Di pipigilan
ang puso
na tumangis

Ang luha
sa pagpatak
nang dahan-dahan

Ilalakad pa rin
ang mga nanginging na paa
kahit masakit

Imumulat ang mga mata
habang lumuluha
at tinitingnan ka papalayo

Bubuksan ang kamay
lalo na't hindi
na hawak ang iyong palad

Hahagkan ang hangin
sa pagbabakasakaling
ika'y babalik

Titingnan ka na lang
sa malayo
at ngingiti

Sa pagkakataong iyon
alam kong ika'y
masaya sa kanyang piling

Hindi na pipilitin
at alam kong
ika'y di para sakin

At lalaging sasabihin
na kung hindi lang din ikaw
ay huwag na lang

Sa muling pagtatagpo
sa huling pagkikita
sa huling hininga
ikaw...

Hindi mo sya maihahalintulad
sa isang bulaklak na bagong bukadkad,
Dahil daig pa niya ang liwanag ng araw na matingkad,
At gaano man kalayo aking ilalakad,
dahil puso ay may nais ilahad,
at kahit saan man mapadpad
tanging dalangin ko sana ay matupad,
na ikaw ang aking tanging hangad
dahil ikaw ay walang katulad ❤