tumnay kitnay waday torhay hein?
kabhe pucha hay apnay app say kay kitnay logouin ka dill tora hay?
kabhe pucha hay apnay app say kay tumnay apne eik nazar say kis kis ko apne he
nazrouin mein gerayya hay?
- nae pucha nah? kese din pucho gay nah tou mrnay ka dill chahy ga, zindage kay
naam say chirnay lago gay.
Kabhe pucha hay kay tum Zindage kay naam per eik beyqaar zindage jee rahay
hou? aur phir kehthy hou ''yaar kya krien zindage he esse hay''. Kabhe Zindagi
ke kitaab ko khol kr tou dekho kya kya rakha hay uiss mein. Zindage bahot he
haseen hay sirf hum masroof hein apne duniya mein wou duniya jis mein kuch
nahe sawaye humaray. Ajj loug dusrouin ke mintein krtay hein kay ''ruk jau''
''na jau'' jb kay mery khayaal mein ye loug bhul chukay hein kay '' jis ko jana hay
uis ko jana hay chahy tum apne jaan kyun na deh dou''. Ajj tou logouin ke
zindage andhere hojaate heh jab koe uinka ''dost'' ya ''yaar'' chor jaye aur wo uis
khuda ko bhool jaatay hein jis nay uis ko usse ''dost'' ya ''yaar'' say milaya tha.
Hum loug tou apnay Khuda ko bhe bhul chukay hein. Wo Khuda jis kay pass
humnay waapis jana hay wo Khuda jis kay bagheir humare koe ukaat nae.
Barhay Unchay gharouin mein reh reh kr apnay app ko Khudha samjhna shuru krdeya hay humnay.
Ess zamaanay mein koe kese ka Dost nae hota barha Dost Dost krtay hou na jab doob rahay hou gay
kudhe dekhna kay sab DOST tamasha dekh rahay hogein aur tum zindage ke tarf aanay ke bher-poor
koshishein kr rahay hou gay, tab apnay app say puchna kay ye wo DOST thay jin kay leye tum apnay
maa-baap say laray? uin kay samnay uncha bolay? sharmindage hoi? Ajj hum itnay ''self-obssessd''
hein kay dusrouin ko dekh kay lagta hay chunte jitni ukaat hay uiss ke. Hum apne he Duniya mein
bahot dur nikal aayein hein, asal duniya say bekhabar, asal dostouin say hum la-taluq ** chukay hein.
Hum ajj apnay app mein he kho chukay hein. Apnay rab ko humnay kho deya. Rab ko kho deya matlab
Sub kuch kho deya ! tou abb hamaray pass koe raasta hay?
-Haan wou rab 5 martaba bulaata hay tumhein apne taraf, jau uiss ke taraf aur apne ASAL ZINDAGE
ke taraf waapse aou.
Sep 16, 2016
Sep 16, 2016 at 10:00 AM UTC
Rus wa na ** tum hamse, meri jaan
Murjha na jaye kahin dil ka ye gulistaan
Juda hai sabse andaaz ye hamara
Saason se humney cheda hai
dil ka saaz ye tumhara
Khwahish hai tum mein; ** jaye hum fanaa
Karte hai tumse toh
hum muhabbat bepannah
Mil bhi lo aake hamse is tarah
Noor mil jaaye
Jahaalat se jis tarah
Khuda Ko paane ka; yeh hai raasta nirala
Muhabbat bhi hai bas
kudrat ka hi toh karishma
Rus wa na ** tum hamse, meri jaan
Murjha na jaye kahi dil ka ye gulistan
Jun 16, 2014
Jun 16, 2014 at 7:10 AM UTC
Nam ** jati Hai aankhey
Ye baat soch kar,
Kyun chale jate Hai log
Aksar kisi ka dil tod Kar,
Jite Zindagi bhi ban jati maut us din
Jis din chale jate wo Pal kisi ki saans ban Kar,
Khele jate Hai es duniya me
Dil ka zajbat ban Kar,
Dete Hai dhokha yaha log aksar
Kisi ka khaas ban Kar,
Sabko pta hota Hai anjaam pyar ka
Phir kyon rote log kisi se pyaar Kar,
Pyar andha hota Hai phir
Kyon pyar karte log surat dekh Kar,
Jinka pyar sachha Hai wo
Amar ** jate Hai Mar Kar,
Ghut Ghut ke Ji rha hu
Mai ab zinda lash ban Kar...
