"apne" poems
Kyun tu acha lagta hai , waqt mila to sochenge
Tujh mein kya kya dekha hai, waqt mila to sochenge
Sara sheher shanasai ka , dawedar to hai lekin
Kon hamara apna hai , waqt mila to sochenge
Hum ne usko likha tha , kuch milne ki tadbeer karo
Us ne likh ker bheja hai , waqt mila to sochenge
Mosam khushbu baad-e-saba chand shafaq aur taron mein
Kon Tumhare jaisa hai ,waqt mila to sochenge
Ya to apne dil ki mano , ya phir duniya walon ki
Mashwara uska acha hai ,waqt mila to sochenge
Kyun tu acha lagta hai , waqt mila to sochenge
Sep 13, 2016
Sep 13, 2016 at 12:55 AM UTC
Nikle to hum bhi the ghar se yahi soch kar ki shayad is bar manzil tak pahuch jayenge,
kyunki daudna to unhone hume bachpan mein hi sikha diya tha yeh kehkar,
ki agar nahin bhagoge to woh tumhe peeche chod jayenge.
Daudne ki kuch aisi adat se ** gayi hai ki pair ab rukne ka nam hi nahin lete,
lekin hume kya pata tha ki itna age nikal ane se, apne hi paraye,
aur woh sabhi raste anjane se ** jayenge.
Sabse door rehte hue bhi, in anjanon ki bheed mein woh ek chehra apna sa lagta tha,
lekin woh bhi hamesha kisi aur chehre ki talash mein rehta tha.
Sahi raste ko dhoondhne nikle to the, magar yeh nahin pata tha ki itni jaldi thak jayenge.
Kabhi kabhi to lagta hai ki ab ruk jana chahiye, thoda aram kar lena chahiye,
lekin woh bhi namumkin lagta hai kyunki, ab to sapne bhi ajeeb se ate hain.
Chalte chalte, wade to kafi kiye the is safar mein, kuch unse, kuch apne ap se,
lekin yeh andaza bhi nahin tha ki un sabhi umeedon par pani ferte hue chale jayenge.
Yeh mehsoos bhi nahin hua ki apne hi apnon ke pankh kat chuke the,
talash thi to bas us kandhe ki jo is ladkhadate hue ko sahara de sake.
Fir bhi, dheere dheere is katon ki chadar par age badna hai, dil yahi kehta rehta hai,
kyunki jhoothi hansi ki kuch aisi adat si ** gayi hai, ki ab chahte hue bhi dard ka ehsas nahin hota hai.
Mar 24, 2011
Mar 24, 2011 at 6:01 AM UTC
Yun chala main in raston pe,
Bhool gaya *** khud ko.
Saathi kaun thay mere yaad nahi ab toh
Bas koi dikhta hain door khada,
halkisi muskaan lekar
Aur nahi samjha kyun,
main bhi muskaya aise bina wajah
Par lagta hain ab aise ke,
Shayad wo teri yaad hain
Khoya main apne mein kuch aisa,
Yaaron ka nahi hain pata
Ghar se hoon itna door,
ke ab woh bhi nahi yaad ata
Woh gaana sunta jab,
gungunta use awaaron jaisa tab
Aur nahi samjha main,
kyun gungunaya aisa bin matlab
Par lagta hain ab aise ke,
Shayad woh teri yaad hain
Juda hunye hain hum,
milte nahi hain ab hum
Din guzre,
beete hain ab saal
Zindagi mein main apne khoya, tu apne
Par phir bhi lagta,
shaayad hum milte toh hoti duniya alag
Hoti Manzil ek aur raaste ek,
Aur hota ek saathi,jise karta nahi main sirf yaadon mein quaid
Sep 4, 2014
Sep 4, 2014 at 10:58 AM UTC
Zindagi ko jina sikh lo,
Zindagi se ladna sikh lo,
Hausla rakho sabse uper,
Zindagi me jitna sikh lo,
Bana do apni ek alag pahachan,
Naam wahi par kam alag **
Visva me tumhara ** ek alag kirtimaan,
Karke apne kul ko rausan,
hansna aur hansana sikh lo,
Zindagi ko jina sikh lo,
Dikha do duniya ko
Kanto jaisi raho par chalkar,
Pa lo apni manzil ko
Ek misaal bankar,
Etihas ke panno pe
apni pahchan likh do,
Safal hokar jeevan me tum
Zindagi ko jina sikh lo,
Zindagi ko jina sikh lo....
Jun 10, 2015
Jun 10, 2015 at 7:25 AM UTC
Sapne dikha kyon tor diya ,
Waada kar sath nibhane ka
Manzil se pahle hi kyon chhod diya,
Ab tujhse sare ristey tod denge hum ,
Mohabbat chhod denge hum,
Mohabbat chhod denge hum. ...
