"dhoop" poems
Meri aankho ka tara hi , mujhe aankhe dikhata hai
Jise har ek khushi de di , wo har gam se milata hai
Jubaa se kuch kahu , kaise kahu , kisse kahu maa hu
Sikhaya bolna jisko , wo chup rahna sikhata hai ||
Sula kar soti thi jisko
Wo ab shab bhar jagata hai
Sunai loria jisko , wo ab taane sunata hai ||
Sikhane me usse kya kuch kami meri rahi sochu
Jise ginti sikhayi galtiya meri ginata hai ||
Tu gahri chao hai gar zindgi ek dhoop hai Amma
Dhara pr kab kaha tujh sa koi swaroop hai Amma
Agar ishwar kahi par hai usse dekha kaha kisne
Dhaa par tu hi ishwar ka koi roop hai Amma ||
Naa ucchai sacchi hai naa ye aadhar saccha hai
Maa koi cheej sacchi hai naa ye sansaar saccha hai
Magar dharti se ambar tak yugo se log kahte hai
Agar saccha hai kuch jag me to Maa ka pyar saccha hai ||
Jara saa der hone par sabhi se puchti Amma
Palak jhapke bina darwaja ghar ka taakti Amma
Har ek aahat par uska chouk padna fir duaa dena
Mere ghar laut aane tak barabar jaagati Amma ||
**|| Puchta hai Koi Dunia me Mohabbat hai kaha
Muskura deta hu mai or yaad aa jati hai Maa ||**
Sulane ke lie mujhko to khud jaagi rahi amma
Sirrhane der tak aksar meri baithi rahi amma
Mere sapno me pariya phul titli bhi tabhi tak the
Mujhe aanchal me apne le ke jab leti rahi amma ||
Badi choti rakam se ghar chalana jaanti thi maa
Kami thi par badi khusiya lutana jaanti thi maa
Mai khushhaali me bhi rishto me bas duri bana paya
Garibi me bhi har rishta nibhana jaanti thi maa
Laga bachpan me yu andhera hi mukaddar hai
Magar maa hausala dekar yu boli tumko kya dar hai
Koi aage niklne ke lie rashta nahi dega
Mere baccho badho aage tumhare saath hai amma
Kisi ke jakhm ye dunia to ab silti nahi amma
Kali dil me ab to preet ki khilti nahi amma
Mai apanapan hi akshar dhundta rahta hu rishto me
Teri nischal si mamta to kahi milti nahi amma
Gamo ki bheed me jisne hume hasna sikhaya tha
Wo jiske dam se tufanoo ne apna sar jhukaya tha
Kisi v julm ke aage kabhi jhukna nahi bete
Sitam ki ummr choti hai mujhe maa ne sikhaya tha || ||
Feb 17, 2017
Feb 17, 2017 at 12:39 AM UTC
Seetaro mai akela chaand si thi wo
Foolon ka mehekta guldan si thi wo
Thi nadi jaisi aviral,chanchal
mere dil ka haal si thi wo
Ghani dhoop mai chav si thi wo
Kisi geet ki addaon si thi wo
Thi hava si mehekti, komal
Mere dil ka bhav si thi wo
Beech majhdhaar mai nav si thi wo
Khusian ka pura gaon si thi wo
Thi koyal si meethi,nishchal
Mere man ka abhiman si thi wo
Paido par wo patto waali hari bhari koi daal si thi wo
Holi ke rango mai sabse saadi ek akeli gulaal si thi wo
Thi wadi kasmiri koi
Mere geeton ka sur aur taal si thi wo
Mandir mai wo shankhnaad si,pooja ka prasad si thi wo
Baarish mai mitti ki khushboo,badal ka dharti se sanvaad si thi wo
Thi meri wo beti pyari,usse hi ghar 'harshit' tha
Mere ghar mai sooraj si,Mere ghar ki shaan si thi wo
Thi ab wo jo nahi rahi,aakhir khata kya thi ki usne
mana hi to kia tha na beta shaadi se,
Par dosti ka haath bhi to badhaya tha
Teri Bezatti toh nahi thi ki usne
Fir kyun tune usko har ghar badnaam kia
Dushman na kare,dost hokar tune aisa kaam kia
Chali gayi ab chhod ke mujhko,wo akele jeevan ki saanjh mai
Meri khushiyan,meri duniya,meri pyari jaan si thi wo
Meri pyari jaan si thi wo
Apr 13, 2017
Apr 13, 2017 at 7:46 AM UTC
Toote se ek gharondey mein
kuch daraar si hai
jahan se ek awara dhoop ka katra
ek parindey ko uske khwaabon se jagata hai
thoda alsata sa wo kuch ghabrata sa wo
darwaze ke paas jaake har baar palat jaata hai
Use dekh ke na jaane main kyun bechain hota ***
