#sanbwlaori
रजे नों
दाजा दुखु
गोर्बोखौ खामग्लिहोना
उसाव बादाव दाजा
बिखायाव दाहा लाना।
दं आं रजे
नोंखौनो अरायनि मिजिंथिना
नोंनि अननायखौ गोर्बोआव लाना।
हाया आं बाउनो
नोंनिनो बुंनाय राव
नोंनिनो अननाय
नोंनिनो महर।
गोरोन्थि जागोन आंहा
बावगारोब्ला नोंखौ।
नोंनोनो अननाय आं
गोर्बो बुंजासे
नोंखौनो फोथाइहोना
लुसोमना होग्रोदोंमोन।
Dec 11, 2015
Dec 11, 2015 at 6:36 AM UTC
सम सम मोदानो बिबारि फामे
सानजौफुनि गोरा सोरां रोदाजों
जोंथि-माथि दैनि गुथालजों
समाइयो हायनारियै आंनि बिखासे।
गुफुर उदांनि दुखारु दाउथु
फानजारिनि लामा मोनस' दाबो
बिरग्लांनायनि हाबिलाया जाफुंआखै दिनैबो
गोजोननि मिजिआं जोबथेजानाय सनालु।
हारि-माहारिनि हांगामायाव गोमालांनाय
खास्रि-बिस्रियै हां गोमानांनाय
जिउ बुलि दावहारुफोरा दाबोनो
सुथि मोनाखै जानांगौ अरायसेनो।
गोमो सिनि जाथाया दिनैबो
बारनि बुबथिंनायाव बिरनो हाख' जाबायदों
आरो सिदोब अखानि मेगन सानायजों
सुथि मोनाखै मुंख्लं जोहोलाउ-जोहालाउजो।
Dec 17, 2015
Dec 17, 2015 at 7:54 AM UTC