Ek zinda lash ban Kar...
Feb 18, 2017
Feb 18, 2017 at 7:12 AM UTC
Jis phul ne koi galati hi nahi ki, Use kis baat ki saza diya ja rha hai,
Es duniya me aane se pahle hi kyu use maar diya ja rha hai,
Ai Khuda kyu aise janwar ko tune banaya,
Ek chhoti kali ko pet me hi maar khud ko insaan btaya,
Na maaro us phul ko jisme us bhagwan ka hai waas,
Ek din aisa aayega jab ** jayega puri shristi ka naas
Arey nasamjh insaan sirf bete ki hi aas lagaoge,
To phir maa, behan aur dulhan kahan se paoge,
Mata-Pita ki galati ki saza us chhoti kali ko diya jata hai,
Ek chhote se andhere ghar me hi use maar diya jata hai,
Wo kali bhi baar baar unlogo se karti pukar,
Hey Maa-Baba mujhe pet me hi mat maar,
Ye duniya ek baar mujhe bhi dikha de,
Apne amrit ki ek ghunt mujhe bhi pila de,
Nanhi si jaan tou hai bekasoor,
Maar kar hi aakhir kyu milta hai pathar dilon ko suroor,
Wo bhi dekhna chahti hai duniya,
Janam lene se pehle hi Jaan gawani padti hai oo gudiya,
Apne hi hathon ukhed dete hai apne hi aangan ka phool,
Kaisa hai ye bereham logon ka usool,
Kismat wale hote hai wo insaan,
Jinki kokh mein dete hain betiyan bhagwaan,
Beti hai ishwar ka hai en anmol uphaar,
Jeene ka us nanhi jaan ko bhi hai adhikaar,
Sharam aati hai logo ki is ghatiya soch par,
Taras aata hai unpar
Jo apne hi ansh ka dete hain maar
Devi ka karte hain jo tiraskaar,
Banao ek naya usool
Beti ko karo qubool
Jeevan ka hai ye adhaar
Banta hai inhi se sansaar,
Likh us phul ka dard hamari aankhen bhar aai,
Teri banai duniya me O mera khuda ye teri kaisi khudai..
Ye teri kaisi khudai...
Collaboration by Manish Shrivastava and Sonia Paruthi
Mar 23, 2018
Mar 23, 2018 at 10:12 AM UTC
Waqt ne waqt ko smjha diya ki ab vo waqt nhi h .
Jis waqt ki jarurt muje **
Aur vo waqt mere kam ka **
Fir bhi vo waqt ka shakhs yu shamne aa jata h,
Aur muje es waqt se us waqt ka safar kara deta h ,
Jaha ab vo meri manzil nhi h,
Bhad chuki hu me us waqt se lad kar,
Fir bhi kisi shaam vo waqt andero ki tarha yaad a jata h.
Fir m es waqt ko bhul,
Us waqt me kho jati hu.
Aur ye waqt
Waqt hi rhe jata h.
Aug 30, 2020
Aug 30, 2020 at 10:16 AM UTC
Dard bhi kya sikandar hai.
Is ko na kisi ki fikar, na dar hai.
Jab yeh aata hai toh sab bhula deta hai.
Jo fateh karle toh kya ummeed kya khwahish hai.
Bas dard hi dard hai.
Dard se bachna hai.
Khushiyaan aati hai toh kisi na kisi dar ke saath.
Chhin jaane ka dar,
Nazar lag jaane ka dar,
Zyaada khush ** liye toh phir baad mein rone ka dar.
Lekin dard ko kis cheez ka dar?
Jis ka dar tha jab wohi aakar hum se lipat jaaye,
toh phir kis baat ka dar?
Kitni ajeeb baat hai,
aur yeh kaisa mazedaar rishta hai dard aur khushiyon ka.
Khushiyaan dard ka veham lekar aati hai,
toh dard ki inteha ek dhundla sa daawa khushiyon ka.
Lagta toh har kisi ko yahi hai, ke ab is dard se azaadi na mumkin hai.
Magar dard hi toh azaadi hai.
