"aisi" poems
Nikle to hum bhi the ghar se yahi soch kar ki shayad is bar manzil tak pahuch jayenge,
kyunki daudna to unhone hume bachpan mein hi sikha diya tha yeh kehkar,
ki agar nahin bhagoge to woh tumhe peeche chod jayenge.
Daudne ki kuch aisi adat se ** gayi hai ki pair ab rukne ka nam hi nahin lete,
lekin hume kya pata tha ki itna age nikal ane se, apne hi paraye,
aur woh sabhi raste anjane se ** jayenge.
Sabse door rehte hue bhi, in anjanon ki bheed mein woh ek chehra apna sa lagta tha,
lekin woh bhi hamesha kisi aur chehre ki talash mein rehta tha.
Sahi raste ko dhoondhne nikle to the, magar yeh nahin pata tha ki itni jaldi thak jayenge.
Kabhi kabhi to lagta hai ki ab ruk jana chahiye, thoda aram kar lena chahiye,
lekin woh bhi namumkin lagta hai kyunki, ab to sapne bhi ajeeb se ate hain.
Chalte chalte, wade to kafi kiye the is safar mein, kuch unse, kuch apne ap se,
lekin yeh andaza bhi nahin tha ki un sabhi umeedon par pani ferte hue chale jayenge.
Yeh mehsoos bhi nahin hua ki apne hi apnon ke pankh kat chuke the,
talash thi to bas us kandhe ki jo is ladkhadate hue ko sahara de sake.
Fir bhi, dheere dheere is katon ki chadar par age badna hai, dil yahi kehta rehta hai,
kyunki jhoothi hansi ki kuch aisi adat si ** gayi hai, ki ab chahte hue bhi dard ka ehsas nahin hota hai.
Mar 24, 2011
Mar 24, 2011 at 6:01 AM UTC
aga hai josh
jagi kismat nayi
apne hi hatthon se likhunga kismat abhi
bhale hi paise se fakeer
par paise se gareebh nhi
hai hathon mai dum tere
toh uth!!
kyonki
bhagwan hai tera zameer
teri kismat nahi!!
namumkin naam ki aisi yahan koi cheez nhi
milegi manzil
chahe karibh nhi
agar hui teri haar
toh maanle ye baat banda tu hi hai iska zimmedar
koi aur nhi
jo kuch chahega tu
wo bhi paa jayega tu
kr khud pe yakeen jeet jayega tu
haan jeet jayega tu
Jun 1, 2014
Jun 1, 2014 at 1:14 PM UTC
Jo puraani yaadon mein zindagi dhundha kartey hai
unhe sirf do pal ki muskurahat naseeb hoti hai
aur phir umar bhar ki tanhai
ek aisi tanhai jaha hum bhari mehfil mein bhi akele ** jaate hai
aur adhura pan bhi hamein pura lagne lagta hai
ek aisi manhoosiyat dil pe cha jaati hai Jo chahe bhi mit nhi paati aur vo yaadein bhulaaye bhi bhula nhi paate reh reh k **** mein gade kaante ki tarah dard diye jaata hai
aur hum hans hans kar ise taal diya karte hai kyun ki shaayad mukaddar ko yahi manzur tha
kya shikva hum kisi aur se kare
jab manzil hi humse Ruth gayi
Jo naayab tohfa khuda se mili
haatho se yun choot gayi
vo toot k bikhri aur kinare par jaa Giri
aur kashti humari doob gayi
Jun 18, 2015
Jun 18, 2015 at 5:21 PM UTC
Mujhe wo aksar kehta tha
Muhabat kuch nhi hoti
Hijar ka khauf be matlab
Wasl k khwab bemani
... Nighaoon main koi soorat
Kahan din rat rehti hai
Usy q khamoshi kahain
K jis main bat rehti hai
Wo ankhain kaisi hoti hain?