Fikr-e-akhirat mein apni shaksiyat ko khota ***
Uski udaan ki mayoosi se waakif meri pehchan bhi hai
thoda adhura wo khud hai
thoda adhura mera aasmaan bhi hai
Band hai is shahar ki hawa,
Jeene ka kuch asar nahin mujhpe,
Kuch duur se ati koi awaaz, kahin yun hi kho jati hai,
Deewaron se takrakar,mere paas yun ati hai
Kis aur jaun, har simt se nawakif main aksar kho jaata ***
Andheri raaton mein akela khud ko pata ***
khud ke ehd ki zanjeeron mein, darakht si meri jaan bhi hai
thoda adhura main khud ***
thoda adhura mera aasmaan bhi hai
- طارق
Dec 11, 2012
Dec 11, 2012 at 6:16 AM UTC
Ek cup chai le kar baitha aur
Ravivar tha aur yunhi waqt
Beetta hi chala gaya…
Phir khuch panne ultaye…
Ankahi kahani ke…
Khuch Paheli Ko dekha…
Mann hi mann
Socha kal suljaunga
Woh wali purani Paheli…
Jo aaine ki tarah
Samne toh kabhi ojhal ** jaati hai…
Kyuki aaj Ravivar tha…
Aur waqt…
Thodi Dhoop Ko aane diya
Thodi thand se baatein Kiya
Phir ek cup chai Liya
kal Somvar hai
Toh
Aaj waqt…
Yunhi yunnhi…
Beetta chala Gaya…
Yunnhi yunhi
waqt aaj…
Toh..
Kya phir chai…
Mein pita hi chala gaya…
………
……
….
..
.
..
…
…..
………
…………..
Feb 10, 2019
Feb 10, 2019 at 2:18 AM UTC
Kya kabhi patharo ne siskiyan li hai?
Kato ne chubna chor diya?
Dil ne dhadakna;
Aur ankho ne barasna chor diya?
Kya kabhi kadi dhoop mei,
Indradhanus ko haste huwe dekha hai?
Iss duniya mei,
Insaano ko ladtey aur marte dekha hai?
Kya tumne kabhi socha hai,
Jiwan mei dukh ziyada aur khushi kam kiyu hai?
Rastey sabh seedhe nahi,
Tedhe rastein bhi manzil ke kareeb le jati hai.
Kya tumne kabhi rotey huwe buzurgh ko,
Aur besahara bacho ko dekha hai?
Apni unchi naak, neechi kar,
Dharti mata ko dhanayvad diya hai?
Nahi na! Ya sambhawna kuch toh kiya hoga.
Ya tumhare dil mein daya hi nahi.
Kya muskurana bhi bhool chuke **
Apne nahi toh dusroh ke liye kuch kiya karo.
Zindagi ke akhari pal mei, yaad karo ge.
Ek ek din ankho ke samne daud ke jayengi,
Tabh tum yaad karte, muskhurate iss duniya se,
Hamesha ke liye alvida kahe jaoge...
©sim
Aug 21, 2017
Aug 21, 2017 at 3:22 AM UTC
Na amiro ki basti mein rhta hu
Na hi gareebo ke aashiyane mein
Middle class ka hua
Middle mein rhta hu
Na pahali pankti ki pehali seat pr baithta hu
Na hi aakhar mein khada rhta hu
Middle class ka hu
Middle mein rhta hu
Na croro ka kabaar hai
Na hi gulabi note hazar hai
Middle class ka hu
Meri jarurate saman hai
Na luxury car hai
Na nhi cycle apni bekar hai
Middle class ka hu
Auto,riksha, paddle chalna
Apne liye aam hai
Na meri girlfriends char hai
Na hi single rhna izzat ka swaal hai
Middle class ka hu
Apne yaar,dost shandaar hai
Na aasman chhuti imarto par likha apna naam hai
Na hi sadak kinare bitati apni shaam hai
Middle class ka hu
In dono ke beech
Kaat leta apni raat hu
Na videsh ghoomnta hu
Nahi sehar se bahar jaana muskil samjhta hu
Middle class ka hu
Apna desh pura ghoom lena bhi bahut samajhata hu
Na sir jhukane wale log hai
Na hi sir jhukane wale hum hai
Middle class ka hu
Sabko gale lagana hi
Apna dharam hai
Na hi ac mein kaam karta hu
Na hi dhoop mein pasina sukhata hu
Middle class ka hu
Pankhe ke niche apna kaam karta hu
Na suraksha karmi apne pass hai
Na hi sarir apna lachar hai
Middle class ka hu
Apni jaan ki raksha apne hath hai
Na chhapan pakwan banate apne maharaj hai
Na hi khaali pet sota apna pariwaar hai
Middle class ka hu
Meri maa ke haath mein hi sara sawaad hai
Aug 5, 2018
Aug 5, 2018 at 2:59 AM UTC
Ek geet hotho par likhna
Yani saare geet hreeday ki
Meethi so choto par likhna...
