"ankho" poems
Jab aankh khuli to amma ki
godi ka ek sahara tha
uska nanha sa anchal mujhko
bhumandal se v pyara tha.....
uske chehre ki jhalak dekh
chehra phulo sa khilta tha
uske stan ki ek bund se
mujhko jeevan milta tha
haatho se baalo ko noocha
pairo se khoob prahar kia
phir v us maa ne puchkara
humko jee bhar ke pyar kia
Mai uska raja beta tha
wo ankho ka tara kahti thi
mai banu budhape me uska
bas ek sahara kahti thi
ungli ko pakad chalaya tha
padhne vidlaya bheja tha
meri naadani ko v neej
antar me sadasaheja tha
Mere saare prashno ka wo
fauran jawab ban jaati thi
meri raho ke kaante chun
wo khud gulaab ban jaati thi
mai bada hua to college se
ek rog pyar ka le aaya
jis dil me maa ki murat thi
wo ramkali ko de aaya
shaadi ki pati se papa bana
apne rishto me jhul gya
ab karwa chauth maanta hu
maa ki mamta ko bhul gya
hum bhul gye uski maamta
mere jeevan ki thati thi
hum bhul gye apana jeevan
wo amrit wali chaati thi
Hum bhul gye wo khud bhukhi
rah karke hume khilati thi
humko sukha bistar dekar
khud geele me soo jaati thi
hum bhul gye usne hi
hotho ko bhasha sikhlayi thi
meri neendo ke lie raat bhar
uss maa ne lori gaayi thi
hum bhul gye har galti par
usne danta samjhaya tha
bach jau buri najar se
kala teeka sada lagaya tha
hum bade hue to mamta wale
saare bandhan tod aaye
bangle me kutte paal laye
maa ko vridhaashram chod aaye
apano sapno ka mahal girakar
kankar -kankar been laye
khudgargi me uske suhag ke
aabhushan tak cheen laye
Hum maa ko ghar ke batware ki
abhilasha tak le aaye
usko paawan mandir se
gaali ki bhasha tak le aaye
to be continued ........(next part may be in next week)
Aug 3, 2015
Aug 3, 2015 at 3:04 PM UTC
Mujhe wo aksar kehta tha
Muhabat kuch nhi hoti
Hijar ka khauf be matlab
Wasl k khwab bemani
... Nighaoon main koi soorat
Kahan din rat rehti hai
Usy q khamoshi kahain
K jis main bat rehti hai
Wo ankhain kaisi hoti hain?
Jahan barsat rehti hai
Yeh ansu bezaban ansu
Bhala kya bol saktay hain
Or uski narm palko pe nami
Din rat rehti hai
Mujhe wo aksar kehta tha
Mohabbat kuch nahi hoti
Magar jab aj barson bad
Main ne usko dekha hai
K uski jheel ankho main
Hijar ka khof rehta hai
Wasl k khwab rehtay hain
Wahan barsat rehti hai
Yun lagta hai k barson se
Wo soya v nahi shayad
Yun lagta hai kisi ki yada barson se
Usy din rat rehti hai
Or uski narm palkon pe
Haseen saay be geelay hain
Or uski khamoshi aisi k
Jis main bat rehti hai
Mujhe ab wo nahee kehta
Muhabat kch nahee hoti.
Jan 20, 2016
Jan 20, 2016 at 3:38 PM UTC
Kanyadaan hua jab pura, Aaya samay vidayi ka
Hashi khushi sab kaam hua tha, Saari rashmm adaai ka
Beti ke uss kaatar swar ne , Baabul ko jhakjhor dia
Puch rahi thi papa tumne, Kya sach-much me chodd dia
Apne aangan ki phulwari, Mujhko sada kaha tumne
Mere rone ko pal bhar bhi, Bilkul nahi saha tumne
Kya iss aangan ke kone me, Mera kuch asthan nahi
Ab mere rone ka papa, Tumko bilkul dhyan nahi
Dekho antim baar dehri, Log mujhhe pujwaate hai
Aakar ke papa inko kyu, Aap nahi dhamkate hai
Nahi rokte chacha taau, Bhaiya se v aas nahi
Aisi bhi kya nishthurta hai, Koi aata paas nahi
Beti ki baato ko sun ke, Pita nahi rah saka khada
Umadd pade ankho se aanshu, Badahawas sa daud pada
Kaatar bichia si wah beti, Lipat pita se rotii thi
Jaise yaado ke akshar wah, Ashru bindu se dhoti thi
Maa ko laga god se koi, Maano sab kuch cheen chala
Phool sabhi ghar ki phoolwari se koi jyo been chala
Chota bhai bhi kone me, Baitha biatha subak raha
Usko kaun karega chup ab, Wah kone me dubak raha
Beti ke jaane par ghar ne, Jaane kya kya khoya hai
Kabhi naa rone wala baap bhi, Phoot-Phoot kar roya hai ............