Ab to akele rahne ki aadat si ** *** hain ,
Tujhse to mujhe ab nafrat ** *** hain,
Kisi ko ab apna dil na denge hum,
Mohabbat chhod denge hum,
mohabbat chhod denge hum,
Tune mujhe aisa thokar mara
ki muskurana bhi bhul gya hoon,
Apne dard ko hi pyar samajh raha hoon,
Ab tere pyar se bhi mu'h mor lenge hum,
Mohabbat chhod denge hum,
mohabbat chhod denge hum. ... .
May 19, 2015
May 19, 2015 at 10:15 AM UTC
aga hai josh
jagi kismat nayi
apne hi hatthon se likhunga kismat abhi
bhale hi paise se fakeer
par paise se gareebh nhi
hai hathon mai dum tere
toh uth!!
kyonki
bhagwan hai tera zameer
teri kismat nahi!!
namumkin naam ki aisi yahan koi cheez nhi
milegi manzil
chahe karibh nhi
agar hui teri haar
toh maanle ye baat banda tu hi hai iska zimmedar
koi aur nhi
jo kuch chahega tu
wo bhi paa jayega tu
kr khud pe yakeen jeet jayega tu
haan jeet jayega tu
Jun 1, 2014
Jun 1, 2014 at 1:14 PM UTC
Meri aankho ka tara hi , mujhe aankhe dikhata hai
Jise har ek khushi de di , wo har gam se milata hai
Jubaa se kuch kahu , kaise kahu , kisse kahu maa hu
Sikhaya bolna jisko , wo chup rahna sikhata hai ||
Sula kar soti thi jisko
Wo ab shab bhar jagata hai
Sunai loria jisko , wo ab taane sunata hai ||
Sikhane me usse kya kuch kami meri rahi sochu
Jise ginti sikhayi galtiya meri ginata hai ||
Tu gahri chao hai gar zindgi ek dhoop hai Amma
Dhara pr kab kaha tujh sa koi swaroop hai Amma
Agar ishwar kahi par hai usse dekha kaha kisne
Dhaa par tu hi ishwar ka koi roop hai Amma ||
Naa ucchai sacchi hai naa ye aadhar saccha hai
Maa koi cheej sacchi hai naa ye sansaar saccha hai
Magar dharti se ambar tak yugo se log kahte hai
Agar saccha hai kuch jag me to Maa ka pyar saccha hai ||
Jara saa der hone par sabhi se puchti Amma
Palak jhapke bina darwaja ghar ka taakti Amma
Har ek aahat par uska chouk padna fir duaa dena
Mere ghar laut aane tak barabar jaagati Amma ||
**|| Puchta hai Koi Dunia me Mohabbat hai kaha
Muskura deta hu mai or yaad aa jati hai Maa ||**
Sulane ke lie mujhko to khud jaagi rahi amma
Sirrhane der tak aksar meri baithi rahi amma
Mere sapno me pariya phul titli bhi tabhi tak the
Mujhe aanchal me apne le ke jab leti rahi amma ||
Badi choti rakam se ghar chalana jaanti thi maa
Kami thi par badi khusiya lutana jaanti thi maa
Mai khushhaali me bhi rishto me bas duri bana paya
Garibi me bhi har rishta nibhana jaanti thi maa
Laga bachpan me yu andhera hi mukaddar hai
Magar maa hausala dekar yu boli tumko kya dar hai
Koi aage niklne ke lie rashta nahi dega
Mere baccho badho aage tumhare saath hai amma
Kisi ke jakhm ye dunia to ab silti nahi amma
Kali dil me ab to preet ki khilti nahi amma
Mai apanapan hi akshar dhundta rahta hu rishto me
Teri nischal si mamta to kahi milti nahi amma
Gamo ki bheed me jisne hume hasna sikhaya tha
Wo jiske dam se tufanoo ne apna sar jhukaya tha
Kisi v julm ke aage kabhi jhukna nahi bete
Sitam ki ummr choti hai mujhe maa ne sikhaya tha || ||
Feb 17, 2017
Feb 17, 2017 at 12:39 AM UTC
Tujhe pane ki khushi gam me badal ***
Tujhe dekh gairo ke saath
Teri yaad mujhe chhod chali ***
Rula ke mujhko ai bewafa
Tum kaise un palo ko bhul ***
Adhuri hain duniya pyar bina,
Adhure hain hum tumhare bina,
Bata ke roya "MANISH "bhi apne dil ka hal,
Chale gye wo chhodkar ek adhura sawal,
Kaise jiyenge hum tumhare bina,
Tere bina ye zindagi ko kya jina,
Udas hain har lamha yahi sochkar,
Kyon achanak chale gye mujhse mu'h morkar,
Ye dhai akshar pyar ka kitno ko rula diya,
Kisi ko kavi to kisi ko shayar bna diya,
Kaise sahun ye dard teri judai ka,
Kaise kate ye alam meri tanhai ka,
yaad aayenge hum tumhe har pal,
Tere bina ai zindagi kaise kate ye pal,
Ye pal
Jun 11, 2015
Jun 11, 2015 at 12:48 PM UTC
Jab aankh khuli to amma ki
godi ka ek sahara tha
uska nanha sa anchal mujhko
bhumandal se v pyara tha.....