Yeh khaathma nahin.
Yeh toh khaatme ki shakal mein shuruwaat hai
----- ek nayi khushi ki, ek nayi tumhari.
Sep 11, 2021
Sep 11, 2021 at 7:01 AM UTC
Kaise manaoon teri ruswaiyon ko
Kaise samjhaoon apni tanhaiyon ko
Ki tu ja chuki hai yoon chodd k mujhko
Ki tanhai bhi ab meri mujhey chidhati hai
Ki jis se thi itni mohabat tujhko
Wahi bana *** hai tera yaar mujhko
Laut ana bhool k apni ruswai ko
Nahi to samajh lena bana lia hai maine dost apni tanhai ko
Aug 13, 2014
Aug 13, 2014 at 1:12 PM UTC
Log Kehte hai jo pyar karta hai...
Wo hi gussa karte hai....
To kya gussa aur beizzat Karne Me...
Wo farak nahi janta hai....
Kisi ke liy pyar Me gussa karna jayas hai....
Par...par...
Kya ush pyar ke naam par ushe jalil karna ulta kehna Abuse karna bhi pyar me jayas hai...
Janab Agar ishe pyar kahte hai to dur hi raho aise pyar se...
Jo khusiyo ke jagah udaasi de...
Khusi ke jagah gum De...
Izzat ke bajae beizzat kare...
Aur last me galti accept krne ke bajae ush glti ko aisa naam de...
Pyar me dono partner ko imp. Dena jaruri hai...
Ek jhuke to ye nahi ki app hmesa ushpe ungli uthao ushe jhukao...
Jb tk wo jhuk rahi thik hai jis din wo ye sochne lagi ki hmesa wo kyu...
To kuch bhi kar loge wo laut ke nahi aaegi....
Waqt se pehle kadar Karna sikh lo..
Aksar hame jiski kadar nahi hoti wo kadar tumhe waqt dilata hai...
Aur tb tak bahut der ** jati hai...
Dec 31, 2018
Dec 31, 2018 at 4:08 AM UTC
Khwaab dekho.
Khuli aankhon se ya band, fark nahin.
Khwaab humein kahan se kahan leja chhodti hai.
Jo kabhi dekha nahin woh dikha deti hai.
Jis cheez ko kabhi chhua na ** use bhi mehsoos karwa deti hai.
Kabhi paseene mein bheega jagaati hai,
toh kabhi apni ulfat se gaalon ko laal kar deti hai.
Cheekh kar uthaa hai koi toh koi muskuraate.
Koi toh khatam hone ka naam nahin leta.
Kisi ke beech mein kat jaane ka gila hai rehta.
Mujhe toh hamesha khatam hone ka intezaar hi raha ------ uske aane tak.
Bura dekha, bura jaana, bure ne ghere rakha ab tak.
Mein ne seene par sar rakha,
phir usne mere haath par apna bada magar narm haath rakha.
Usko meri nazuk lambi ungliyon se khelna achha laga.
Mujhe mohabbat jatane ka yeh tareeqa uska achha laga.
Aankh khuli.
Pehli dafa kaanp kar nahin sharmakar jagi.
Sukoon toh tha.
Par gila bhi raha.
Phir socha,
khwaab itne bhi bure nahin.
Toh khwaab dekho.
Kuch rehne do.
Kuch poore karo.
Sep 11, 2021
Sep 11, 2021 at 12:36 PM UTC
Aapko paake aisa laga jaise humne apna khuda paa liya,
Kami zindagi mein nahi hai koi aapko deke rab ne sab de diya.
Zindagi ki har khushi mil gyi hai humein aap mile zindagi mil gayi,
Is dil ki har saans mein aapke dil ki dadhkane hain samayi.
In labon par muskurahat hai sirf aapse ,
Aapko pakar khushnaseeb hain hum bhut kasam se.
In hawao ki sarsarahat mein bhi hai aapka ehsaas,
Fark nahi padta kitne meelon ke ** faasle dil ke ** aap humesha pass.
Aapke naam se poora hota hai humara naam,
Hum humesha hai aapke sirf aapke sanam.
Aapki har khwaiysh poori **
Sabse jyada khushi milegi humko.
Aapse hai wajood humara,
Dil ki dadhkano ko aapka hai sahara.