Jahan barsat rehti hai
Yeh ansu bezaban ansu
Bhala kya bol saktay hain
Or uski narm palko pe nami
Din rat rehti hai
Mujhe wo aksar kehta tha
Mohabbat kuch nahi hoti
Magar jab aj barson bad
Main ne usko dekha hai
K uski jheel ankho main
Hijar ka khof rehta hai
Wasl k khwab rehtay hain
Wahan barsat rehti hai
Yun lagta hai k barson se
Wo soya v nahi shayad
Yun lagta hai kisi ki yada barson se
Usy din rat rehti hai
Or uski narm palkon pe
Haseen saay be geelay hain
Or uski khamoshi aisi k
Jis main bat rehti hai
Mujhe ab wo nahee kehta
Muhabat kch nahee hoti.
Jan 20, 2016
Jan 20, 2016 at 3:38 PM UTC
Kanyadaan hua jab pura, Aaya samay vidayi ka
Hashi khushi sab kaam hua tha, Saari rashmm adaai ka
Beti ke uss kaatar swar ne , Baabul ko jhakjhor dia
Puch rahi thi papa tumne, Kya sach-much me chodd dia
Apne aangan ki phulwari, Mujhko sada kaha tumne
Mere rone ko pal bhar bhi, Bilkul nahi saha tumne
Kya iss aangan ke kone me, Mera kuch asthan nahi
Ab mere rone ka papa, Tumko bilkul dhyan nahi
Dekho antim baar dehri, Log mujhhe pujwaate hai
Aakar ke papa inko kyu, Aap nahi dhamkate hai
Nahi rokte chacha taau, Bhaiya se v aas nahi
Aisi bhi kya nishthurta hai, Koi aata paas nahi
Beti ki baato ko sun ke, Pita nahi rah saka khada
Umadd pade ankho se aanshu, Badahawas sa daud pada
Kaatar bichia si wah beti, Lipat pita se rotii thi
Jaise yaado ke akshar wah, Ashru bindu se dhoti thi
Maa ko laga god se koi, Maano sab kuch cheen chala
Phool sabhi ghar ki phoolwari se koi jyo been chala
Chota bhai bhi kone me, Baitha biatha subak raha
Usko kaun karega chup ab, Wah kone me dubak raha
Beti ke jaane par ghar ne, Jaane kya kya khoya hai
Kabhi naa rone wala baap bhi, Phoot-Phoot kar roya hai ............
Sep 24, 2015
Sep 24, 2015 at 8:07 AM UTC
Judai
~~♥~~
Suno jaana
Mujhse kai logo ne pucha hai.
judai kaisi hoti hai.
judai kaisi hoti hai.
Me kehta hu
Zara thehro batata hu.
judai kaisi hoti hai.
judai aisi hoti hai.
bhari mehfil me bhi
kahi tanhai me kho jana.
Kirchi kirchi kanch ke
tukdo sa bikhar jana.
Or un tukdo me ek hi bas
ek hi chehere ka nazar ana.
Judai aisi hoti hai.
Simatna chah kar bhi
khud se na simat pana.
Har kisi ke samne
muskan chehre par le ana.
Dard saare chupane ki
ek nakaam si be-matlab
koshish kiye jaana.
khud apne aap se us
lamhat me nafrat si ** jana.
Judai aisi hoti hai.
Mulakato ke naam pe
milna u to kai logo se
har chehre me usi bas Usi chehre ko dhundte jaana.
Naam uska apne
lab pe saja lena.
Us ki kahi koi baat
yaad ane par rote hue thahake mar ke hans dena.
Or hans kar ke ek dam se khamosh ** jaana.
Naam uska le kar gir padna.
kai raato tak aansuo se
takiyo ko bigo dena.
Duao me usi ke liye
haatho ko failana.
khwabo or khayalo me
usi se wasta rakhna.
na mil pane ka ghum
is dil ko satana.
Or fir tut kar bikhar jaana.
Judai aisi hoti hai.
Jhukaye gardan fir kabro me apni lout aa jaana.
Jise ham ghar bhi kehte hai.
Use Suna sa dekh kar kadmo ka theher jaana.
fir na utha pana.
Ye sab kya hai
judai ki nishani hai.