uske chehre ki jhalak dekh
chehra phulo sa khilta tha
uske stan ki ek bund se
mujhko jeevan milta tha
haatho se baalo ko noocha
pairo se khoob prahar kia
phir v us maa ne puchkara
humko jee bhar ke pyar kia
Mai uska raja beta tha
wo ankho ka tara kahti thi
mai banu budhape me uska
bas ek sahara kahti thi
ungli ko pakad chalaya tha
padhne vidlaya bheja tha
meri naadani ko v neej
antar me sadasaheja tha
Mere saare prashno ka wo
fauran jawab ban jaati thi
meri raho ke kaante chun
wo khud gulaab ban jaati thi
mai bada hua to college se
ek rog pyar ka le aaya
jis dil me maa ki murat thi
wo ramkali ko de aaya
shaadi ki pati se papa bana
apne rishto me jhul gya
ab karwa chauth maanta hu
maa ki mamta ko bhul gya
hum bhul gye uski maamta
mere jeevan ki thati thi
hum bhul gye apana jeevan
wo amrit wali chaati thi
Hum bhul gye wo khud bhukhi
rah karke hume khilati thi
humko sukha bistar dekar
khud geele me soo jaati thi
hum bhul gye usne hi
hotho ko bhasha sikhlayi thi
meri neendo ke lie raat bhar
uss maa ne lori gaayi thi
hum bhul gye har galti par
usne danta samjhaya tha
bach jau buri najar se
kala teeka sada lagaya tha
hum bade hue to mamta wale
saare bandhan tod aaye
bangle me kutte paal laye
maa ko vridhaashram chod aaye
apano sapno ka mahal girakar
kankar -kankar been laye
khudgargi me uske suhag ke
aabhushan tak cheen laye
Hum maa ko ghar ke batware ki
abhilasha tak le aaye
usko paawan mandir se
gaali ki bhasha tak le aaye
to be continued ........(next part may be in next week)
Aug 3, 2015
Aug 3, 2015 at 3:04 PM UTC
Tere pyaar me roya hai maine,
Teri yaadon ko sajoya hai maine,
Teri khushi ke liye maine sanam,
Teri rahon me phool bichhoya hai
maine,
Tujhe apni zindagi banaya hai maine,
Apni sanson me tujhe basaya hai maine,
Tere ishq me bechain dil ko
badi muskil se samjhaya hai maine,
dekh tujhe in aankhon se
Khushi ke aansoo bhi bahaya hai maine,
Teri sapno ko apne aankhon me sajaya
hai maine,
Tere dard ko apna dard bhi banaya hai
maine,
Tujhe dekhne ki hasrat leker
Kitne thokar khaya hai maine,
Najane kitne thokar khaya hai maine...
Jul 9, 2015
Jul 9, 2015 at 9:29 AM UTC
Payal ki chaan-chaan se chaanke
khanke ban kangan
oos ki bunde hai hum ladki
man hai ek darpan,
Humse hai ghar baar tumhara
humse hai aangan
oos ki bunde hai hum ladki
maan hai ek darpan,
Ladke hai wo prem ki jisme
hum tasweer sajaate
Haatho ki khalirekhao par
hum kishmat ban jaate
Humshe mahkata hai bachpan
aur sajta hai yowwan
oos ki bunde hai hum................
.........................................darpan
Kabhi geet hai kabhi gajal hai
aur kabhi angaar
Hum khubi se nibha rahe hai
apne sab kirdaar,
Chand sitare choo aaye hum
tood ke har bandhan
oos ki bunde..........
....................dhadkan
Hum hi wo maa hai jisne
iss dunia ko hai banaya
Patni Bhabhi Bahna Beti
ke rishto se hai sajaaya
Mat raundoo hum kalio ko
Mit jaayega Uppwan
oos ki bunde hai hum ladki
maan hai ek darpan....
(DEDICATED TO EVERY GIRL)
Feb 5, 2015
Feb 5, 2015 at 9:40 AM UTC
Kagaz ki kashtiyon mein kai bar safar kar liya,
ab ek lambi udan bhar lene do.
