"anjane" poems
Nikle to hum bhi the ghar se yahi soch kar ki shayad is bar manzil tak pahuch jayenge,
kyunki daudna to unhone hume bachpan mein hi sikha diya tha yeh kehkar,
ki agar nahin bhagoge to woh tumhe peeche chod jayenge.
Daudne ki kuch aisi adat se ** gayi hai ki pair ab rukne ka nam hi nahin lete,
lekin hume kya pata tha ki itna age nikal ane se, apne hi paraye,
aur woh sabhi raste anjane se ** jayenge.
Sabse door rehte hue bhi, in anjanon ki bheed mein woh ek chehra apna sa lagta tha,
lekin woh bhi hamesha kisi aur chehre ki talash mein rehta tha.
Sahi raste ko dhoondhne nikle to the, magar yeh nahin pata tha ki itni jaldi thak jayenge.
Kabhi kabhi to lagta hai ki ab ruk jana chahiye, thoda aram kar lena chahiye,
lekin woh bhi namumkin lagta hai kyunki, ab to sapne bhi ajeeb se ate hain.
Chalte chalte, wade to kafi kiye the is safar mein, kuch unse, kuch apne ap se,
lekin yeh andaza bhi nahin tha ki un sabhi umeedon par pani ferte hue chale jayenge.
Yeh mehsoos bhi nahin hua ki apne hi apnon ke pankh kat chuke the,
talash thi to bas us kandhe ki jo is ladkhadate hue ko sahara de sake.
Fir bhi, dheere dheere is katon ki chadar par age badna hai, dil yahi kehta rehta hai,
kyunki jhoothi hansi ki kuch aisi adat si ** gayi hai, ki ab chahte hue bhi dard ka ehsas nahin hota hai.
Mar 24, 2011
Mar 24, 2011 at 6:01 AM UTC
GHAR KI WO BAHADUR BETI
ghar ki wo bahadur beti, Ma ko wo ankhen kholte hi dekhti.
darr na Ma tu bhi hai kisi ki bahadur beti.
Ma ke anchal ko pakad ke chalti,
main teri parchayi or tu hai mera kal wo isko samajhti,
khilkhilate mahakte phool si wo badi hoti,
anjane loge se hi milte, jhijhakte hue wo sahamti.
Par ab wo beti ki kuch ye thi kahani,
usko ek alag hi dunia hai banani.
sambhal k chal tu beti, galat ** to chup reh to beti.
kyonki Ma-Baap ki hai wo bahadur beti.
Seekh k zindgi ki sachchayi, ek alag dunia hai banayi.
khushi khudme hi dhoondne lagi, bheegi palke yun hi sookhne lagi.
Ma ki parchayi banne ki chah me, aagayi wo bhi pyar ki raah me.
usse rishta yun judne laga, sunhara kal phir dikhne laga.
age kadam darr k badhaya, pyar ne jispe bharosa dilaya.
Ab zindgi ne yun karwat li, kaanch k us rishte me wo tut gayi.
arre darr mat tu hai ghar ki bahadur beti.
ashkon ko wo chupa rahi thi, girte hue kadmon ko sambhal rahi thi,
diye hue zakhmon ko chupa rahi thi, us pyar ko ab bhi dua me mang rahi thi.
bilakhti, sahamti phir kadam ko badha ke kahti
MA, MAIN HU TERI BAHADUR BETI......
Jun 15, 2016
Jun 15, 2016 at 9:30 PM UTC
Pasand toh phele bhi thi
Mujhe yeh barish
Lekin ab kuch khaas hai,
Vo Kya hai na,
Yeh mere phele pyaar ka ehsaas hai.
Shukriya tumhara
Hume karib Lane ke liye
Anjane ,bekhabar pyaar ka ehsaas karne ke liye.
Jul 7, 2020
Jul 7, 2020 at 1:06 PM UTC
Jo kal mere sath sahmati ke
Rangon ke kalaap sang hansi baant rahe the
Wo hi aaj hansi ka mohra
mujhe bana rahe the
Mujhe apni batane ki sudh kaha
Hansi mujhe aap mein aa rahi
Duniya ke iss
Jane anjane nasheeley baagaan ke beech
astitva jiska khud hi dhuaan hai
Kal gar jo mujhe rota hua tumne dekh liya
Toh mat puchhna matlab uss nazare ka
Wo nazara, jo meri ruh ko sula khud
Ek naatak dikha raha hoga
Iss badan ka.
Nov 29, 2019
Nov 29, 2019 at 10:28 AM UTC
_Bas hame malum naa tha
kisi ke sath pane ki
khawahish bhi na thi
kisi se bicharne ka gam v nahi tha
To kya tha jo tha
bas hame malum naa tha.
Jane anjane me hua tha hame v kuch kabhi
The bekhabar hm bhi
Khudse hii khabar the
Til Til se sanjoya tha khaboo ka v mahal kabhi hhmne
Tut gaye sare khawb par til v na dikhi
Khawbo ki atishbaji dil me iss qudar ** rhi thi
Jaise khuli aashaman me tare nazae aane lage the
Uss hasin shaam ko main
Dulhan ki tarah saji uss saksh e oo aam ka main
Talab e intazar kar rhi thi
Par wo nahi aaya
Wo pal tham si gyi
Meri sanse ruk hii gye
Mano
Bin mausam ki bijliya barasne lage
Aachank tufan sa utne laga
Mere dil ke har kone me
Brishsh v hui khuli ragistan m
yado ka silsila mitne laga
kuch is quadar jaise
Reet pani me tairne lagi
Bas hame malum naa tha._
Nov 8, 2020
Nov 8, 2020 at 10:58 AM UTC
Ham simte hue hai,
Khomoshi ke pal me..
Sannata 'Samzkar '
Chijoko 'Andekha' karne ke khel me..!!
Ajj Kakaj 'Kore 'hai,
Jal Jane ke bhay me..
Nave bah Gayi ,
Anjani lay me...!!
Ham khamosh hai ..
Jane anjane me!!
Feb 4, 2021
Feb 4, 2021 at 2:32 PM UTC
Khushi ..
Kisi Kavita ke Chhand me nhi milti ..
Nahi kisi Galib ki sher me ..
Jane Anjane me,
Kahi chut jati hai piche .
Fir mil jati hai ,
Dil se kiyi hue kisi chiz me .
Jaise ek patti chupayi ** sadiyo tak,
kisi kakaj ke bichme ..!
Nov 14, 2021
Nov 14, 2021 at 1:47 PM UTC