Na mil pana, satana, or har kadam har moud par tut'te bas tut'te jana.
Judai aisi hoti hai.
Jaise andheri si gufao me talash roshni ki ** jaana.
jaise kisi apne ke haatho se haatho ka bichad jana.
Fir na mil pana.
kisi apne ko jata dekh kar
Dur se aawaze laga kar rokna.
Apne haatho ko jhatak na or diwaro pe patak dena.
Or bas kuch na kar pana.
bhari aankho se use
dur hote dekhte jana.
Palkey tak na jhapkana.
Fir aansuo ka jaise
sailab aa jana.
judai ki aag me
jalna,jhulasna
or zinda reh jana.
judai aisi hoti hai.
Judai aisi hoti hai.
Nk Sairam :)
Jan 13, 2019
Jan 13, 2019 at 5:20 AM UTC
Chand ko dekhkar yaad tumhari aati hai,
Chand ki chandni b sath rahkar door hojati hai,
Chand ne auron ko to khush rakhti hai chandni apne ujale se,
Par chand se poocho jara k vo usk paas kab aati hai ?,
Raat bhar jagkar jo duniya ko roshan karta hai,
Andar hi andar vo bhi judai ki aag me jalta hai,
** kar rahe ae mere khushiyon k maalik tum bhi kuch aisa,
Mai dhoondhta rahta hu tumko paas apne,
Aur tum kahiin door nikal jate **
Fir bhi na jane kyun chand ko dekhkar tum yaad aate **
Kyun khataye meri tumhe har baar dikh jati hai,
Kabhi paas aakar to dekho mai kitna gunahgaar hu,
Tum to ruswa ** jate ** bewajah mujhse,
Aur na ki hui khata ki saja mujhe de jate **
Fir bhi na jane kyun chand ko dekhkar tum yaad aate **
Choot jate hai jo judai ki maar se mai vo dil ka saudagar nahi,
Tum to bas kuch pal bitakar sath me fir se meri duniya ko banjar bana jate **
Kabhi tum bhi mujhe aaajma kar dekho kareeb se,
Kyun door rahkar mujhe doori ka ehsaas kara jate **
** tum hi sirf meri jindagi me jise chaha dil ki har khwahish se,
Aur tum ** k gairon ko mera batakar rooth jate **
Fir bhi na jane kyun chand ko dekhkar tum yaad aate **
Mai nai hu vo jise duniya dil parast kahti hai,
Mai to deewana hu tumhari har baat ka,
Fir bhi na jane ku roothkar tapadne k liye chod jate **
Ban jaun ttera har pal ka sathi,
Kyun aisi koi saja nahi,
Jindagi bhar rone k liye,
Har baar kyun tanha kar k chale jate **
Fir bhi na jane kyun chand ko dekhkar tum yaad aate **
Kyun bhool jate ** k mai bhi hu tumhari raah me,
Khada hi aankhen band kark tumhe paane ki chah me,
Akhir aisa bhi kya k mere rone se bhi tum rooth jate **
Mujhe apna banakar pal bhar me paraya ban jate **
Fir bhi na jaane ku chaand ko dekhkar yum yaad aate **
i love you alot. N you are my only wish, need n reason. Trust me i love you n only you. Please my sweet heart marry me.
I cant live widout you n our baby.
May 11, 2019
May 11, 2019 at 8:04 AM UTC
Mujhe pyar karne do,
Mujhe apne dil me utarne do,
Mujhe jina hain bus tere liye,
Mujhe ab had se gujarne do,
Mujhe pyar karne do......
Ishq ik aisi bimari hain,
Jo sabke dil par bhari hain,
Mujhe ab aansoo bankar
apne aankhon me chhalakane do,
Mujhe pyar karne do.......
Tujhe haque hain meri puri zindagi par,
Mujhe ab dil bankar,
Apne sine me dharkane do,
Mujhe pyar karne do,
Mujhe pyar karne do......