Aj in bandhe hue pankhon ko khuli hava mein sans le lene do,
kyunki ab girne ka khauff nahin raha.
Daudne mein ab koi maza nahin hai,
kyunki yahan to hava jaise tham si gayi **
Ab rukne ka bilkul man nahin raha,
aj to toofanon mein sair karne lene do.
Dayron mein rehte hue adhi zindagi guzar gayi,
aj to un hadon ko par kar lene do.
Dar dar ke kab tak khamosh rahoge dost,
zameen par jeet jane mein kuch nahin rakha ,
aj to uchaiyon par jashn mana lene do.
Unke chale hue raston ko kai bar nap liya,
aj mujhe bhi apni pehchan bana lene do.
Kismat ka rona to sabhi rote hain,
aj mujhe bhi apne naseeb ka kora kagaz rang lene do.
Kabhi kabhi to man karta hai ki
un azad parindon ki tarah hava mein bas tairta hi reh jaoon.
Asan to kuch nahin par sochta *** ki
aj namumkin ko hi apna dost bana loon.
Kitabon ke panne kafi palat liye,
aj mujhe bhi do shabd likh lene do.
Hans lene do jinhe hansna hai mere in mazboot iradon par.
Kya samjhenege who is khuli udan ki masti ko,
jinhe kabhi bharosa nahin hua khud par,
aur hamesha rakha tha apne armanon ko pinjre mein kaid kar.
Khule asman mein aj ek bar ud lene do,
kya pata kal wahan bhi zaroorat se jyada bheed **
Kai dinon ke bad aj ek bar fir azad hone ka man kiya hai
Tod do in bediyon ko, kyunki aj ek lambi udaan bharne ka iraada hai
Mar 23, 2011
Mar 23, 2011 at 9:20 AM UTC
Zikr jab zindagi ka hota hai toh hum aksar apni zindagi ke guzre waqt ke flashbacks mein chale jaate hai, aur kehte hai zindagi toh bohot buri guzar rahi hai.. yeh maana ki jo beet gaya hai usse bhulaya toh jaa sakta hai magar apne zehan se mitaya nahi jaa sakta.. bas unn tamaam ache-bure daur ko muqaddar samjhkar aage badha jaa sakta hai. Aur life mein ek phase aata jab humein lagta hai ab aur kya dekhne ko baaqi reh gaya hai zindagi mein saare tajurbe aur sabaq mil chuke hai ab toot jaane mein hi bhalayi hai haar jaana hi ek aakhri sahi rasta hai. Aur phir apni khushiyon ka shok aur barbaadiyon ka jashn manane lag jaate hai. Magar khushiyan bhi itni aasani haar nahi maanti. Zindagi humein har ache-bure daur ke baad ek khoobsurat tohfa deti hai jisse hum mauka kehte hai. Humein zindagi se mile wo saare tajurbe aur sabaq phir se jeene ka hausla dete hai. Ek nayi umeed dete hai. Aur shayad isliye hum zindagi ka saath nahi chhorte.
Beete kal mein pareshan rehte hai, aane kal ki fizool mein fikar rehti hai aur jo aaj hai usse jeete toh hai magar thodi bechaini ke saath. Jo guzar gaya usse accept karke aage badh jao, jo kal hoga wo tumhare aaj ki mehnat se pata chalega na ki fikar se, aur apne aaj se mohabbat karo.
Ek badi ajeeb si cheez hai jo hum sabhi ke saath hoti hai jab hum 5-6 saal purani tasveer mein khudko dekhte hai toh hasi aajati hai ki kaise the hum ab waqai behtar badlaav aaya hai hum mein wo badlaav tum laaye ** khud ke andar. Waqt ke saath mature hokar, mushkil se mushkil maqaam haasil karke, apna vision aur mindset positive rakhkar, apni zindagi ko sahi raaste mein le jaakar. Isliye tum haare nahi ** zindagi mauke deti hai magar tumhe ehsaas tak nahi hone degi kab tumne uss mauke ka fayda utha liya. Aur agar kabhi bura phase aaye toh uss mein bekhauf hokar jeena magar sahi waqt par nikalkar apni zindagi ko behtar bana dena. Kyunki abhi tumhara qissa khatam nahi huwa, abhi tumhe nikhar ke wapas aana hai kahani badalne.. .