Sep 24, 2015
Sep 24, 2015 at 8:07 AM UTC
Ki badlne ko in ankho ke manjar kam nahi badle
Tumhari yaad ke mausham humare gum nahi badle,
Tum agle janm me humse milogi tab to maanogi,
Jamane aur sadi ki is badal me hum nahi badle...
Ki koi kab tak faqat soche ,koi kab tak faqat gaye
Illahi kya ye mumkin hai ki kuch aisa v ** jaye ,
Mera ahtaab uski raat ke aagosh me pighle
mai uski neend me jaagu wo mujhme ghul ke soo jaye..
Feb 4, 2015
Feb 4, 2015 at 8:10 AM UTC
usne pucha tha meri udasi ka sabab,
mene kaha
wo aaine me tasvir ubharti he fir fanna kyu **
jati he,
usne pucha tasvir kiski dikhai deti he tumhe,
mene kaha
na uska naam he na pata fir bhi apna sa lagta
he,
usne kaha kuch guftagu bhi kar ti he tasvir
aapse,
mene kaha
ha magar alfaz nahi hote uske ankho se baat
karti he.
usne kaha kya kehti he uski ankhe mujhe bhi to
kaho
mene kaha
uski ankho me mujhe pyar nazar ata he
unkahi baato ka izhaar nazar ata he.
usne pucha kya ikrar kiya he tum ne usse
mene kaha
me to karta hu koshish-e-ikarar karne ki magar
inkar hi ajata he
usne kaha bade hi wo ** tum ikraar se darte **
mene kaha ikrar se bhala kon darta he me to bas
pyar se darta hu
me to bas pyar se darta hu
nk
Dec 17, 2014
Dec 17, 2014 at 2:43 PM UTC
Rang laayi dua , mojajaa ** gya
jo nahi tha mera, wo mera ** gya *2
rang laayi dua mojajaa ** gya *2
Iss kadar mat sataa, laut aa laut aa
fir na kahna koi, bewafa ** gya *2
rang laayi dua mojajaa ** gya *2
Ki aisa lagta hai tumko nazar lag gyi
tum to aise naa the, tumko kya ** gya *2
rang laayi dua mojajaa ** gya *2
Meri ankho me sota raha dewta
man ke mandir me fir, rat jaga ** gya *2
rang laayi dua mojajaa ** gya *2
Teri kurbat tera aasara chahie
mujhko isske siwa, or kya chahie *2 *2
manzile khud pe khud, paas aa jayengi
dil me chalne ko bas hausala chahie
Rang laayi dua mojajaa ** gya *2
Jul 31, 2016
Jul 31, 2016 at 12:07 PM UTC
Kya kabhi patharo ne siskiyan li hai?
Kato ne chubna chor diya?
Dil ne dhadakna;
Aur ankho ne barasna chor diya?
Kya kabhi kadi dhoop mei,
Indradhanus ko haste huwe dekha hai?
Iss duniya mei,
Insaano ko ladtey aur marte dekha hai?
Kya tumne kabhi socha hai,
Jiwan mei dukh ziyada aur khushi kam kiyu hai?
Rastey sabh seedhe nahi,
Tedhe rastein bhi manzil ke kareeb le jati hai.
Kya tumne kabhi rotey huwe buzurgh ko,
Aur besahara bacho ko dekha hai?
Apni unchi naak, neechi kar,
Dharti mata ko dhanayvad diya hai?
Nahi na! Ya sambhawna kuch toh kiya hoga.
Ya tumhare dil mein daya hi nahi.
Kya muskurana bhi bhool chuke **
Apne nahi toh dusroh ke liye kuch kiya karo.
Zindagi ke akhari pal mei, yaad karo ge.
Ek ek din ankho ke samne daud ke jayengi,
Tabh tum yaad karte, muskhurate iss duniya se,
Hamesha ke liye alvida kahe jaoge...
©sim
Aug 21, 2017
Aug 21, 2017 at 3:22 AM UTC
Ek chand gumsum sa hai
Door desh rehta hai.
Jab b puch lo kyu udas hai
Koi baat nahi kehta hai
Kya kho gya hai uska jo door desh me dhoondta hai
Sans is zami me hai
To vha ku ghumta hai.
Muje fark yun padta hai
Ku Maine is chand ko haste hasate dekha hai.
Ladte jhagadte roothte manate dekha hai.
Us chand Ka taqiya b uski ankho ki nami mehsus karta hai.
Bhai jan to hai par aapi ammi ki kami mehsus karta hai.