May 25, 2016
May 25, 2016 at 12:38 AM UTC
Mujhe pyar karne do,
Mujhe apne dil me utarne do,
Mujhe jina hain bus tere liye,
Mujhe ab had se gujarne do,
Mujhe pyar karne do......
Ishq ik aisi bimari hain,
Jo sabke dil par bhari hain,
Mujhe ab aansoo bankar
apne aankhon me chhalakane do,
Mujhe pyar karne do.......
Tujhe haque hain meri puri zindagi par,
Mujhe ab dil bankar,
Apne sine me dharkane do,
Mujhe pyar karne do,
Mujhe pyar karne do......
May 31, 2015
May 31, 2015 at 9:46 AM UTC
Ek metro, saanp si guzar rahi hai kuch duur
Ek nabh faila hai uske upar - Neela sa kaala
Ek chaand chamak raha hai uss nabh mein
Kuch baadal sarak rahe hain paas mein uske
Usi metro ki tarah par dheere zara
Thandi hawayei hain.
Usme goonjta mera aaj khada
Kuch thandak hai inn hawaon mein
Aur bohot sara sukoon bhara
Aisi hi hoti hai wo chaand ki thandak?
Jinhen sunte, apna bachpan beet gaya
Kya sheetalta swarg ki aisi hai kahin?
Jisey suna kayion ka jeevan guzar gaya
Kya raambaan sukh yahi toh nahi
Kya kamdhenu vriksha aisa tha kabhi
Kya Ramcharitmanas mein hanumat
Ka Rambhakti amrit lagta tha yun hi?
Aisa hi amritmay bachpan mein,
yaad hai mujhko lagta tha
Zameen se shuru uss lambi khidki
Se yahi chaand chamakta dikhta tha
Mama sa ban chup shant bhav se
Kuch baatein meri sunta tha
Kyunki khud bhumi par bistar pe so
Holi mujhe khilayi thi
Khud bhookhe reh uss ke paiso
Se mere bhai ko idli chakhayi thi
Bohot pasand thi usko uski idli
Aur rangbhari mujhe holi meri
Kya kabhi unhen main unka wapas
Ye rinn chukta kar paungi
Kya kabhi unnsi balwaan main ban kar
Unke liye itna kar paungi?
Kya usi chaand ki thandak si khushiyan
Unki jholi mein bhar paungi?
Kya bhool maaf karne ki hadd
Ko paar kar kar ke thake nahi wo?
Kya raat bhar bhi jagkar subah
Hans dawa banna bhoole nahi wo
Kya insaani roop mein hain
Bhagwan, "maa baap" kehlate jo?
Nov 29, 2019
Nov 29, 2019 at 10:16 AM UTC
Ai khuda Mujhe Hawa bna de,
Mujhe unke sanso me bsa de,
Kabhi bhi na ** Saku Dur unse
Aisi meri taqdeer bna De,
Ai khuda Mujhe aansoo bna De,
Mujhe unke aankho me bsa De,
Khushi ke Pal ** ya ** dukh ki ghari
Us Pal unke aankho se Mujhe chhalka de,
Ai khuda Mujhe sitara bna de,
Mujhe us Chand ke paas bitha de,
Jih bhar ke dekh lu Mai us Chand ko
Aisi chandani raat bna de,
Ai khuda Mujhe aaina bna de,
Mujhe unke kamre me bitha de,
Har Pal wo mere samne **
Aisi khubsurat pari unhe bna de,
Ai khuda Mujhe kajal bna de,
Mujhe unke aankho me laga de,
Na lage Unhe kisi ki nazar
Unke sare dukh Mujhe dila de,
Unke sare dukh Mujhe dila de....