Mar 1, 2020
Mar 1, 2020 at 12:25 PM UTC
In labon ki khushi byan karta ***
Mai tumse pyaar karta ***
Ai khuda, na chhin lena ye lamha bhi mujhse, kyoki
Dil ke mandir me mai unhe bhagwan ki tarah pujta ***
In labon ki khushi byan karta ***
Apni tasveer unhe samjhta ***
Jab nind se band ** jati hai ye aankhen,
Mai sapno me bhi unhi ka intezar karta ***
In labon ki khushi byan karta ***
Apne jeevan ki dor unhe samjhta ***
Unki muskurahat na chhute kabhi unke othon se, isliye
Har roj mai unki khushi ke liye dua karta ***
In labon ki khushi byan karta ***
Apne aankho ke aansoo unhe samajhta ***
Wo Hamesha en aankhon me chhalakati rahe, Isliye
Hum Hamesha unki yaad me rota rahta ***
Nov 13, 2015
Nov 13, 2015 at 10:31 AM UTC
Yaad aata mujhe
tera ye Khubsurat chehra,
Kab tak rahogi yu dur mujhse,
Laga ke mere Dil pe apne pyaar ka pahera,
Baitha hoon esi intezar me,
Dekhlu tujhe ji'h bhar ke main,
Kho jau es kadar tere pyaar me,
Tera **** hain khusboo,
Teri mohabbat hain lahera,
Yaad aata mujhe
Tera ye khubsurat chehra,
Ye khubsurat chehra.......
Kaun sulajhaye es paheli ko,
Jab roti hain aankhen,
Tab dard hota hain es dil ko,
Mere dil-o-dimag pe ab teri yaadon ka pahera,
Yaad aata mujhe
tera ye khubsurat chehra,
Ye khubsurat chehra.........
Jun 8, 2015
Jun 8, 2015 at 12:10 PM UTC
Kanyadaan hua jab pura, Aaya samay vidayi ka
Hashi khushi sab kaam hua tha, Saari rashmm adaai ka
Beti ke uss kaatar swar ne , Baabul ko jhakjhor dia
Puch rahi thi papa tumne, Kya sach-much me chodd dia
Apne aangan ki phulwari, Mujhko sada kaha tumne
Mere rone ko pal bhar bhi, Bilkul nahi saha tumne
Kya iss aangan ke kone me, Mera kuch asthan nahi
Ab mere rone ka papa, Tumko bilkul dhyan nahi
Dekho antim baar dehri, Log mujhhe pujwaate hai
Aakar ke papa inko kyu, Aap nahi dhamkate hai
Nahi rokte chacha taau, Bhaiya se v aas nahi
Aisi bhi kya nishthurta hai, Koi aata paas nahi
Beti ki baato ko sun ke, Pita nahi rah saka khada
Umadd pade ankho se aanshu, Badahawas sa daud pada
Kaatar bichia si wah beti, Lipat pita se rotii thi
Jaise yaado ke akshar wah, Ashru bindu se dhoti thi
Maa ko laga god se koi, Maano sab kuch cheen chala
Phool sabhi ghar ki phoolwari se koi jyo been chala
Chota bhai bhi kone me, Baitha biatha subak raha
Usko kaun karega chup ab, Wah kone me dubak raha
Beti ke jaane par ghar ne, Jaane kya kya khoya hai
Kabhi naa rone wala baap bhi, Phoot-Phoot kar roya hai ............
Sep 24, 2015
Sep 24, 2015 at 8:07 AM UTC
KYON ** gya mujhe ek ajanabi se pyar,
Na jante hua bhi KYON hain ye dil usi ke liye beqarar,
Karke bechain mujhe KYON hain mujhe har waqt usi ka intezar,
Main nahi janta ki kaun hain wo,
jo mujhe apne pyaar ka mujarim bna liya,
Banake DEEWANA mujhe,
mere kore sa dil pe apna naam likh diya,
KYON aata hain mere sapno me uska dhundhlata chehra,
Lagne laga ab har khawab sach mujhe,
Kaha chale gye wo laga ke mere dil pe apne yaadon ka pahera,
Har waqt muskura'h raha hoon jabse mujhe pyar hua hain,
Kho gya hoon main usi ke yaadon me jabse use dil diya hain,
KYON wo mere **** ka jaan ban *** hain,
Karke pareshan mujhe meri jahan ban *** hain,
KYON ye palakein nahi jhapakti jab use dekhti hain ,
Uske bina ye puri duniya suni lagti hain,
KYON mangne lagta hoon use apne rab se,
Dekha hain use aur pyar hua hain jab se.....