Ek geet palko par likhna
Ek geet palko par likhna
Yani saare geet hreeday ki
Meethi si choto par likhna
Jaise -
Jaise chuv jata h koi
Kanta nange paow me
Jaise geet utar aate hai
Mere mann me gaao me
Jab v muuh dhak Leta hu
Teri julpho ke chhaon me
Kitne geet utar aate hai
Mere Mann me gaao me
Ki palke agar jhuki to jaise ×2
Dharti ke unnmad soo gye
Palke agar uthi to jaise
Bin bole sanwaad ** gye ×2
Jaise -
Jaise dhoop chunaria odhe
Aa baithi ** chhaon me
Jab bhi muh dhak Leta hu
Teri julpho ki chhaon me... ×2
Kitne geet utar aate h
Mere Mann me gao me... ×2
Nov 7, 2015
Nov 7, 2015 at 1:20 AM UTC
Kabhi chale ** un raahon pe
Jinse jude ** qisse kaafi tumhaare
Jin raahon pe hasi mazaak ki thi doston ke sang
Unnhi raahon mein tumne bhare the woh yaadon ke rang
Kabhi socha na tha ki
Akele bhi chalna padega kabhi
Goonjti hai woh awaaz tumhaari
Jab bhi chalta hu un raahon parr
Peeche mudke dekh bhi leta hu kabhi
Ke mehez dikh jaaye parchayi tumhari
Parr dikhte toh woh adhoore waadein he hein
Bebas karr rakhe hein mujhe jinhone
Woh baarish..woh dhoop
Sabka kiya tha saamna
Jab haath tha tumne mera thaama
Kya Yaad hai woh fool
Jo tod laayi thi tum uss ped se
Mere yaadon ke Gulshan mein
Khila hai woh fool kabse
Hasrat toh dekhiye
Woh ped bhi na sambhal paaya
Mujhe akela dekhkar
Woh bhi murjhaaya
Yahin chalte waqt kaha tha na
Ki chodogi nahi yeh haath kabhi
Chaahe fariyad ** jaaye humse harr koi
Tumhaare usi saath ki khoj mein hu
Jise laga liya tha apne rooh se kabhi
Sahi kaha tha uss shaks ne ki
Manzil nahi raahon mein junoon pao
Kyunki manzil toh pahuche he nahi the ke
Bewafa karr gayi mujhe uss raah pe akele
Kabhi Chalke dekhna
Inhi raahon pe akele
Yaad karna woh beetein hue qisse
Aur ** sake toh mudke dekhna
Dikhunga mein usi mod parr
Jaahan chod gayi thi mujhe..karke inkar
Kyunki badal liye tumne apne raahein
Jo kabhi samajh na paayi
meri yeh fitoor nigaahein
May 19, 2020
May 19, 2020 at 12:21 PM UTC
Tum bin
Mein kohre ki Dhoop dhoondta
Ek shikhar aashiqui sapne liye
Mann hi Mann ghumta
Wajeeb noor e rooshwayi
Dhoobta mein jalta khud hi khud me
Ek bebasi
ek dariyaan
Ek muhabbat e muskurahat
Teri woh jhilmil si jheel si Nazar
Aur nazaro nazaro me dhoondta dil pyaar ke sukun ke woh Lamhe!!!
...
..
.
Jan 4, 2018
Jan 4, 2018 at 1:45 AM UTC
Chahe aaye aandhi ya fir koi tufaan ,
Kamzor nahi padegi hamari udaan .
Chhaon ** ya kadakti dhoop ,
Nikhrega hamara naya roop .
Lakh mushibat aaye nahi rukenge hum,
Badhte jayenge yuhi hum kadam dar kadam,
Rastey chahe kitni bhi mushkil kyon na **
Har mushkilo ko chirte hue ek din manzil tk pahuch jayenge hum
Bheedh hamesha us raastey par hai chalti ,
Jahan ** na koi mushkil khadi .
Par humne chuna hai raasta alag ,
Kyunki karna hai humne kuch alag .
