"binubulungan" poems
gusto kong lumapit sayo
ngunit, sa tuwing gagawin
ramdam ko ang 'yong paglayo
pagmamaka-awa'y dinggin
gusto kong hagkan ka muli
alam 'to ng mga bituin
bukambibig 'to sa gabi
binubulungan ang hangin
ngunit anong magagawa?
kung ayaw mo na saakin
isa lang akong mahina
gin'wa para 'kay mahalin
Oct 4, 2016
Oct 4, 2016 at 6:21 AM UTC
Noong panahong ika'y nasa aking mga akap,
mga panahong binubulungan mo pa ako ng mga pangarap mo sa buhay,
noong gabing iyon ang hindi ko makakalimutan.
Hinawakan mo ang aking kamay at tayo'y nagtitigan,
ngumisi ka na para bang nahihirapan ngumiti o tumawa.
Nag-paalam ka,
eto na ang huling pagkakataon,
ang huling tayo.
Pero malay mo,
sa susunod na tayo'y magkita muli,
ikaw at ako pa rin,
sa tamang panahon.
Nov 3, 2020
Nov 3, 2020 at 7:17 AM UTC
Nakadungaw ako ngayon sa bintana.
Umiihip yung hangin papasok,
nag-iingay,
tila binubulungan ako ng kalawakan:
“Handa ka ba sa
paparating na katapusan?”
Subalit walang hanggang nakikita
ang kalungkutan na ito.
Sa umpisa palang,
noong sinimulan natin ‘to,
talo na agad ako.
Hinihintay ka na niyang bumalik.
Ako din, mayroong nag-aabang
sa aking pag-uwi.
Hindi nila alam
na nagpapakapasaway tayo.
‘Di nila alam
kung gaano tayo kasaya.
Naaalala mo pa ba yung gabing
bumyahe ako pa-kyusi
para lang makita ka?
Kahit ngayon, habang ako'y nagsusulat,
pinapakinggan ko yung kantang tinugtog mo
nung pagdating ko.
Nasa pinaka-likod ako noon ng inuman, pero
nahanap mo parin ako.
Tapos buong gabi, pasilip-silip ka na —
akala mo di namin nahahalata,
pero yung titig mo’y
sumunog ng landas
patungo sa akin.
Halos binahagi mo ang buong madla.
Sa umagang sumunod,
unang beses mo akong ihatid pauwi,
at unang beses mo rin akong hagkan.
Habang ako’y nagsusulat ngayon,
napapaisip,
hindi ko alam
kung kailan tayo magkikita muli —
Pero sapat na sa akin ang kaalaman na
yinayakap ka niya
tuwing tumutulo ang iyong luha.
Sapat na sa akin
ang makita ang pangalan mo sa telepono
kahit na wala ka namang mensahe.
Sapat na sa akin
na naaalala mo ako,
kahit na paminsan-minsan lang.
Sapat na sa aking ika'y magligaya
kahit na sa dulo ng lahat,
ako yung talo.
Kaya sa ngayon,
maninigarilyo muna ako dito sa bintana,
maghihintay nalang sa susunod na minsang
maalala mo ulit ako.
Oct 8, 2022
Oct 8, 2022 at 10:03 AM UTC