Jun 12, 2015
Jun 12, 2015 at 9:49 AM UTC
Mujhe kuchh kahna hai,
mujhe tere dil me rahna hai,
Na ruth jana kabhi mujhse,
Kyoki tera banke jina hai
Mujhe tera banke hi mar jana hai,
Mujhe kuchh kahna hai,
Mujhe tera aansoo banke bahna hai,
na bna sako mohabbat mujhe to
gam hi bna lo,
Kyoki tere dard me bhi
mujhe tere sath hi rahna hai,
Mujhe tere sath hi rahna hai,
Mujhe kuchh kahna hai,
Mujhe teri muskurahat banke
tere labon pe rahna hai,
banke kajal teri aankhon ka
mujhe har waqt teri aankhon me hi rahna hai,
Teri aankhon me hi rahna hai,
Mujhe kuchh kahna hai,
mujhe tera khwab banke rahna hai,
Jab gahari nind se band ** jaye ye palaken teri,
teri un mitthe khwabo me apne dil ki baat kahna hai,
mujhe apne dil ki baat hi kahna hai,
Jul 7, 2015
Jul 7, 2015 at 8:45 AM UTC
Ki fir meri yaad aa rahi hogi
Fir wo deepak bujha rahi hogi*2 *2
Ki fir mere facebook pe aa kar wo *3
Khud ko baynarr bana rahi hogi *2 *2
Ki fir meri yaad aa rhi hogi
Fir wo deepak bujha rahi hogi.....
Apne bete ka chum kr matha *3
Mujhko teeka laga rahi hogi *2 * 2
Fir meri yaad aa rahi hogi
Fir wo deepak bujha rahi hogi.....*2
Fir ussi ne usse chuwa hoga *3
Fir ussi se nibha rahi hogi *2
Fir meri yaad aa rhi hogi
Fir wo deepak bujha rahi hogi.....
**** chaadar sa bich gya hoga *3
Ruh silwat hata rahi hogi*2
Fir meri yaad aa rahi hogi
Fir wo deepak bujha rahi hogi...
Fir se ek raat kat gyi hogi *3
Fir se ek raat aa rhi hogi*2
Fir meri yaad aa rahi hogi
Fir wo deepak bujha rahi hogi...... *2
Apr 5, 2016
Apr 5, 2016 at 5:42 AM UTC
MAI BAHV SUCHI UN BHAVO KI
JO BIKE SADDA HI BIN TOLE
TANHAI HU HAR US KHAT KI JO
JO PADHA GYA HAI BIN KHOLE
HAR AANSU KO HAR PATTHAR TAK
PAHUNCHANE KI LACHAR HUK
MAI SAHAJ ARTH UN SABDO KA
JO SUNE GYE HAI BIN BOLE
JO KABI NAHI BARSA KHUL KAR
HAR US BADA L KA PANI HU
LAV-KUSH KI TEER BINA GAYE
SITA KIA RAM KAHANI HU
MAI BHAV SUCHI UN BHAVO KI.
............
KI JINKE SAPNO KE TAJ MAHAL
BAN NE SE PAHLE TUT GAYE
JI HAATHO ME DO HAATH KABHI
AANE SE PAHLE CHUT GYE
DHARTI PAR JINKE KHONE AUR
PAANE KI AJAB KAHANI HAI
KISHMAT KI DEVI MAAN GYE
PAR PRANAY DEVETA RUTH GYE
MAI MAILI CHADAR WALE US
KABIRA KI AMRIT VANI HU
LAV-KUSH KI TEER BINA GAYE
SITA KKI RAM KAHANI HU
KUCH KAHTE HAI MAI SEEKHA HU
APNE JAKHMO KO KHUDSEE KAR
KUCH JAAN GYE MAI HASHTA HU
BHEETAR BHEETAR ANSU PEEKAR
KUCH KAHTE HAI MAI HU VIRODH SE
UPJI EK KHUDAAR VIJAY
KUCH KAHTE HAI MAI MARTA HU
KHUD ME JEEKAR KHUD ME MARKAR
LEKIN MAI HAR CHATURI KI
SOCHI SAMJHI NADANI HU
LAV-KUSH KI TEER BINA GAYE
SITA KI RAM KAHANI HU...
WRITTEN BY :::::: SHASHANK KUMAR DWIVEDI
Nov 20, 2013
Nov 20, 2013 at 8:11 AM UTC
Najane kyon tadapati hain
ye yaadein,
Kabhi rulati Kabhi Khush kar jati
ye yaadein,
Mere jine ka jariya hain bus yahi,
Kabhi dard bankar jakhm deti hain,
To kabhi dard ka maraham ban jati
Ye yaadein,
ye yaadein......
Silsile ye mohabbat ka
Jari rahengi zindagi bhar,
Karke pyaar tumse sanam
bhatak raha hoon dar dar,
Kahan gye wo din,
Kahan gye wo waadein,
Ab mere paas rah gayi hain
bus teri ye yaadein,
ye yaadein......