Kayenaat ki khwaiysh nahi hai mujhe,
Humari duniya tou hai aapse.
Lafzon ke dehleez par shabd nahi hai koi,
Jo bayan kar sake ki humein aapse kitni mohabbat hoyi.
Sacchi mohabbat aapki shiddat se badhkar ki hai aapse,
Zinda rehne ke liye humein saanso ki nahi zindagi hai aapse.
Labon ke peeche ki khamoshi padh lete **
Bin dekhe hi humein dil ka haal samjh lete **
Kaise keh du meri dua ** jati hai beasar,
Jab bhi dil se yaad karun aapko humesha apne pass pau mere humsafar.
Jis kadar aap fikar karte ** humari,
Mil jaati hai khushiyan saari.
Achha lagta hai aapke chehre ki dekh muskurahat,
Aapko khush dekh milti hai is dil ko rahat.
Jaanejaan aap itne pyaare ** bhut acche **
Kisi ki bhi nazar na lage kabhi aapko.
Ishwar humesha aapko mehfooz rakhe,
Har janam aapki shivani humesha mere shivai ki rahe.
Nov 13, 2019
Nov 13, 2019 at 2:12 AM UTC
andheri thi jo raat wo,
us raat ki kya baat kahun.
jis raat se wo mila nahin,
us raat ki kya subah kahun.
har raat ki h subah mgr,
us raat ki bhi subah hui.
charcha hui to khabar mili,
us shaqs ki toh maut hui.
shaqs to tha wo dost mera,
us shaqs ki kya baat karun.
ladka tha wo bigda magar,
uske dil ki kya taarief karun.
maut nahi thi tha wo khoon,
un kaatilon ki kya baat karun.
jese tadpaya un sbko,
Isse bhattar maut unko m ada krun.
galti kya thi un maasumo ki,
jo aisi bhynkr maut mili.
khuda tu hi jawab dega,
kynki tune thi wo maut likhi.
sbko jisne khush tha rkha,
uski shanti k m dua krun.
Yaad rkhnge use hmesha,
uski yaadon ki kya baat karun.
@riya
Oct 12, 2018
Oct 12, 2018 at 5:35 AM UTC
Bin aapke ek pal raha nahi jaata,
Dil ki dadhkano ko khuda hai jaanta.
Is janam mein khushnaseeb hain aapko paakar,
Khuda se duaein karte har janam aapko maangkar.
Aapke liye agar taqdeer se bhi ladna pada,
Khushi khushi ladegi aapki mahiya.
Dukh ne sataya aapko tou saamne milegi aaapki sangini,
Aapki rooh ko chhukar is rooh tak hawaein aapki khabar batati.
Aapka naam lekar hi chalti hain ye saansein,
Beintehha mohabbat hai humein aapse.
Fikar nahi kariye,
Jaan aye meriye.
Jeet lenge apni mohabbat se sabko,
Ek kharoch bhi nahi aane denge aapko.
Ye dadhkane chalti hain sun un dadhkano ko,
Aapki muskurahat dekhkar hi sukoon milta humko.
Aapki aankho mein ashq ka ek katra tak nahi aane denge,
Har janam hum sirf aur sirf aapke hi rahenge.
Dur jaane ki baat nahi kara kijiye,
Meri zindagi meri rooh aap hi ** jaan aye meriye.
Aapke bin ye dil kahin lagta nahi,
Jahan aap honge milenge aapko hum bhi wahi.
Nazar na lag jaye kabhi tabeez bankar raksha karenge,
Jis haal mein rakhoge aapke sang humesha khush rhenge.
Aapse hi judi hain humari saari khushiyan,
Duniya badi hai par mere liye aap hi ** meri duniya.