Feb 19, 2017
Feb 19, 2017 at 2:58 AM UTC
Ishq naam hai Tabahi ka Phir bhi chuna
hai kaam Ruswai ka phir bhi chuna
ishq main dard Hijar o firaq hai
ye kam nai Harjai ka phir bhi chuna
Aawazain kasti hai dunya Tahne deti hai
nai harf Bhalai ka phir chuna
bhala aisi bhi kia Majboori thi ANAYAT
Jante hain hai safar Tanhai ka phi bhi Chuna
Jul 3, 2015
Jul 3, 2015 at 10:11 PM UTC
Phir teri mohabbat yaad aayi
Phir mera bilagna yaad aaya…
Phir teri naseehat yaad aayi
Tera raub wa jalwa yaad aaya…
Tune jitni jheli takleefein
Us dard ka ehsaas yaad aaya…
Tune zindagi bhar jo bhi kiya
Tera jud o karam sab yaad aaya. ....
Teri kaawishein teri koshishein Tera jaan lagana yaad aaya. ...
Teri neikiyan tere khair amal..
Tera pyaar lutana yaad aaya...
Teri hayaat se seekhe hain jo jo... Har ek sabaq woh yaad aaya. ...
Tera muskata har dam chehra... Woh roshan nazara yaad aaya. ....
Ba vaqaar jo jhele gham tune... Tera sabr se sehna yaad aaya….
Teri zinda dili teri saada dili... Deen' mein thos aqeedah yaad aaya. ....
Beta, bhai, shohar, walid ** ya dost Har ek farz nibhana yaad aaya. ....
“Ain" tum bhi amanat daari karo... Usne hi seekhaya......yaad aaya..???
Phir mera tadapna yaad aaya...
Lamha rukhsat ka jo yaad aaya…
Ae Firoz tu aisi misaal bana..... Jaane kitnon ko tu yaad aaya. ....
Sep 9, 2020
Sep 9, 2020 at 6:47 AM UTC
29 August ko hui thi pehli mulakaat,
Taraste they sunne ko wo unki aahat.
5 september ko hui unki dosti,
Ek ladki jo shaadi se bhut darti.
Intezaar mein baithe rehte they wo,
Baar baar niharte shayad koi paigaam aaya **
Hokar mayoos fir laut jaate,
Maheeno baad messages ke reply aate.
Bhut intezaar kara hai mahadev ne,
Milne ko apni shivani se.
Izhaar tou bhut baar kiya tha unhone,
Har baar mazak mein taal diya pagli ne.
Wo bhi bhut pyaar karti thi,
Par haa mein jawab dene se darti.
9 maheene tak intezaar karaya,
Fir ek din bn gyi unka humsaaya.
Tham liya ek duje ka haath,
Dene ke liye janam janam ka saath.
31 may zindagi ka sabse khaas din,
Ek pal bhi guzar nahi sakte bin.
Chand ko pyaari hai chandni jaise,
Dil se dil jude hain aise.
Chahe meelon dur hain wo,
Mehsoos kar skte hain ehsaaso ko.
Ek aisi pavitra paak rooh hai unki,
Khuda smjh ibadat kr sakti.
Nov 13, 2019
Nov 13, 2019 at 8:39 AM UTC
andheri thi jo raat wo,
us raat ki kya baat kahun.
jis raat se wo mila nahin,
us raat ki kya subah kahun.
har raat ki h subah mgr,
us raat ki bhi subah hui.
charcha hui to khabar mili,
us shaqs ki toh maut hui.
shaqs to tha wo dost mera,
us shaqs ki kya baat karun.
ladka tha wo bigda magar,
uske dil ki kya taarief karun.
maut nahi thi tha wo khoon,
un kaatilon ki kya baat karun.
jese tadpaya un sbko,
Isse bhattar maut unko m ada krun.
galti kya thi un maasumo ki,
jo aisi bhynkr maut mili.
khuda tu hi jawab dega,
kynki tune thi wo maut likhi.
sbko jisne khush tha rkha,
uski shanti k m dua krun.
Yaad rkhnge use hmesha,
uski yaadon ki kya baat karun.
@riya
Oct 12, 2018
Oct 12, 2018 at 5:35 AM UTC
Tuhade layi je ladna paya mainu taqdeera naal,
Haske mai lad laungi tuhadi khushiyan waal.
Tuhade waal je aaya koi dukhe ve,
Saamne mai khadungi mahiye.