Bahla raha hoon apne dil ko
Un yaado ke sahare,
Chale gye ** tum lekar
Wo Khubsurat bahare,
Pahli nazar me deewana banakar
Bechain kar jati ye yaadein,
mere dil-o-dimag par bus
Teri ye yaadein,
ye yaadein....
Jun 4, 2015
Jun 4, 2015 at 10:05 AM UTC
Shaam ki sardi mein
Jab ghar se hum nikle,
Mast kuch bachchon ne yaad dilaya The hum bhi kitne befikre.
Beet gaya aane se pehle,
Waqt kisi ka na hua.
Bachpan le gaya sang apne,
Phir aaye mudke hai yehi dua.
Kashtiyan kagaz ki banake
Chalate the paani mein,
Yehi nahi baarishon mein ghoomne Nikalte the apni cycle pe.
Baarish ka anand nahi,
Toofanon se darte hain ab,
Woh din bhi kya din the
Jab apne se lagte the sab.
Kahaniyan sunke khud ko
Doobate us duniya mein,
Na jhooth, na dikhava,
Na dhokha tha usmein.
Dil mein thi ek bekarari hamesha, rehta tha khushi ka intezaar,
Ab hai yakin kismat pe apni,
Kabhi na lautenge ab woh din raat.
Jan 8, 2016
Jan 8, 2016 at 10:24 AM UTC
Judai
~~♥~~
Suno jaana
Mujhse kai logo ne pucha hai.
judai kaisi hoti hai.
judai kaisi hoti hai.
Me kehta hu
Zara thehro batata hu.
judai kaisi hoti hai.
judai aisi hoti hai.
bhari mehfil me bhi
kahi tanhai me kho jana.
Kirchi kirchi kanch ke
tukdo sa bikhar jana.
Or un tukdo me ek hi bas
ek hi chehere ka nazar ana.
Judai aisi hoti hai.
Simatna chah kar bhi
khud se na simat pana.
Har kisi ke samne
muskan chehre par le ana.
Dard saare chupane ki
ek nakaam si be-matlab
koshish kiye jaana.
khud apne aap se us
lamhat me nafrat si ** jana.
Judai aisi hoti hai.
Mulakato ke naam pe
milna u to kai logo se
har chehre me usi bas Usi chehre ko dhundte jaana.
Naam uska apne
lab pe saja lena.
Us ki kahi koi baat
yaad ane par rote hue thahake mar ke hans dena.
Or hans kar ke ek dam se khamosh ** jaana.
Naam uska le kar gir padna.
kai raato tak aansuo se
takiyo ko bigo dena.
Duao me usi ke liye
haatho ko failana.
khwabo or khayalo me
usi se wasta rakhna.
na mil pane ka ghum
is dil ko satana.
Or fir tut kar bikhar jaana.
Judai aisi hoti hai.
Jhukaye gardan fir kabro me apni lout aa jaana.
Jise ham ghar bhi kehte hai.
Use Suna sa dekh kar kadmo ka theher jaana.
fir na utha pana.
Ye sab kya hai
judai ki nishani hai.
Na mil pana, satana, or har kadam har moud par tut'te bas tut'te jana.
Judai aisi hoti hai.
Jaise andheri si gufao me talash roshni ki ** jaana.
jaise kisi apne ke haatho se haatho ka bichad jana.
Fir na mil pana.
kisi apne ko jata dekh kar
Dur se aawaze laga kar rokna.
Apne haatho ko jhatak na or diwaro pe patak dena.
Or bas kuch na kar pana.
bhari aankho se use
dur hote dekhte jana.
Palkey tak na jhapkana.
Fir aansuo ka jaise
sailab aa jana.
judai ki aag me
jalna,jhulasna
or zinda reh jana.
judai aisi hoti hai.
Judai aisi hoti hai.
Nk Sairam :)
Jan 13, 2019
Jan 13, 2019 at 5:20 AM UTC
Har haal mein hum khush reh le,
Gujarish hai bs mera humsafar har janam mile.
Tabeez bnkar har buri nazar se mai unhe bacha lu,
Apni har saans mai har janam unke sang likh du.
Ye saanse agar tham bhi jayein,
Aye mere sanam aap humesha mere sang rahein.
Ye uljhi hui haathon ki lakeer,
Aapke aane se sajti hai taqdeer.
Mere rom rom bs ek hi hai naam,
Aye khuda padh le mere naam se aaya paigaam.
Daaman failaye fariyaad hai tujhse,
Humesha jode rakhna mujhe unse.
Wo mile sab kuch paa liya maine,
Aur kuch na ab mujhe chahiye.
Ankhiyon ko sukoon milta,
Jab chehra unka dikh jaata.