Vo vha aasman ki talash me gya hai
Apne sapno k jahan ki talash me gya hai.
Ab use is shehar ki chamak b raas ni aati
Kabhi bethkar sochta hai k is shehar kash na aati.
Maa ki panv ki jameen ko jannat hai janta hai.
Jo samne se jhagdta tha phone pe ammi Ka Sab kha manta hai.
Us chand Ka dil b toota hai kisi se keh ni paya
Sab kuch saha Akele
Bas Roye bina reh na paya
Ab Dard kam hai Bas kasak baki hai
Khalish baqi hai jakhm pe thoda namak Baqi hai.
Or Hume intezar hai k vo chand Jane ab Kab hasega
Kab utha k tasveer zindagi ki usme rang bharega
Chudi bindi mehndi libaz Sab shaunk thode kam ** gye hai
Ye Sab dekh k hairan hum ** gye hai
** skta hai ye likha b use na pasand aye
** skta hai nazarandaz kare ya nazarband kar jaye
Hume yakin hai vo Khud k Masle hal kar legi
Sabr or dua dono mile h use aj ni to kal kar legi
Dhal jayega jald vo saya jo chand pe aj betha hai.
Ek chand gumsum sa hai
Door desh rehta hai.
Ek chand gumsum sa hai
Door desh rehta hai.
Oct 25, 2022
Oct 25, 2022 at 9:16 AM UTC
mai sukhi daali ka ek murjhaya hua bela hu
par ye sach hai udash hu aaj mai, bahut akela hu
ye alag baat hai ki mai jutha bahut hu
haa par sach batau mai tuta bahut hu
aaj tak maine sapne sanjoya bahut hai
sach batau to akele me roya bahut hai
iss rangeen dunia me pyar ke naam bahut hai
par sach batau to aaj pyar badnaam bahut hai
jo ek adhura khwab tune inn ankho me diye the
par sach batau to gum bhi sirf tune hi diye the
ye alag baat hai ki mujhe pyar ki samajh naa thi
par sach batau to tumhe pyar ki parakh nahi thi
ye alag baat hai, maine hass ke bhulaya bahut hai
par sach batau to mere apno ne hi iss dil ko dukhaya bahut hai
iss dil ko dukhaya bahut hai....
Dec 6, 2017
Dec 6, 2017 at 11:17 AM UTC
Mana.
Kahi khoyi khoyi si rheti hu me,
Tu meri ankho m to dekh,.
Tere hi intezaar m baithi rheti hu m .
Har baat tuje batani h muje,
Kuch chupa na rahe,
Yahi socha karti hu me,
Tu ankho me to dekh,
Tere hi intezaar m baithi rheti hu m.
Sep 12, 2020
Sep 12, 2020 at 4:46 AM UTC
Kamosh hua hu kuch pallon ke liye,
Aunga wapis jarur, Tuje satane ke liye.
Is baar jo aunga, Kuch kar ke to jaunga,
Or kuch na sahi, aag to laga hi jaunga.
Kahunga na kuch bi is baar,
bus ankho hi ankho se dil ka karrar lut jaunga,
Hogi aag jo mere seene me,
Kar lena lakh yatan apne ansuo se chahe,
buj na payegi
esi aag jo laga jaunga.
May 19, 2016
May 19, 2016 at 12:53 AM UTC
ab to yaado bas talash uski hai
dil me dabi koi baat uski hai.
sawal nahi karta zamana bhi
kyu ke mere liye jawab uske hai.
jab maan kiya tum chale ate **
ab raahe takti ankho me aas uski hai
nk
Apr 6, 2019
Apr 6, 2019 at 2:30 AM UTC
Cahtee hai tujhko is baat se inkaar kyon kere hum..
Galati tere nehi hai, aur sahi hum bhi nehi hai, magar,
Ek kasmakash chalti hai dil aur dimag kee beech, hum chaa ker bhi dil ki suun nehi pate, is baat se inkar kyon kere hum..
Bhoola dena chatee hai tujhko magar nehi bhula patee, is baat se inkaar kyon kere hum..
Ek namee sii aye hai ankho mai phir bhi muskurate hai tere samne, is baat see inkar kyon kere hum..
Hume lagta hai kii tere bina naa jii sakenge, magar khud se yee izhaar kyon keren hum ..
Mana tujhe kho diya magar khone ka ehsas kyon keren hum..
Jul 16, 2018
Jul 16, 2018 at 6:26 PM UTC
Ankho me thi kaisi nami
Jaise kahi barsaat si hai
Ek roj Jo un se baat huyee
Pahali dafa mulakaat huee
May 24, 2020
May 24, 2020 at 9:42 AM UTC