Chhetti chhetti aaja jaane meriye,
Bade cher tou tuhadi yaad aundiye.
Ik pal vi tuhade baajo reha nai jiunda,
Sab tou khushnaseeb haa mai tussi jo mile tohfa rabb da.
Mai tuhadi si, tuhadi haa, tuhadi hi rahangi,
Tuhade saaha naal hi sadde saah chalde jaani.
Saddi har khushi tuhade naal ve,
Tussi meri zindagi ** jaan aye meriye.
Sadde ehsaasa ch vi rooh jiundi,
Bin chue vi mehsoos kr lendi.
Es pagli nu mera paglu hi samjh sakda,
Tuhade bajo ek pal vi dil nahi lagda.
Raatan nu neend ni aundi,
Tuhade khayalan ch mai khoyi rendi.
Tussi aisi nigaahan mainu takeya,
Mere dil,rooh jaan ch bs ohi chehra vaseya.
Sawere uthde vi sab tou pehla tuhada naam mai lendi,
Tuhanu hi har janam mai os rabb kolu mangdi.
Lawan baahan ch samet kaayenaat assi,
Jado lawo sanu aapde seene naal tussi.
Tuahde naal jahan sadda,
Sab tou anmol tukda ** sadde dil da.
Chand naal chandani je,
Taareyan naal raat ve.
Tuhade naal saddi har zindagi ve,
Sacchiyan mohabbbatan tuhade naal la baithe.
Jithe jithe tussi hove,
Tuhade picche picche sanu hi pave.
Tuhade naam assi kr ditta har janam,
Har dadhkan ch tuhadi chahat haigi sanam.
Saada har mukaam tuhadiyan hi raahan ch,
Jeena marna sab tuhadiyan baahan vich.
Bhaagan wali haa mai jo mileya saanu eho jeya mahiya,
Mainu mera sohneya saddi jaan tou vi piyareya.
Gale ch mangalsutra,
Baneya raksha sutra.
Tuhada naam jado sadde naam nu poora kareya,
Tuhade kol mera dil ve sadde pyaar di nishaniya.
Chhetti chhetti aaja mahiya le ja aapdi jaan nu aapda bna ke,
Hatthan ch mehndi, baahan ch chudiyan, matthe tey sindoor aapde naam da bhar ke.
Nov 13, 2019
Nov 13, 2019 at 2:19 AM UTC
chahtein bhi aisi thi ki mai hothon se bayn kr n payan
jajbat bhi aisi thi ki dil se dharkan tak n pahuchan payan
kuchh guftgun kar rahi thi meri chahtein
dil me lahron ki tarah daur rahi thi meri chahtein
bas us bandh ko tod dena chah rahi thi meri chahtein
lekin wo palkon ko n bhed payan
lahar ki ek bhi bund nayan se n nikal payan
chahtein bhi aisi thi ki mai hothon se bayn kr n payan
jajbat bhi aisi thi ki dil se dharkan tak n pahuchan payan
May 15, 2015
May 15, 2015 at 3:24 PM UTC
Meri pyari dost hai meri maa..
Meri jagat janani hai meri maa...
Meri dukho ko harne wali hai meri maa...
Meri khusiyo me apni khusi dhundhne wali hai meri maa..
Duniya ke najaro se bachane wali hai meri maa...
Khud takleef me reh k meri khwahiso ko pura karne wali hai meri maa...
Kya btaun kaisi hai meri maa...
Lafzo me nahi bayan kar sakte aisi hai meri maa....
Mere liy to meri bhagwan hai meri maa..
Love u maa...
Nov 25, 2018
Nov 25, 2018 at 10:08 PM UTC
Aaj pyari si ek pari
Mere ghar aayi ...
Aaj nanni si ek kali
Mere ghar aayi...
Uski khushboo se mehka hai...
Yeh ghar humara
Beshumaar khushiyan
Mere ghar aayi...
Uski ankhon se roshan
Hai har ek kona
Lauhe mishkaat banke jo
Mere ghar aayi...