Itihaas rachna hai tou bhid se alag hona sikho,
Paristithio se daro nhi paristithio ko badalna shikho,
Ek din wo mukaam tumhe mil hi jayega,
Dekh tumhari safalta ko ek din kismat bhi muskurayega,
Mehnat ke bal par likhenge khud ki takdeer,
Takleef ke hain hum mahaveer.
Na chahat hai sitaron ki ,
Na tamanna hai nazaron ki.
Sirf wahi log itihaas rach ke dikhaya hai,
Jisne apne taklifon ko gale lagaya hai,
whi log asafal rah jate hai,
Jo mushkilo se darr tut jate hai,
Har mushkil ka saamna kar ,
Pahuchna hai apni manzil ke shikhar par .
Khamoshiyan sabra ka imtehaan ban gayi ,
Apne man mein Umeed ki jyot jag gayi .
Hum wo hai jo Kismat par rote nahi
Jo rote hai unke kuchh hote nahi,
Mandabuddhi wala einstein tou paper wala kalaam kahlaya,
Apne kaarnamo se hai vishwa me ek alag pahchaan banaya,
Laakhon kasht aa jaye saamne ,
Hamara ishwar bada hai us har takleef ke aage .
Musibaton se baghna na humne kabhi seekha ,
Hamari nanhi akhiyon ne bahut kuch hai dekha.
Milkar humne ye thana hai,
Naam nahi hume etihaas banana hai,
Ab kisi bhi mushkil se na darna hai,
Kyuki Hume kuchh alag karna hai,
Kuchh alag karna hai..
Collab Poem by
Sonia Paruthi & Shrivastva MK.....…....✍
Apr 8, 2018
Apr 8, 2018 at 12:35 AM UTC
Phir se ja raha hai tu
Wohi raah me jo chhor chuka hai tu
Kashmkash si jindagi ke safar me
Najane kanha kho chuka hai tu
Nadaan se anjaan sa ** gaya hai tu
Dhoop me tadapta jaan ke
Kyu itna phoolon se baat karta hai tu
Pagal sa tera dil ...
Kyu itni saari dillagi me doob gaya hai tu
Waqt se naraaz hai
Par halaat me dard e junoon me
Pyaar ki talash me ghumsum sa ghum raha hai tu ... Najane kanha kanha??
Aakhir Laut ke mehkhane me so gaya hai tu!!
Apr 4, 2018
Apr 4, 2018 at 5:14 AM UTC
Teri talaash e nazar
Ghumsum si ek hasi
Chand ka mukhra
Dil e tanhaiyaan
Rooh ko mat tadpa o janiya
Dheere dheere se aa
Aur Naja Naja kanhi dur
Mere dil e dooriyon
Khud se khafa itna
Ki dard ko pi liya gulmohar ki tarah
Rang rang me pyaar ko dhoondta
Mein pagal deewana
Kabhi ish sadak kabhi os sadak
Jalti dhoop me chalta yeh mann...
Thandi kohre ki tamanaah liye...
Jan 10, 2018
Jan 10, 2018 at 11:06 PM UTC
Waqt ke sath sath jeena chhor diya...
Aur ja ke mehkhane me pina jor diya...
Berukhi si jindagi me dhoop me aur dhoop
Tanhai me sulaya khud ko...
Bewajah ek sapna jor kar...
Chal rahe hai
Yunhi
Chal rahe hai
yunhi
Na jane kanha jayenge...
Ya
Wanha jana theek rahega yanha log nahi jate...
Phir..
Chal diye
...
Manzilon ki talash me...
Pal pal manzil badalte...
Khuch rukhe se swabhaav me
Khud par bar bar hanste...
Kya yunhi kat jayenge saare raste
Khuch pagalpan me...
Aur
Khuch deewangi me...
Aur
Awarapan me
...
..
.
Apr 1, 2018
Apr 1, 2018 at 8:08 AM UTC
Tum bhul Gaye mujhe
Is tarah ki me bhul Gaya apne aap Ko
Mehfil e mehkhane
Pyaar ki judaai e bepanhah Ishq
Kya karta mein ...
Mein jee ke na jeeya
Tere aarzoo e hasi
Teri yaad
Teri yaad
Aur Silsila tanhai ka
Tu Kanha
Mein dhuwaa e dhoondta
Teri Ruh Ko pyaar karta
Khud Ko bhula diya
Haan meine khud Ko bhula diya
Ishq ki baoli me
Dhoop me khud Ko jala diya
Teri Ruh Ko dekhta Nashe e jaam me
Feb 7, 2018
Feb 7, 2018 at 2:29 AM UTC
Jindagi e nasha e jung
Mein khud se itna khafa
Ki junglee hua dil
Mein pagal gali gali bhatakta
Ek musafir e samundar
Bheeg gaya nadiyon ke jaal me
Jal jal me dhoop e nasha
Mein piyo sharaab har dafa
Mat roko, mujhe thoda aur jeene do
Haan dard e nasha peene do
Haan thoda peene do
.