Nov 13, 2019
Nov 13, 2019 at 2:24 AM UTC
Hasti Pe Nikhaar Aa Jata Hai
Jis Waqt Woh Saamne Hote Hain
Life is made to bloom
When they manifest before us
Har Shai Pe Khumaar Aa Jata Hai
Jis Waqt Woh Saamne Hote Hain
Existence is covered in intoxication
When they manifest before us
Parwane Ki Halat Kya Kahiye
Parwana Hai Aakhir Parwana
Of moth’s state what could you say
Moth is yet still a moth
Shamma Ko Bhi Pyar Aa Jata Hai
Jis Waqt Woh Saamne Hote Hain
Even the lamp immerses in love
When they manifest before us
— Translated by Jamil Hussain, Sung by Nusrat Fateh Ali Khan
Jun 6, 2017
Jun 6, 2017 at 7:15 AM UTC
Chle aao jana tumhara intzar abhi baki hai...tum aaoge jarur yeh aas abhi baki hai...rooth gyi nindiya jin aankhon se vo adhura sa khwav abhi baki hai...kah n payi jise un uljhe halat me us khasm-kash ka ejhaar abhi baki hai...bah chle sb aansu tanhai me un aankhon ki pyas abhi baki hai...ruk gye lfz jubaa..n pr aate-aate sunle ei musafir mere alfaz abhi baki hai...chaha tumhe shiddat se...mamga tumhe minnat se...miloge jis dua se vo ardaas abhi baki hai...nahi pta kb aaoge tum tumhare aane ka #ehsaas hi mere liy kafi hai.... Chle aao jana....intzaar abhi baki hai....
#sagat
Feb 9, 2019
Feb 9, 2019 at 10:36 PM UTC
Ye lamhe aaj kyon Etna udàas hai,
In lamhon ko aaj bhi kisi saksh Ki aas hai,
Wo samjhte hain hum bhul gye unko,
Par aaj bhi en aankhon me sirf unka hi vas hai,
Jaise tuti daali ko pani aur mitti Ki hoti taalash hai,
Waise hi es tute dil ko tumhari jhalak aur pyar Ki aas hai,
Dekho na ek baar palat Ke humko,
Meri zindagi aaj kitni udaas hai,
Kitni udaas hai,
Kai varash bit gye hai sath sirf unka ehsaas hai,
Pyar rahega unse jabtak es saksh mein saans hai,
Jis din chhod hamesha Ke liye jayenge hum,
Kuchh aansoo aapke bhi aankhon se tapkenge ye es dil ko viswas hai,
Es tute dil ka viswas hai.......
I love u............(•_•)
Sad moments,,,,,,,,,,
मनीष कुमार श्रीवास्तव
Sep 9, 2017
Sep 9, 2017 at 12:58 AM UTC
a pretext to the international audience..i am posting this as my rendition of the infamous tales of friendship turned love times...i tried to translate it into the universal language but it would fail to do justice . Yet if there is someone who would like to still understand what this will all be about ..message me and i shall give u the essence..happy reading :)
-----------dost ya zadda?----------------
ek ladka aur ladki kabhi dost nahi ** sakte,
keh gaye buzarg sab,nahi samajhti peedia
kis baat ka hai sharmana aab, par kaisi hai ye deewangi , jo dikhati mujhe pyaar aur tumhe dosti kitne kam samaye me hum kahan se kahan pohonch gaye , aur iss douran ham ek dusre ko kitna samajh gaye. tumhari bechaini samjhane ki , aur meri shiddat tumhe samajhne ki, chaand aata ,tehelta aur chala jata par hum na soote,jab log jaagte hum soote ,kya din the voh. in mukhauto ke peeche chupi jo asliat thi,jo unchui thi ,tum chu gaye , aur bass dil me bas gaye mahine guzar gaye aur kuch kehne ko dil chahta hai , par kya ye sahi rasta hai? kya ye mujhe aapne ghar pohoncha dega , ya banjara chod dega? najaane kab ye faisale aagay aur mujhe tumse door legaye jis dosti me aaj tak kuch nahi chipa ..aaj usme tijoria hai ... aaj usme gussa hai ,aag hai.. aaj isme gussa hai.
Apr 30, 2018
Apr 30, 2018 at 1:26 PM UTC
Rishtey wo nahi hote jo duniya ko dikhaye jaye,
Rishtey wo hote hai jo dil se Nibhaye jaye.