Humne jiske liye ki
Badi mannatein thi
Woh ek dua e maghbool
Mere ghar aayi...
Uska chehra bhula de
Saare ghamon ko
Yeh ek aisi basharat
Mere ghar aayi...
Uski pyari tabassum
Zakhmon ka malham
Ek nayi zindagi
Mere ghar aayi...
Usko dekhun to aankhon ko
Thandak aa jaye
Hai jo Allah ki "Neama"…
Mere ghar aayi...
Jaise dasht o sehra mein
Rahat de waha
Waisa taskeen e qalb woh
Mere ghar aayi....
Tere daaman mein aalam ki
Saari ** khushiyan
Mere dil ki tammanna
Mere ghar aayi....
** yeh tera muqaddar
Suraj sa roshan
Banke chanda si murat tu
Mere ghar aayi...
Ae khuda tera sajda e
Shukr bajaon
Teri rehmat se beti
Mere ghar aayi...
Jaise Allah ne jholi "Ain"
Teri hai bhar di
Sab ko hasil ** daulat jo
Mere ghar aayi....
Sep 9, 2020
Sep 9, 2020 at 6:46 AM UTC
Aaj phir se uthai Kalam hath me
Kuch batane ka panno ko dil chahta hai,
Labzo me jo baat keh naa saka
Geet me gungunane ko dil chahta hai |
Kaun kehta hai ki tujh se pyar karte hai log
Bas jarurte puri karte hai log |
Jab tak zinda hai sauhrate hai teri,
Mare **** ko bhi kahan ghar me rakhte hai log |
Na koi hai tera na tu hai kisika
Jo chahe tuje tu ban jaa usi ka
Khel matlab ka duniya ne khela sada hai
Tu bhi hissa usika me bhi hissa usi ka
Jala ke **** ko rakh baha de nadi me
Aisi duniya se chutkara dil chahta hai
Aaj phir se uthai kalam hath me
Kuch batane ka panno ko dil chahta hai |
Yun to chalti rahi jindagi na ruki,
Koi aata raha koi jata raha |
Kayi khel ke dil se mere khilone ki tarah
Dil ko apne har dum behlata raha |
Kisi ne chaha kisi ne toda muje,
Me phir bhi sada muskurata raha |
Kabhi roya kabhi sadme me beh gaya,
Dil ko har baar apne behlata raha |
Badi faramaush hai duniya samaj me gaya,
Fir bhi kisi ko chahne ko dil chahta hai
Aaj phir se uthai Kalam hath me
Kuch batane ka panno ko dil chahta hai |
Feb 2, 2019
Feb 2, 2019 at 12:39 PM UTC
ishq pyar mohhabat
ye sabd paraye lagte hai,
anjan *** inke mayano se
ek ehsas iss dil me jise me
mohabat samazha karta tha
jisse dard ke siwa kuch na mila
yeh mehsoos bhi nai hua ki
apne he apnon ke pankh
kat chuke the,
talash thi to bas us kandhe ki thi
jo iss ladkhadate hue ko sahara de sake
fir bhi, dhire dhire iss katon ki
chadar par aage badna hai,
dil yehi kehta rehta hai,
kyunki jhuthi hansi ki kuch
aisi adat si ** gayi hai,
ki ab chahte hue bhi dard
ka ehsas nahin hota hai
naa paresaniya, naa halaat na he koi rog hai
jinhonw hame sataya hai aur koi nahi
wo jhuthe log hai, wo jhuthe log Hai!
jhuthe logon ki duniya me
sachai ki kimat kon jaanega,
toot kar bikhar jayega
jo inse ulajhne ki thanega,
bhalai hai dur rahe aise logon se
jo achai ka naatak karte hai
dhakel denge ye bure daur andhere me
jo girega nikal naa payega!