..
...
.
Apr 8, 2018
Apr 8, 2018 at 2:58 AM UTC
Phir se...
Ek aag si woh tanha raatein
Neend me woh barbarte baatein
Khud se bechain Dil..
Sapne me milta hua..
Khuch kehte hue..
Osse Mila...
Aur Laga ki woh bhi utni hi tanha..
Phir kya wajah...
Phir kya wajah...
Ghumsum gumsum..
Phir osse Dhoop ki ek palak
Aur mein jaaga.....
Aur oski yaad me...
Parvato ki gehraiyon...
Me doob Gaya...
Najane phir se...
Dec 17, 2017
Dec 17, 2017 at 5:54 AM UTC
Wajah bewajah
bina baat hi kabhi bas,
log rootha kyu karte hain ?
Kyu
apni hi ummeedon ke tang jaal mein
din raat,
yun hi ghuta karte hain ?
Jaane anjaane
hum “humare” “apno” se
wada jhootha kyu karte hain ?
Zindagi ki daud dhoop mein
kuch saathi bante hain
toh kuch
choota kyu karte hain ?
Dilon ke rishte
Aksar toota kyu karte Hain ?
Yeh roothne manane ka akhir silsila kya hai
Kai baar mile aur bichad gaye
Bhala majra kya hai ?
Iss banne aur sawarne ki
Iss tootne bikharne ki
Aakhir dawa bhi kya hai ?
Hey Nath,
Yeh das tumhare charano mein
Gira hua hai pooch raha
Mera dil hi kahin behaya kya hai
Ya paap ka ghada shaayad bhar gaya hai
Iss bhava bandhan mein phansa hua
Meri karun pukaar suno
Kukarmo ke daldal mein dhansa hua
Kar raha chitkaar suno
Davagni mein jal raha
Bheesan hahakaar suno
Daya karo ab hey Bhagvan
Ya ban Narsingh sanhaar karo
Aap ki sharan mein ab yeh dushtt
Iss neech ka uddhar karo
May 23, 2020
May 23, 2020 at 9:44 AM UTC
Tumhe dhoondho
Dhoop ki chandni me
Kyu mujhe neend me jagaya...
Sone diya hota...ek kalpana ...
Khwaab e gulaab
Ishq me dooba
Dil e mazbur...
Shayad zinda rehne ke liye...
Kya Pyaar jaruri hai ?
..
Apr 29, 2018
Apr 29, 2018 at 1:50 AM UTC
Mein Teri manzil e nazar
Bikhra hua sa manzil e ghulsan
Udta panchi yaad liye ghum raha tha
Teri galiyaan mein yunhi likh raha tha
Khub khubsurati me rang me ghul raha tha
Aur ek shant mann me laga mausam ko dekhta mastana
Dhoop me shanti ko dhoondta
Phirta awarapan dilse...
Feb 15, 2018
Feb 15, 2018 at 1:05 AM UTC
Mein teri yaad me
dooba ek kinare ...
Dhoop me jalta teri yaad me...
Deewanapan....
Pagal me firta hu Sagar kinare...
Jalta Mann...
....teri yaad me ....
Dec 9, 2017
Dec 9, 2017 at 1:18 AM UTC
Ek chingari
Dhoop me tikhi ...
Yaad e haqeeqat ki numahish ...
Dekhta apni adhuri manzil ko...
Khud se khafa e Pyaar se darta...
Ishq ki boond par mann e jaam...
Pita ek mehfil e rushwaii me...
Subhah ki na parwaah
Shaam e sab e sharabi...
Mann yeh mera...
Dooba ek adhuri kahani me...
...
Feb 14, 2018
Feb 14, 2018 at 12:59 AM UTC
Phir se dhoop
Aur shaam e saja
Palko me yaad liye...
Dard e dil...
Milti julti tesveere..
Dil me ghumti..
Jaise ki nayi tesveer ban gayi ** jaise
Again a scorching rays
And evening decorations
To remember in the eyelid...
Pain in heart ...
Similar photos ..
Revolves in the heart ..
Like a new picture
You have become
...
Apr 28, 2018
Apr 28, 2018 at 5:10 AM UTC