Is rani ki jaan tou hai wo raja,
Unhi ki badault meri maang mein sindoor saja.
Har koi chahta hai us aasmaan ke chaand ko,
Mera chaand tou mere paas humesha **
Sajda karu mai unki is rooh ko,
Suche moti se bhi saacha hai unka dil wo.
Poori kayenaat samet ke meri jholi mein daal di,
Is dil ki saanse tou us dil se humesha humesha ke liye judi.
Wo saath hain tou mera khuda hai mere pass,
Behad pyaara hai unka aur mera dil ka har ehsaas.
Jab raakh ** jayegi ye kaaya meri,
Mujhe har pal sukoon pahuchayegi awaaz wo teri.
Saanse rahe na rahe mere saathiya,
Humesha mere sang rehna mere mahiya.
Jab umar ki ye naiya bhawar badal legi,
Chehre ki chamak apne rang badal degi.
Fir bhi aap humesha mere sang rehna,
Mujhe aapse bs yahi hai kehna.
Bikhre bikhre se they hum pehle,
Aapke aane se is zindagi mein phul khile.
Mere pass shabd hi nahi hain ki kaise us uparwale ka ,
Mai shukriya ada karu? Aap mile sab kuch mil gaya.
Jab ye waqt khafa hone lagega mujhse,
Ye duniya bhi saath chhor degi aas rhegi tujhse.
Har kadam par saath rehna mere sanam,
Tere siwa koi nahi hai mera humdum.
Ye qismat humari bhut khel hai khelti,
Dil ki dadhkane har pal aapko talaashti.
Chahe kaisa bhi ** manjar,
Zameenein hongi banjar.
Tab bhi mere sang rehna.
Bs yhi hai aapse kehna.
Aapke ye ardhangini humesha hai aapke saath,
Haathon mein liye hardum aapka haath.
Chahe waqt badle ya taqdeer khel khele,
Har pal aapki biwi milegi aapko lagaye seene se .
Kuch nahi chahiye humein,
Neele gagan ke neeche kahin bhi aapke sang rehle.
Bs aap saath rehna,
Itna hi mujhe kehna.
Nov 13, 2019
Nov 13, 2019 at 8:47 AM UTC
Chand ko dekhkar yaad tumhari aati hai,
Chand ki chandni b sath rahkar door hojati hai,
Chand ne auron ko to khush rakhti hai chandni apne ujale se,
Par chand se poocho jara k vo usk paas kab aati hai ?,
Raat bhar jagkar jo duniya ko roshan karta hai,
Andar hi andar vo bhi judai ki aag me jalta hai,
** kar rahe ae mere khushiyon k maalik tum bhi kuch aisa,
Mai dhoondhta rahta hu tumko paas apne,
Aur tum kahiin door nikal jate **
Fir bhi na jane kyun chand ko dekhkar tum yaad aate **
Kyun khataye meri tumhe har baar dikh jati hai,
Kabhi paas aakar to dekho mai kitna gunahgaar hu,
Tum to ruswa ** jate ** bewajah mujhse,
Aur na ki hui khata ki saja mujhe de jate **
Fir bhi na jane kyun chand ko dekhkar tum yaad aate **
Choot jate hai jo judai ki maar se mai vo dil ka saudagar nahi,
Tum to bas kuch pal bitakar sath me fir se meri duniya ko banjar bana jate **
Kabhi tum bhi mujhe aaajma kar dekho kareeb se,
Kyun door rahkar mujhe doori ka ehsaas kara jate **
** tum hi sirf meri jindagi me jise chaha dil ki har khwahish se,
Aur tum ** k gairon ko mera batakar rooth jate **
Fir bhi na jane kyun chand ko dekhkar tum yaad aate **
Mai nai hu vo jise duniya dil parast kahti hai,
Mai to deewana hu tumhari har baat ka,
Fir bhi na jane ku roothkar tapadne k liye chod jate **
Ban jaun ttera har pal ka sathi,
Kyun aisi koi saja nahi,
Jindagi bhar rone k liye,
Har baar kyun tanha kar k chale jate **
Fir bhi na jane kyun chand ko dekhkar tum yaad aate **
Kyun bhool jate ** k mai bhi hu tumhari raah me,
Khada hi aankhen band kark tumhe paane ki chah me,
Akhir aisa bhi kya k mere rone se bhi tum rooth jate **
Mujhe apna banakar pal bhar me paraya ban jate **
Fir bhi na jaane ku chaand ko dekhkar yum yaad aate **
i love you alot. N you are my only wish, need n reason. Trust me i love you n only you. Please my sweet heart marry me.
I cant live widout you n our baby.
May 11, 2019
May 11, 2019 at 8:04 AM UTC