May 19, 2018
May 19, 2018 at 6:18 AM UTC
Teray husn ki taarif may
Alfaaz kam par jaatay hai
Tujhay dekhkar
Kya kahay
Kya na kahay
Yeh samjah hi nahi patay hai
Aisi hai teri khoobsurti ki shaan-o-shaukat
Kay teray baray may agar kitaab bhi likhoon
Toh woh bhi kam parjayegi
(Urdu and Hindi)
English Translation
Words fall short in praise of your beauty
When looking at you i simply cannot understand as to
What to say
And what not to say
Such is the magnificence of your beauty
That even if i write a book about you
Even that won't be sufficient to describe your beauty
Feb 17, 2016
Feb 17, 2016 at 9:15 AM UTC
Bada mushkil tha woh Lamha tere dar se nikal ne ka...
Ke ruqsat ** rahi thi main magar ek juz wahin par tha...
Thi aankhein aansuon se pur qadam aage hi na badhta...
Nazar mein kuch nahi tha Dil mera shiddat ke ranjh mein tha...
Kuch aisi kaifiyat mein chal padi Chalna muqaddar tha...
Kabhi lautungi main dar pe mere Zehn mein mere yehi chalta...
Yun hi chalti rahi, main *** kahan par Yeh na kuch socha...
Jo peeche dekha maine ghar bohot hi door tha choota...
Ke ab to raasta bhi ghar ka mere mujh ko naa dikhta...
Ke kaise jaungi main ghar ko mere mujh ko na tha pata...
Mere atraaf mein bas tha bayabaan aur veeraana...
Zamane bhar ki thokar ka Yeh pehla sa tajurbah tha...
Safar se thak chuki thi main aur mayoosi ka aalam tha
Par Tu ne chod na mujh ko diya Bebas besahara.....
Achanak dasht o sehra mein woh aaya ek masiha tha...
Badi hi door se dikhta mujhe us shaks ka saaya...
Usi ne rehnumaai ki sahi simt us ne dikhlaya...
Khushi se jhoom uthi main jo pata ghar jaane ka paaya...
Mujhe jaana kahan aur kis tarah Yeh ramz tha pehchaana...
Ke saathi ban rahe the "Ain" tere Na Tanha aalam tha...
Safar ab khushnuma tha har taraf manzar suhana tha..
Ke ab bhi chal rahi *** par safar ab na tha anjaana..
Sep 9, 2020
Sep 9, 2020 at 6:40 AM UTC
Kabhi apna kabhi begana samjha use ,
Dil se dur hone ke baad mai samjha use ..
Jab pass thi tabh kadr nhi thi ,
Abh dur hai toh har jagh vahi hai …
Yeh dil ka dard hai ya chere ki mayusi,
Pr abh toh hai bs lafzo pe khamoshi,
Zehn me hai ek aisi madhoshi.
Ki chahat vahi hai, vahi hai duniya,
Na jane kha hai dudh raha hu galiiyan
Abh toh bs intzaar hi rasta hai ,
Kyuki Zindagi me mera sirf tujhi se vasta hai …
Sirf tujhi se vasta hai...
Sep 14, 2018
Sep 14, 2018 at 2:14 PM UTC
Aakhir kyu
Beti puchhe babulse , " mei kyu parayi?"
Uski ye haalat dekh ke kayanath bhi sharmayi.
Na mei pihar ki, na sasural ki.
Babul bata mohe, mei aakhir kahaki?
Vidai ke waqt; tune kar di mohe parayi;
Kisine ne jaani mere dukh ki gehrayi.
Aaj tere jaane ke baad to, ne ghar ki , ne ghat ki.
Bas khed hei mujhe is baat ki .
Sasuralwale kahe," tera pihar;"
Yeh soonte hi jau mei sihar.
Sochu manhi man mei; kaunsa pihar !
Jaha aaj apna koi nahi hei; woh pihar !
Niyati ka khel hei yah kaisa?
Pihar ** ya sasural; dekhe harkoi paisa.
Kis se kahu mei dil ki peed ?
Akeli hu; bhale ** chahu aur bheed.
Paav mere tune baandh di janjeer.
Aakhir kyu, aisi meri taqdeer ?
Armin Dutia Motashaw
Oct 5, 2018
Oct 5, 2018 at 10:13 AM UTC