Rishtey nibhana har kisi ke bas me nahi,
Ab to bs rah gyi hai yadon ki haseen gali,
Rishtey wo nahi jo sirf sukh me kaam aate hai,
Rishtey tou wo hote hai jo dukh me sath nibhate hai,
Rishta agar es dil se hota hai,
Wo rista bda hi atut hota hai,
Rishta banao tou use dilon jaan se nibhana,
Kisi ki bhawnao ka mazak na udana,
Kisi ki zindagi bankar uski zindagi na chhen lena,
Aankhon mein aansuo ka tohfa na dena,
Rishtey me khatas nahi mithas hona chahiye,
Rishtey me bahas nahi vishwas hona chahiye,
Wo rista ek na ek din tut jata hai,
Jo rishta dil se nahi dimaag se nibhaya jata hai,
Saath chhodne wale tou bus majburiyon ka haath thaam lete hai,
Nibhane wale tou maut ka darwaza khatakne kya aakhiri saans tak hamare saath hote hain,
Rishtey tou milte hai mukaddar se,
Sanjo lo unhe dil mein,
Jis rishtey ko us khuda ne bnaye hai,
Ek na ek din use jaroor milaye hai,
Jab do dil ek ** jate hai,
Tab wo ek anmol rishtey kahlate hai....
Collaboration by Shrivastva MK and SoniaParuthi*
Apr 6, 2018
Apr 6, 2018 at 1:45 PM UTC
Or nahi koi bus hum he do
kahani khatam shuru hui tw
mujhy dekho, batien karo kam
Main or tum, kehti thi woh
aankhon mein tum kho jao jo
nazar aye kuch, jo tm dekho
pehli mulaqat , tum dilchasp **
ankhon mein doob kar, kehti thi woh
main nahi dilchasp, bs mukhtlif ***
mein jo bhe kahun bs chup chap sunti woh
hont khamosh, ankhon se ki sab baatien thi
raat wo ik jis se juri sab he yaadien thi
lagta hai ab tum se he karni faryadien thi
afsoos k tab kar na ska jo karni wazahtein thi
Khair teri meri thori c bhe ban na saki
kyunk waqt kam tha or bigri teri adatien thi
Main na bhool paoun teri jhooti hansee
naa he chor paoun mehsoos ** kami
ankhon me nami dil mein pyar bhe nahi
yadon mein jalan or aitbar bhe nahi
tum ik waqt ** jo beet geayaa
mera hasil nahi par bht kuch seekh gea
mere qabil nahi or mein khud ko jeet gea
meri manzil nahi ** tw q me kheencha gea
phir kyun kehti, mein or tum
shuru hote he kahani khatam
Dec 3, 2017
Dec 3, 2017 at 11:42 PM UTC
Khoobsoorti sadaf ki be misaal hoti hai....
Raaz hai uska jo chipa us mein ek moti hai.....
Sadaf ke do pat gar misaal e miya biwi hain...
Unki shadi ka rishta hi woh chipa moti hai...
Naazuk magar bohot woh baareek taar hota hai. ....
Jo us moti ko bana ke haar apne mein pirota hai...
Lamhe se lamha judta hai to ek zindagi banti hai...
Aur do zindagiyan milti hai to ek shadi ki ladi banti hai...
Qadam se qadam milane mein khud ki pehchaan bhi khoti hai...
Alag se rang mein rangi phir shaksiyat dono ki nikharti hai....
Azwaji zindagi ke kuch apne masale bhi hote hain...
Kaanton se bhari raahon mein paththar bhi biche hote hain....
Zakhm in rahon par chal kar zaroor hasil hote hain...
Tab woh dono hi to ek duje ka marham hote hain...
17 saalon mein maine to bas itna hi seekha hai....
Hai woh kaamyaab rishta mohabbat se jisko seecha hai...
Sona chandi jis tarah ek aurat ko sajata hai...
Pyar o ehteraam waise hi rishte ko banata hai...
Wafa ka bhi to ek bohot ehm muqaam hota hai...
Qaayam uske dam pe hi to aitmaad hota hai....
Kuch aise hi to daqeeq yeh uroosi rishte hote hain....
Beinteha mohabbat se jinhe in jodon ne seechein hain...
25 o 50 salon ka yeh safar e taweel mubarak ** ..
Aapko yeh khoobsurat qaid e hayaat mubarak ** ..
Dua karti hain "Ain" laa zawal mausam e ulfat **
Masrur rahe hayaat, har lamha pur rifaqat **
Sep 9, 2020
Sep 9, 2020 at 7:31 AM UTC